Jeremia 11:23 - MUMA MALER 2015

²³ Onge kata ng’at achiel kuomgi ma nodong’, chieng’ ma achano ni akelo masira kuom jo-Anathoth.”

Motingʼo Loko Manyien

²³ Onge ngʼato kuomgi manodongʼ, nikech anakel masira ne jo-Anathoth e higa manokumgie.’ ”

Jeremia 11:23 ပူးပေါင်းရင်းမြစ်များ

Jeremia 11:19

Ne achalo gi nyarombo mogol e abila, ka kia ni idwaro nego, kendo ne ok ang’eyo ni ichano gik marichogo kuoma. Ne giwacho niya, “Wanegeuru mondo nyinge olal nono.”

Jeremia 23:12

Yore ma giluwo biro bedo mapothpoth kendo motimo mudho. Abiro miyo gichwanyre kendo gipodhi, nikech abiro kelo masira kuomgi chieng’ makumogie. An Ruoth Nyasaye ema awacho kamano.

Jeremia 44:27

Abiro neno ni ok gidhi nyime maber, to anang’igi gi wang’ marach. Un jo-Juda duto modak e piny Misri, lweny kata tuoche biro negou nyaka urum pep, maonge kata ng’at achiel modong’.

Jeremia 46:21

Jolweny ma jo Misri ondiko, bende omemore mana ka nyiroye mitueyo dala. Ne ok ginyono piny mondo gikedi, to giduto ne giwichore mi giringo, nikech ndalo ming’adonigie bura nosechopo, momiyo masira omakogi.

Jeremia 48:44

Ng’ato ang’ata ma temo tony e masira biro nyumore e bugo, to ng’ama owuok e bugo, obadho biro mako, Mago duto biro timore ni jo-Moab chieng’ ma akumogie.

Jeremia 5:29

Donge abiro kumogi kuom mago duto? Ee, abiro chulo kuor ni ogandani. An Ruoth Nyasaye ema awacho kamano!”

Jeremia 5:9

Donge onego akumgi kuom gik ma kamago? Donge onego achul kuor ni oganda ma kama?.

Jeremia 50:27

Neguru jolwenje duto ka rwedhi miyang’o. Ywaguru jo-Babulon, nikech sa osechopo monego kumgie.”

Jeremia 6:9

Ruoth Nyasaye Manyalo Gik Moko Duto nowachona niya, “Duog ires jo-Israel modong’ ka ng’ama dok e puoth mzabibu mondo opon olemo modong’.”

Jeremia 8:12

Bende uparo ni wigi okuot nikech timbe makuero mane gitimogo koso? Ooyo, wigi ok okuot kata matin, bende gionge gi wichkuot. Kuom mano, gibiro podho kaka ji mamoko osepodho, kendo ka akumogi to ginirum. An Ruoth Nyasaye ema awacho kamano.

Hosea 9:7

Kinde mar kum osechopo ma ng’ato ka ng’ato yudoe gima oromo gi timbene, kendo jo-Israel biro winjo! Uwacho niya, “Jonabi ofuwo! En janeko!” Un uchaya ahinya nikech richou lich.

Obadia 1:18

Joka Jakobo gi joka Josef nochal mach, mi ginitiek joka Esau manaa kaka mach wang’o tiang’ mi tieki. Onge nyakwar Esau moro ma nodong’ kangima. An Ruoth Nyasaye ema asewacho kamano.”

Mika 7:4

Kuom mano, kata mana timbegi mabeyo kendo modimbore obam, kendo chalo mana gi bunge motimo kuthe. To koro chieng’ ma Nyasaye kumogie osechopo, mana kaka jonabi mage ne osiemogi ni enotim. Omiyo koro kihondko omakogi.

Luka 19:44

Ginitieki kaachiel gi jogi duto, kendo ok giniwe kata kidi achiel kochung’ ewi wadgi, nikech ne ok ing’eyo kinde mane Nyasaye obiroe iri mondo olimi!”