Jeremia 11:10 - MUMA MALER 2015

¹⁰ Gisedok e richo kweregi mane otamore timo gima ne awacho, nikech gisebedo ka gilamo nyiseche manono. Jo-Israel gi jo-Juda oseketho singruok mane atimo gi kweregi.

Motingʼo Loko Manyien

¹⁰ Gisedok e richo mag kweregi, mane otamore winjo wechega. Giseluwo bangʼ nyiseche manono mondo gitinegi. Od Israel gi od Juda giduto oseketho singruok mane atimo gi kweregi.

Jeremia 11:10 ပူးပေါင်းရင်းမြစ်များ

Zaburi 78:57

mi giweye, kendo gindhoge mana kaka kweregi notimo. Ne gibaro mi giweyo yo, mana ka asere modir gi atung’ mobam, ma ok dimb gima onego ochiel.

Isaya 24:5

Ji modak e piny osedwanyo piny, nikech gidagi rito chike, mi giketho muma mochwere.

Jeremia 13:10

Oganda marachni osetamore winjo wachna, mi gisebedo joma wigi tek, kendo ma timbegi richo. Giselamo nyiseche mamoko, kendo gitiyonigi. Kuom mano gibiro chalo mana gi law ma koro onge tichni.

Jeremia 17:23

To kweregi ne ok odewo winjo wachna, kendo wigi ne odoko matek, mi gidagi luora, kata obedo ni asekumogi kamano.

Jeremia 22:9

Eka nodwokgi niya, ‘Mano osetimore nikech jogi oseweyo singruok mane Nyasachgi otimo kodgi, mi gilamo nyiseche mamoko kendo gitiyonigi.’

Jeremia 31:32

Ok nochal gi singruok mane atimo gi kweregi kane atayogi kagologi e piny Misri, nimar ne giketho singruok mane atimo kodgi kata obedo ni ne an ruodhgi.

Jeremia 44:16

“Wadagi winjo gima isewachonwa e nyim Ruoth Nyasaye.

Jeremia 44:5

to ne udagi winjo, kata dewo ne ok udewo. Bende ne utamoru weyo tim marach mar timo misengni ni nyiseche mamoko.

Jeremia 7:28

Eka bang’e ininyisgi niya, ‘Ogandani odagi winjo wach Ruoth Nyasaye ma Nyasachgi, kendo ok giyie mondo opuonjgi. Ok ginyal wacho adiera, nikech adiera oselalnigi.’

Jeremia 9:6

Gitimo timbe mahundu kinde duto, timbegi mag wuond bende osiko asika, to gitamore yie kuoma.

Ezekiel 16:59

Ruoth Nyasaye nomedo wacho niya, “Abiro timoni mana kaka oromore gi timbeni, nimar ne ichayo winjruok mane wan go, mi ok irito singruok mane itimo koda.

Ezekiel 44:7

Gisedwanyo Hekaluna, ka giyie ni jopinje mamoko ma ok ter nyangu kendo mochaya donjo e Hekalu e kinde ma itimona misango gi boche kod remo. Kamano joga oseketho singruok mane atimo kodgi, kuom gik mamono ma gisetimo.

Ezekiel 5:6

To jo-Jerusalem osepiem koda, moweyo buchena kod chikena moloyo ogendini mamoko duto, nimar gisedagi chikena, mi gitamore rito.

Hosea 6:4

To Ruoth Nyasaye wacho niya, “Un jo-Israel gi jo-Juda, ang’o ma anyalo timonu? Hera ma uherago lal piyo mana ka ong’weng’o mar okinyi, kata ka tho maduono ka nyango tegno.

Hosea 6:7

“To piyopiyo nono mane jogago odonjogo e piny mane asingoranigi, ne giketho singruok mane atimo kodgi, mi giweya.

Hosea 7:16

Gisiko ka giweya, kendo gidok ni nyiseche maonge teko. Ok nyal gen-gi, nikech gichalo gi atung’ mobam. Ibiro nego jotendgi e lweny nikech gisungore, mi jo-Misri nonyiergi.”

Tim jo-Lawi 26:15

mi udagi buchena, kendo ok uluwo yorena, mi uketho singruok mane atimo kodu,

Zefania 1:6

kaachiel gi joma oselokona ng’egi, kendo ok manya kata kwaya mondo akony.”

Zekaria 1:4

Kik ubed machal gi kwereu mane jonabi machon ywaknigi kawacho ni, ‘Ruoth Nyasaye Manyalo Gik Moko Duto wacho niya, “Weuru yoreu maricho kod timbeu mamono mondo uduog ira.” ’ To ne ok gichiko itgi kata dewo wechena ne ok gidewo. An Ruoth Nyasaye ema awacho kamano.

Zekaria 7:11

To ne gidagi, mi giloko ng’egi ka gidino itgi, mondo mi kik giwinj wachna.

Zekaria 7:13

Ne awacho niya, ‘Kaka ne gidagi winja ka aluongogi, e kaka ne adagi winjogi ka giluonga,

Rapar mar Chik 31:16

Ruoth Nyasaye nowacho ni Musa niya, “Ka isetho, moyiki, to jogi biro weya mi luw nyiseche mag jomoko ma gidhi yudo ka gidonjo e pinyno, mana kaka dhako weyo chwore, to dwanyore gi chwo mamoko. Giniweya, kendo giniketh singruok ma asetimo kodgi.

Rapar mar Chik 9:7

“Paruru ma wiu ok owil kaka numiyo Ruoth Nyasaye ma Nyasachu mirima e thim, chakre chieng’ mane uwuokie Misri nyaka chieng’ mane uchopoe ka, usebedo kutamoru winjo Ruoth Nyasaye.

Jo-Hibrania 8:9

Ok nochal gi singruok mane atimo gi kweregi, kane atayogi, kagologi e piny Misri, nimar ne ok girito singruok mane atimo kodgino, mi an bende ne ajwang’ogi’

Jong’ad Bura 2:11

Timbe jo-Israel nodoko maricho e nyim Ruoth Nyasaye, kendo ne gilamo nyiseche manono miluongo ni Baal.

Jong’ad Bura 2:17

To kata kamano ne ok gidewo kata mana jotelogo. Ne giduwore, mi gitiyo ni nyiseche mamoko, kendo ne gilamogi. Piyopiyo nono ne gibaro, mi giweyo rito chik Ruoth Nyasaye mane kweregi orito, kendo ne ok giluoro Ruoth Nyasaye.

Jong’ad Bura 2:19

To pile kane jatelo ma kamano osetho, ne gidok e timbe maricho moloyo mane kweregi timo, kendo ne giluwo nyiseche mamoko, ka gitiyonigi kendo gilamogi. Ne ok giweyo timbegi maricho, kata yoregi mag wich teko.

1 Samuel 15:11

“Chunya olokore kuom keto Saulo ruoth, nimar osedok chien ma ok oluwa, kendo ok osetimo gima nachike.” Mirima nomako Samuel, moywak ni Ruoth Nyasaye otienono duto.