Jeremia 11:11 - MUMA MALER 2015

¹¹ Kuom mano an Ruoth Nyasaye asiemogi ni abiro kelo masira kuomgi kendo onge ng’at ma notony. To kata ka giywak mondo akonygi, to ok nadewgi.

Motingʼo Loko Manyien

¹¹ Emomiyo ma e gima Jehova Nyasaye wacho: ‘Anakelnegi masira ma ok ginyal tonye. Kata bed ni giywakna, ok anawinjgi.

Jeremia 11:11 ပူးပေါင်းရင်းမြစ်များ

2 Ruodhi 22:16

Ruoth Nyasaye ma Nyasach Israel owacho kama: ‘Abiro kelo masira e pinyni, kendo kuom joma odakie, kaluwore gi weche duto manie kitabu ma ruodh Juda osesomo.

2 Weche mag Ndalo 34:24

‘Abiro kelo masira e pinyni, kendo kuom joma odakie kaluwore gi kuong’ duto manie kitabu ma nosesom e nyim ruodh Juda.

Ayub 35:13

Giywak kayiem, nimar Nyasaye Manyalo Gik Moko Duto ok winjgi, bende ok onen-gi.

Zaburi 18:41

Ne giywak ni mondo okonygi, to onge ng’ama ne nyalo resogi. Ne giywak ni Ruoth Nyasaye to ne ok odwokogi.

Zaburi 66:18

Ka dine bed ni richo mitna, to Ruoth Nyasaye dine ok owinja.

Ngeche 1:28

E kinde ma un e thagruok kamano, unuluonga to ok anaduoku, bende unumanya kuonde duto, to ok unuyuda kamoro amora!

Ngeche 29:1

Ng’at ma wiye medo bedo matek, kata ka osekwere, nopo mana ka otur ma ok chomre.

Isaya 1:15

Bende ka uting’o bedeu malo ka ulemo, to abiro umo wang’a mondo kik aneu, kendo kata da bed ni ulemo machal nade, to ok nawinju

Isaya 24:17

A yaye, un joma odak e piny, masira gi bur kod obadho ema ochomou!

Jeremia 11:14

Kuom mano, in Jeremia, kik ilam ni jogi, kata kik isaya mondo akonygi nimar kata ka ginie chandruok mi giluonga, to ok nadewgi.”

Jeremia 11:17

“An Ruoth Nyasaye Manyalo gik Moko Duto ema napidho jo-Israel gi jo-Juda kaka ng’ato pidho yath, to koro abiro bwogogi gi masira nikech richo ma gisetimo. Gisekelo gima kama kuomgi giwegi, nikech gimiya mirima kuom timo misengni ni Baal.”

Jeremia 14:12

Kata ka gitueyo chiemo, to ok nawinj ywakgi, kendo kata ka gichiwona misengni miwang’o pep, gi mag erokamano, to ok nabed mamor kodgi. Abiro miyo githo e lweny, kendo kech gi tuo biro negogi.”

Jeremia 14:2

“Jo-Juda ywak kendo miechgi kethore. Jogi oriere piny kokuyo, kendo jo-Jerusalem ywak mondo okonygi.

Jeremia 15:2

To ka gipenjo ni gidhi kanye, to nyisgi ni Ruoth Nyasaye owacho kama: Jomoko kuomu tuo biro nego, kendo mano e kuma gibiro dhiye! To moko biro tho e lweny, kendo kuno ema gibiro dhiye! Bende moko kech biro nego, mi kuno ema gibiro dhiye! To moko ibiro tero e tuech, kendo kuno ema gibiro dhiye!

Jeremia 18:11

Omiyo koro dhi inyis jo-Juda gi jo-Jerusalem ni achano kelonigi masira, kendo abiro kumogi. Kwergi mondo giwe richogi. Kendo ng’ato ka ng’ato olok yorene gi timbene maricho.

