Jeremia 11:13 - MUMA MALER 2015

¹³ Jo-Juda nigi nyiseche mang’eny mana ka miechgi, kendo joma odak Jerusalem bende oseloso kende-mag-misango mang’eny, mana moromo gi yore mag dalagi, mondo gitimie misengni ni Baal.

Motingʼo Loko Manyien

¹³ Un gi nyiseche manono mangʼeny mana kaka dalau, yaye Juda; bende kendo mar misango museiko mudwaro wangʼone nyasaye manono mar wichkuot miluongo ni Baal ngʼeny mana ka yore mag Jerusalem.’

Jeremia 11:13 ပူးပေါင်းရင်းမြစ်များ

2 Ruodhi 23:13

Ruoth noketho bende kuonde hembko mane ni yo milambo mar got Zeituni, man yo wuok chieng’ mar Jerusalem, mane Solomon ruodh Israel ogero ni Ashteroth, nyasaye ma kuero mar jo-Sidon, gi Kemosh, nyasach jo-Moab, kod Milkom, nyasach jo-Amon.

2 Weche mag Ndalo 28:25

Noloso hembko e mier duto mag Juda mondo owang’ie ubani ni nyiseche manono, kokwinyogo Ruoth Nyasaye ma Nyasach kwerene.

Isaya 2:8

To bende opong’ gi nyiseche manono ma lwetu uwegi ema oloso, ni to mago ema ulamo!

Jeremia 11:17

“An Ruoth Nyasaye Manyalo gik Moko Duto ema napidho jo-Israel gi jo-Juda kaka ng’ato pidho yath, to koro abiro bwogogi gi masira nikech richo ma gisetimo. Gisekelo gima kama kuomgi giwegi, nikech gimiya mirima kuom timo misengni ni Baal.”

Jeremia 17:1

Ruoth Nyasaye wacho niya, “Un jo-Juda, richou ondik gi kalamb chuma, kendo ogorgi gi gima bith e chunyu, kendo e tunge kendeu mag liswa.

Jeremia 18:15

To joga wigi osewil koda, kendo giwang’o ubani ni kido manono. Gisechwanyore mi giweyo wang’yo ma onego giluw, mi koro ok giluw yore machon, to giwuotho e yore mogondore ma ok opa.

Jeremia 19:4

Abiro timo kamano nikech useweya, mudwanyo dalani, kutimoe lisweche ni nyiseche mamoko ma ok ung’eyo, to kata mana kwereu gi ruodhi mag Juda bende ne ok ong’eyo. Usemiyo remb ji maonge ketho opong’o ka,

Jeremia 19:5

kendo usegero kende-mag-liswa mondo uwang’ie nyithindu ka liswa ni Baal. To ne ok achikou mondo utim kamano, bende wach ma kamano ne ok aparo kata matin.

Jeremia 2:28

Koro ere nyiseche gogo mane uloso? Ka un e chandruok, to mondo okonyu ane, ka ginyalo konyou! Un jo-Juda, un gi nyiseche mang’eny.

Jeremia 3:24

“ ‘Chakre tindowa, gik moko duto ma wuonewa osetiyo moyudo, kaka jamni kod yawuowi gi nyiri, oselalnwa kuom lamo Baal, nyasach wichkuot.

Jeremia 3:25

Onego wanind piny ka wiwa okuot, kendo ka timbewa maricho oumowa. Wan kaachiel gi kwerewa waseketho e nyim Ruoth Nyasaye ma Nyasachwa, chakre tindowa, kendo ok wasewinjo wachne.’ ”

Jeremia 32:35

kendo gisegero kende-mag-liswa ni Baal e holo Ben-hinom mondo giwang’ie yawuotgi gi nyigi ka liswa ni nyasaye miluongo ni Molek. To ne ok anyisogi mondo gitim kamano, bende ne ok aparo kata matin ni ginyalo timo gima kamano, mi gimi jo-Juda bed joricho.”

Jeremia 44:21

“Uparo ni Ruoth Nyasaye ne ok ong’eyo wach misengni ma un gi kwereu kod ruodhiu gi jotendu kaachiel gi jopinyu duto ne utimo e miech Juda kendo e yore mag Jerusalem? Koso uparo ni wiye osewil kodgi?

Jeremia 44:5

to ne udagi winjo, kata dewo ne ok udewo. Bende ne utamoru weyo tim marach mar timo misengni ni nyiseche mamoko.

Jeremia 48:35

Abiro tamo jo-Moab mondo kik tim ni nyisechegi misengni miwang’o pep kod misengni mamoko kuonde moting’ore. An Ruoth Nyasaye ema awacho.

Jeremia 7:9

Ukwelo, unego ji, uteroru, ukuong’oru gi miriambo, utimo lisweche ni Baal, kendo ulamo nyiseche manono ma yande ok ung’eyo.

Ezekiel 16:24

to ne igero kuonde milamoe nyiseche manono, kendo mitimoe timbe mag chode.

Hosea 10:1

Jo-Israel ne chalo gi yadh mzabibu monyak maber. Kaka ne gimedo dhi nyime maber, e kaka ne gimedo gero kende mag misango, kendo kaka pinygi ne nyak maber, e kaka ne giloso sirni milamo mabeyo.

Hosea 12:11

Jo-Israel lamo kido manono Gilead, to joma lamo gik ma kamago biro tho. Gitimo misengni gi ruedhi Gilgal, emomiyo kende-mag-misango biro lokore, mi dok tuche mag kite manie puothe.”

Hosea 9:10

Ruoth Nyasaye wacho niya, “Kane akuongo yudo Israel, to yudogino ne chal mana gi yudo mzabibu ma e thim. Ee, kane akwongo neno kwereu, nenogino ne chal mana gi neno ng’owo mochiek atamalo. To kane gibiro Baal-peor, ne gichako lamo kido manono makuodo wich, omiyo ne amon kodgi mana kaka ne amon gi kido manono mane giherono.