Jeremia 11:21 - MUMA MALER 2015

²¹ Jo-Anathoth ne dwaro nego Jeremia, kendo ne giwachone ni gibiro nege ka pod osiko koyalo e nying Ruoth Nyasaye.

Motingʼo Loko Manyien

²¹ “Emomiyo ma e gima Jehova Nyasaye wacho kuom jo-Anathoth madwaro ngimani, ‘Kik ikor e nying Jehova Nyasaye ka ok kamano to ibiro tho e lwetwa.’

Jeremia 11:21 ပူးပေါင်းရင်းမြစ်များ

Isaya 30:10

Giwacho ni jokor wach niya, ‘Kik une fweny.’ Jonabi to giwachonigi ni, ‘Kik ukor wach moro mar adiera, to kornwauru mana weche mamit mag wuondruok.

Jeremia 1:1

Kitabuni oting’o weche kod timbe mag Jeremia wuod Hilkia. Ne en achiel kuom jodolo modak Anathoth e piny Benjamin.

Jeremia 1:19

Ok giniloyi, nikech abiro bet kodi kendo riti. An Ruoth Nyasaye ema awacho kamano.”

Jeremia 20:10

Awinjo ka ji kuodha gi nying’ ma gichaka ni ‘Masira ni kuonde duto,’ kendo giwacho niya, ‘Kwedeuru! Ee, wakwede!’ Kata mana osiepena ma ageno bende gombona mana chwanyruok. Giwacho niya, ‘Dipo ka oyondhe, mi omoko, kendo wachulone kuor.’

Jeremia 26:8

kendo kane otieko wacho gik moko duto mane Ruoth Nyasaye ochike mondo owachi, jodolo gi jonabi kod ji duto nomake, ka kok niya, “Owinjore negi kuom wach ma kama!

Jeremia 32:7

Hanamel wuod Shalum ma owadgi wuora biro biro ira, ka dwaro mondo ang’iew puothe man Anathoth, nikech an watne mahie, omiyo an gi ratiro mar ng’iewo puotheno.”

Jeremia 34:20

Abiro chiwogi e lwet wasikgi ma dwaro negogi, kendo ringregi winy gi le ema biro chamo.

Amos 2:12

To ne umiyo jo-Nazir omadho divai, bende nuchiko jonabi ni kik hul wachna.

Mika 7:6

E ndalogi yawuowi jaro wuonegi, nyiri bende kwedo minegi, kendo mond yawuowi kwedo weg utegi. Kamano wasik ng’ato gin mana joodgi.

Mathayo 10:21

“Ng’ato nondhog owadgi mondo onegi, kendo wuone nondhog nyithindgi. Nyithindo bende nolokre gi jonywolgi mi chiwgi mondo oneggi.

Mathayo 21:35

To jopur nomako jotichnego mi ogoyo achiel, to moro ginego, kendo machielo gigoyo gi kite.

Mathayo 22:6

to joma moko nomako jotichnego, motimonigi malit, kendo onegogi.

Luka 4:24

Eka nomedo wachonigi ni, “Onge janabi ma ji yiego e dalagi owuon.