Jeremia 11:15 - MUMA MALER 2015

¹⁵ Ruoth Nyasaye wacho niya, “Joma ahero, timo timbe maricho. Ere gimomiyo oyienigi biro e oda? Koso giparo ni ginyalo geng’o masira kuom timo kuong’ruok kendo kuom wang’o boche ma gitimogo misengni? Bende giparo ni ginitony adier?

Motingʼo Loko Manyien

¹⁵ “Angʼo ma jaherana timo e hekalu mara kochano timbe mamono gi ji mathoth? Bende ringʼo mowal tenge nyalo loko kum mari? Seche mitimo timbe marichogo, ema inie gi mor.”

Jeremia 11:15 ပူးပေါင်းရင်းမြစ်များ

Zaburi 50:16

To Nyasaye wacho ni jaricho niya, “Ere gima omiyo iolo chikena? Koso ang’o momiyo iwuoyo kuom singruokna,

Zaburi 60:5

Reswa gi tekoni, kendo winj lemowa, mondo joma ihero oyud konyruok.

Ngeche 10:23

Timbe maricho ema ng’at mofuwo ohero, to rieko ema miyo ng’at mariek mor.

Ngeche 15:8

Ruoth Nyasaye mor ka joma ber lame, to omon gi misengni ma joricho chiwone.

Ngeche 2:14

Timo richo gi gik mamono ema gihero,

Ngeche 21:27

Ruoth Nyasaye mon gi misango ma joricho timone, to moloyo kotimne misangono gi paro marach.

Ngeche 26:18

Ng’at ma wuondo wadgi, to eka wacho ni ongere angera

Ngeche 28:9

Ka ng’ato ok orito chik, to kata mana lemone Nyasaye mon-go.

Isaya 50:1

Ruoth Nyasaye wacho niya, “Un jo-Israel ma nyithinda, en adier ni ne ariembou nikech timbeu maricho, to bende nitie gima nyiso ni nariembou chuth, kaka ng’ato riembo chiege? Koso ng’ato nitie mane achiwoune? Ooyo, ne ang’iewou mana nikech timbeu mamono.

Jeremia 12:7

An Ruoth Nyasaye awacho niya, “Aseweyo ogandana mane ayiero, mi adagigi. Aseketo joga ma ahero e lwet wasikgi.

Jeremia 13:27

Ruoth Nyasaye oseneno kaka utimo gik ma omon-go. Ulawo nyiseche manono e gode kendo e pewe, mana ka ng’at ma gombo chi wadgi, kendo ka faras ma dichwo ma lawo madhako! Un jo-Jerusalem urumo! Unuben maler karang’o?

Jeremia 15:1

Ruoth Nyasaye nowachona niya, “Kata da bed ni Musa gi Samuel ema jochung’ e nyima ka, to ok anyal weyo ni jogi richogi. Wachnigi mondo gia e wang’a.

Jeremia 2:2

ni mondo adhi ahul wachne ni ji duto modak Jerusalem kama: “Aparo hera mane un-go koda kane pod un oganda mayom, nimar e ndalo mane uluwa e thim, piny motwo ma ok pur, ne uhera mana kaka miaha hero chwore.

Jeremia 23:11

Ruoth Nyasaye wacho niya, “Timbe jonabi gi timbe jodolo ok ler. Asejukogi ka gitimo richo kata mana e Hekalu mara!

Jeremia 3:14

“Duoguru ira un nyithinda moseweya, nimar an ruodhu. Abiro golo ji manok kuomu e miechu kendo e dhoutu, mi adwoku e got Sayun.

Jeremia 3:8

Ne gineno bende kaka ne ariembo jo-Israel nikech ne giweya ka dhako moweyo chwore, to dwanyore gi chwo mamoko. To jo-Juda ma owetegigo ma bende joma andhoke ne ok odewo, mi gin bende ne giweya, kendo ne gidhi gidwanyore ka dhako moweyo chwore to dwanyore gi chwo mamoko.

Hosea 3:1

Ruoth nyasaye nowachona niya, “Dhiyo monsdo ikaw dhako man gi chotne kendo materore. Here mana kaka pod ahero jo-Israel, kata obedo ni giweya ka gilamo nyiseche mamoko, kendo gihero chiwo misengni mag mzabibu motwo ni kido manono.”

Mathayo 22:11

“To kane ruoth obiro neno welo, noyudo ng’at moro kanyo ma ok orwako law kisera,

Luka 8:28

Kane oneno Yesu, ne oywak matek, mi opodho e nyime kokok niya, “Yaye! Yesu, Wuod Nyasaye Maduong’ Moloyo! Ilaro ang’o koda? Asayi kik isanda!”

Jo-Rumi 11:28

Kane ilando ni jo-Yahudi Injili, to ne gidoko wasik Nyasaye, to mano nokelonu konyruok, un joma ok jo-Yahudi. To kata kamano Nyasaye noseyierogi, kendo pod oherogi, nikech oparo kweregi.

1 Jo-Korintho 13:6

Ok omor gi tim ma ok kare, to omor gi adiera.

Tito 1:15

Gik moko duto ler ni joma ler, to onge gimoro kata achiel maler ni joma okethore, kendo ma ok oyie. Parogi kod chunygi okethore.

Jakobo 4:16

To kar timo kamano, to upakoru kusungoru! Pakruok duto ma kamago gin richo.