Jeremia 10:22 - MUMA MALER 2015

²² Winjuru! Wach osebiro! Koko maduong’ timore e piny moro yo nyandwat. Gin jolweny mabiro ketho miech Juda, mi lokre thim ma ondiegi ema dakie.

Motingʼo Loko Manyien

²² Chik iti! Wach biro niya, tungni maduongʼ koa e piny man yo nyandwat! Anami dala mag Juda odongʼ nono, kama ondiegi ema odakie.

Jeremia 10:22 ပူးပေါင်းရင်းမြစ်များ

Isaya 34:13

Kudho ema noyugno e udi madongodongo man kuno, kendo aila kod pedo nogawre e mier mage mochiel gi ohinga. Enobed piny marach ma ondiegi ema nitie, kendo ma tula ema odakie.

Jeremia 1:14

Ruoth Nyasaye nowachona niya, “Masira biro yienyo koa yo nyandwat, mi chop kuom ji duto modak e pinyni.

Jeremia 1:15

Aluongo ogendini duto man yo nyandwat mondo obi. Ruodhi maggi bende nobi, kendo norenj kombegi mag loch e dhorangeye Jerusalem, kendo e alwora mar ohinga Jerusalem, kendo e alwora mag mier moko duto mag Juda.

Jeremia 2:15

Wasikgigo rutonigi matek, mana ka sibuoche. Giseketho pinygi, molokore thim. Miechgi bende okethore, maonge ng’ama dagie.

Jeremia 25:9

‘Abiro kelo ogendini duto moa yo nyandwat, kendo abiro kelo jatichna Nebukadnezar ruodh Babulon. Ogendinigo biro kedo gi pinyni kod joma odakie kendo gibiro kedo gi ogendini duto modak machiegni. Abiro tiekogi chuth, mi piny biro dong’ nono malich, mabwogo ji, kendo ma ji chayo. An Ruoth Nyasaye ema awacho kamano.

Jeremia 4:15

Winjuru! Jaote moa Dan ema hulo ni masira biro, kendo jago milome moa e gode mag Efraim bende wacho kamano.

Jeremia 4:6

Nyisuru ji yo madhi Sayun. Ringuru mondo utony, kik udeki, nikech Ruoth Nyasaye kelo masira kaa nyandwat mabiro ketho piny malich.

Jeremia 49:33

Hazor nolokre thim nyaka chieng’, kama ondiegi ema dakie. Onge ng’ama nodag kuno, kata mana ma nobuorie.”

Jeremia 5:15

Un jo-Israel, akelo oganda moro, maa e piny mabor mondo obi omonju. En oganda machon kendo maratego ma ok uwinj dhogi, kata mana weche ma giwacho bende ok ung’eyo.

Jeremia 6:1

Un jo-Benjamin, ringuru mondo utony! Ringuru ua Jerusalem! Gouru tung’ e Tekoa, kendo mokuru mach ewi Beth-hakerem mondo onyis ji ni lweny biro, nimar chandruok kod masira maduong’ chiegni biro koa nyandwat.

Jeremia 6:22

An Ruoth Nyasaye awacho niya, “Oganda moro biro, moa e piny man yo nyandwat. Ee, oganda marang’ongo man kuma bor ikore ni lweny.

Jeremia 9:11

Ruoth Nyasaye owacho niya, “Abiro loko miech Jerusalem gundni kama ondiegi ema odakie, kendo miech Juda abiro loko thim.”

Ywagruok 1:4

Yore madhi Sayun ywagore, nimar onge ng’ama luwogi, kadhi timo sawo kuno, kendo dhorangeye odong’ nono maonge ji. Jodolo mage omo chunygi malit, kendo nyige isando marach. Mano kaka en gi thagruok malich!

Ezekiel 12:19

Nyis ogandaa duto ni an Ruoth Nyasaye awacho kama: Jo-Jerusalem ma pod odak e piny Israel biro tetni ka chiemo kata ka modho pi. Pinygi noyaki, mi dong’ nono, nikech timbe mahundu mag ji duto modak kuno osebet mang’eny.

Malaki 1:3

Esau gi nyikwaye to asin-go. Aseketho piny gode mag Esau, mi aloko obedo thim ma ondiegi dakie.”