Jeremia 11:20 - MUMA MALER 2015

²⁰ Eka nalemo niya, “Ruoth Nyasaye Manyalo Gik Moko Duto, in e jang’ad bura makare, kendo ma temo chuny ji gi parogi. We aneye ka ichulo ni jogo kuor, nikech aseketo wachna e lweti.”

Motingʼo Loko Manyien

²⁰ To, yaye Jehova Nyasaye Maratego, in ma ingʼado bura gi ratiro kendo pimo chuny kod paro, yie ane mirimbi kuom jogi, nimar in ema aseketoni kwayona.

Jeremia 11:20 ပူးပေါင်းရင်းမြစ်များ

Chakruok 18:25

Adier, ok dineg jomaonge ketho kaachiel gi joma nigi ketho. Ok inyal timo kamano, nikech kapo ni itimo kamano, to jomaonge ketho diyud mana kum maromre gi joma nigi ketho. To mano ok nyalre, nikech Jang’ad Bura mar piny ngima nyaka ng’ad bura kare.”

2 Ruodhi 19:14

Hezekia nokawo barua mane joote okelone, mi osomo. Bang’e ne odhi e Hekalu, mi oyaro baruano e nyim Ruoth Nyasaye, kokwaye niya,

1 Weche mag Ndalo 28:9

“To in Solomon wuoda, par Nyasach wuoru, kendo ichiwri mondo itine gi chunyi duto, nimar Ruoth Nyasaye ng’iyo chuny ji duto, kendo ofwenyo paro mag dhano. Kidware, to iniyude, to kiweye, to enojwang’i nyaka chieng’.

1 Weche mag Ndalo 29:17

A Nyasaye, ang’eyo ni inono chuny dhano, kendo adiera ema ihero. Asemiyi chiwogi duto gi mor kendo gi chuny makare, to koro amedo bedo gi ilo kaneno jogigi, bende ka goloni chiwo gi mor.

Ayub 5:8

Omiyo ka da bed ni an e in, to da adhi ir Nyasaye, mi aterone ywakna,

Zaburi 139:23

Nona, A Nyasaye, mondo ing’e chunya. Ee, tema mondo ing’e parona.

Zaburi 35:2

Kaw kuot kod gigi mag lweny mondo ibi iresa.

Zaburi 43:1

A Ruoth Nyasaye, ng’ad bura ma nyiso ni aonge ketho, kendo chwaka mondo joma ok ong’eyi kik loya. Yie igola e lwet joricho ma jomriambo.

Zaburi 57:1

Kecha, A Nyasaye! Yie ikecha, nikech aringo iri mondo ayud kar konyruok. Ee, ayueyo e tipo mar bwombeni nyaka masiche duto kadhi.

Zaburi 58:10

Joma kare to nobed mamor ka gineno kikumo joricho, kendo giniyor remb jorichogo.

Zaburi 7:10

Nyasaye e okumbana, kendo en ema owaro joma oluore.

Zaburi 7:8

A Ruoth Nyasaye, in e jang’ad bura ni ji duto, omiyo ng’adna bura maber, nikech an kare kendo aonge ketho.

Zaburi 7:9

Tiek timbe mamono mag joricho, kendo tim ni joma beyo gik ma owinjore gi timbegi. In Nyasaye ma timne kare, kendo inono chuny ji kod parogi maiye.

Zaburi 98:9

nimar obiro mondo orit piny. Adier, obiro rito ogendini duto mae piny gi bura makare kod adiera.

Jeremia 12:1

“A Ruoth Nyasaye, ang’eyo ni kata ka akeloni ywakna, to biro yudore ni in ema in kare. Kata kamano pod daher penjie wach kuom adiera mari. Ere gimomiyo joma richo yudo mwandu? Koso ere gimomiyo joma jowuond dhi maber?.

Jeremia 12:3

To Ruoth Nyasaye, ing’eya, kendo ineno gik ma atimo, bende inono chunya mondo ine kaka aheri. Ywa joma richogi oko ka rombe ma idwaro yang’o, kendo ketgi tenge nyaka chieng’ minegogie chopi.

Jeremia 15:15

Jeremia nodwoke niya, “Ruoth Nyasaye, in ing’eyo weche duto, omiyo para kendo ikonya. Chul kuor ni joma sanda. Kik iwegi, nono to ginega. Ng’e ni giyanya nikech in.

Jeremia 17:10

An Ruoth Nyasaye amanyo paro mar dhano, kendo apimo rieko mag ji. Atimo ni ng’ato ka ng’ato mana kaka ochalo, kendo mana ka luwore gi timbene.

Jeremia 17:18

Kel wichkuot kuom joma sanda, to an mondo iweya, kendo kelnigi kihondko, to an kik ibwoga. Kelnigi masira, kendo kethgi chuth.”

Jeremia 20:12

In Ruoth Nyasaye Manyalo Gik Moko Duto imiyo ji tem makare, kendo inono chunygi gi parogi. Omiyo yie ichulna kuor kuom wasika, nimar aketo wechena duto e lweti.

Ywagruok 3:58

A Ruoth Nyasaye, isechwaka, mi ireso ngimana.

Ywagruok 3:59

Iseneno gima rach motimna, mi ing’ado bucha kare.

Ywagruok 3:64

A Ruoth Nyasaye, timnigi gima oromo gi timbegi.

Ezekiel 11:5

Roho mar Nyasaye nolor kuoma, mi Ruoth Nyasaye nowachona mondo anyis jo-Israel niya, “Ang’eyo gima uwacho, bende ang’eyo gik ma uparo e chunyu.

Tich Joote 17:31

nimar oseketo chieng’ ma obiro miyo ng’at moseyiero ng’adoe bura gi adiera. Bende osenyiso ji duto malong’o ni obiro timo kamano, kuom chiero ng’atno a kuom joma otho.”

Jo-Filipi 4:6

omiyo kik upar gimoro, to nyisuru Nyasaye gik moko duto muchando, kulemo kendo ka chunyu goyone erokamano.

2 Timotheo 4:14

Aleksander ma jatheth mula notimona marach ahinya, Ruoth chieng’ nochule kuom gik mane otimona.

1 Petro 2:23

Kane oyanye, to ne ok oyenyo, kendo kane oneno masira, to ne ok osiemo ng’ato, to nochiwore e lwet Jal mang’ado bura kare.

Fweny 18:20

“To in polo, gone siboi nikech osekethe. Un jo-Nyasaye gi joote kod jonabi, beduru mamor, nimar Nyasaye osekume kuom gima notimonu!

Fweny 2:23

Nyithinde bende abiro nego, eka kanyakla duto mag jo-Kristo nong’e ni an ema ang’eyo chuny ji gi parogi, kendo ni amiyo ng’ato ka ng’ato kuomu pok mowinjore gi timne.

1 Samuel 16:7

To Ruoth Nyasaye nowacho ni Samuel niya, “Kik ing’i wang’e kata borne, nikech asedage. Ruoth Nyasaye ok ng’ichi kaka dhano ng’icho. Dhano ng’iyo ringruok, to Ruoth Nyasaye ng’iyo chuny.”

1 Samuel 24:15

Ruoth Nyasaye mondo ong’ad bura e kindwa kodi. En mondo oyalwa kodi, nikech ong’eyo ni obiro chwaka, kendo wacho ni aonge ketho.”