Jeremia 19:15

“Ruoth Nyasaye Manyalo Gik Moko Duto ma Nyasach Israel owacho ni obiro kelo masiche duto mane osiemogo dalani kaachiel gi mier duto mokiewo kode, nikech un joma tokgi tek, motamore winjo wachne.”

Jeremia 19:3

Ruoth Nyasaye nokona mondo awach niya, “Winjuru un ruodhi mag Juda kod jo-Jerusalem. An Ruoth Nyasaye Manyalo Gik Moko Duto kendo ma Nyasach Israel, awacho kama: Abiro kelo masira malich kuom dalani, ma ng’ato ka ng’ato mowinjo, to ite nopopni.

Jeremia 23:12

Yore ma giluwo biro bedo mapothpoth kendo motimo mudho. Abiro miyo gichwanyre kendo gipodhi, nikech abiro kelo masira kuomgi chieng’ makumogie. An Ruoth Nyasaye ema awacho kamano.

Jeremia 25:35

Ok nobedie yo moro ma jotelo nyalo tonygo.

Jeremia 35:17

Omiyo an Ruoth Nyasaye Manyalo Gik Moko Duto kendo ma Nyasach Israel abiro kelo kuomu un jo-Juda gi jo-Jerusalem masiche duto mane asesiemougo, nikech ne ok unyal winja ka awuoyo kodu, bende ne ok unyal dwoka ka aluongou.”

Jeremia 36:31

Anakumi in kod nyikwayi, kaachiel gi jodongi nikech richo ma usetimo. In gi jo-Jerusalem kod jo-Juda, ok usedewo siem mane asiemougo, omiyo abiro kelo kuomu masiche duto ma asewacho.”

Jeremia 6:19

Un jo-piny, winjuru! Akelo masira kuom jogi mana moromo gi timbegi, nikech gisedagi wechena, kendo ok giserito puonjna.

Ywagruok 2:22

Ne iorona wasigu moa kuonde duto, mana ka ji machokore e nyasi moro maduong’. Onge kata ng’at achiel mane otony. Ooyo, onge ng’ato mane odong’ ka ngima, chieng’ mane inie gi mirima, A Ruoth Nyasaye. Ji duto mane anywolo maber kendo apidho, wasika osetieko pep.

Ezekiel 14:3

kawachona niya, “Wuod dhano, jogi oketo chunygi kuom lamo nyiseche manono, kendo giyie mondo nyisechego otergi e richo. Koro ere kaka giparo ni anyalo dwokogi?

Ezekiel 7:5

“An Ruoth Nyasaye awacho kama: Koro masiche mang’eny biro makou.

Ezekiel 8:18

Abiro kumogi gi mirimba mager, ka ok ang’wononigi, kata ka ok akechogi. Kata da bed ni gilama matek manade, to ok anadewgi.”

Amos 5:19

Unuchal mana gi ng’at ma sibuor riembo, to romo gi ondiek, kata machal gi ng’at modonjo e ot, kendo oyiengo lwete e kor ot, mi thuol okayo!

Mika 3:4

Kinde biro ma unuywagie ni Ruoth Nyasaye, to ok nodwoku, kata mana winjo lemou ok nowinji, nikech timbe maricho musetimo.

Zekaria 7:13

Ne awacho niya, ‘Kaka ne gidagi winja ka aluongogi, e kaka ne adagi winjogi ka giluonga,

1 Jo-Thesalonika 5:3

ji nobed kawacho ni kue nitie, kendo weche ni kare, to ka diemo wang’ nono masira nopogi, mana kaka muoch poyo dhako man gi ich, kendo ok ginitony kata matin.

Jo-Hibrania 1:3

En ema orieny kaka duong’ maler mar Nyasaye, kendo en e kit Nyasaye hie, kendo en ema omiyo gik moko duto osiko nikech wachne man gi teko. Kane en owuon oseloso yor pwodhruok kuom richo, nobet piny e bat korachwich mar Nyasaye manie polo.