Jeremia 1:5 - MUMA MALER 2015

⁵ “Kane pok achueyi e ich, ne oyudo aseyieri, kendo kane pok onywoli, ne asewali mondo iti tichna, mi aketi janabi ni ogendini.”

Motingʼo Loko Manyien

⁵ “Kane pok achweyi e ich ne angʼeyi, kane pok onywoli ne asewali tenge; ne ayieri kaka janabi ne pinje.”

Jeremia 1:5 ပူးပေါင်းရင်းမြစ်များ

Zaburi 139:15

Ne ineno ka chokena chakore, kendo ka iriwogi maber ei mama, e kinde mane adongo kuno ling’ling’.

Zaburi 139:16

Ne inena kapod ichueya ei ich, kendo ndalo mane oketna bende ne isendiko e kitapi ka pok ochak kwan-gi.

Wuok 33:12

Musa nowacho ni Ruoth Nyasaye niya, “En adier ni isenyisa mondo atel ni jogi nyaka piny Kanaan, to pok inyisa ng’at ma ibiro orago. To bende isewacho ni ing’eya maber, kendo imor koda.

Wuok 33:17

Mi Ruoth Nyasaye nodwoko Musa niya, “Abiro timo mana kaka isekwayo, nikech amor kodi, kendo ang’eyi maber.”

Isaya 44:2

An Ruoth Nyasaye ma jachuechu, kendo ma jakonyu, mane olosou chakre e ich, awacho kama: Un joka Jakobo jatichna, ma bende aluongo ni jo-Jeshurun, kik ubed maluor,

Isaya 49:1

Winjuru, un joma odak e dhonembe kod chulni. Chikuru itu, un ogendini man kuonde maboyo. Ruoth Nyasaye noluonga kapok onywola. Adier, noluonga gi nyinga kapod an ei mama.

Isaya 49:5

Koro Ruoth Nyasaye mane ochueya ei mama mondo abed jatichne kendo adwok jo-Israel ma nyikwa Jakobo ire, wacho niya,

Jeremia 1:10

Kawuono amiyi teko kuom ogendini, kendo kuom ruodhi, mondo ipudhi kendo igo piny, mondo imuki kendo ikethi, to bende mondo iger kendo ipidhi.”

Jeremia 1:4

An Jeremia, Ruoth Nyasaye nowachona niya,

Jeremia 20:15

Okuong’ ng’at mane omiyo wuora mor, kuom kelone wach ni onywolne nyathi ma wuowi!

Jeremia 25:13

Abiro kelo ni ogandano kum duto ma asesiemogigo, tiende ni gik moko duto mondik e kitabuni. Gin gik mane Jeremia osewacho kuom ogendinigi.

Jeremia 36:2

“Kaw kitabu mondo indikie weche duto ma asenyisi kuom Israel gi Juda kod ogendini duto, chakre chieng’ mane akwongo losoe kodi e ndalo loch ruoth Josia nyaka chil kawuono.

Jeremia 50:34

To gin gi jawar maratego ma nyinge Ruoth Manyalo Gik Moko Duto! En owuon ema nolos wachgi, mi okel kue e piny, to jo-Babulon enomi chandruok.”

Luka 1:15

nimar enobed ng’at maduong’ e nyim Ruoth Nyasaye. Ok nomadh kong’o kata gimoro amora ma mero ji, kendo chakre nywolne enobed kopong’ gi Roho Maler.

Luka 1:41

to kane Elizabeth owinjo mos Maria, nyathi notugo e iye. Eka Roho Maler nopong’e,

Luka 1:76

To in nyathina, noluongi ni, janabi mar Ng’ama Duong’ Moloyo. Initel nyim Ruoth mondo ilosne yo,

Johana 10:36

Kane Nyasaye oluongo joma ne wachne obironigi ni, ‘Nyiseche’ kamano, koro ere gima omiyo uwacho ni apiem gi Nyasaye, ka awacho ni an Wuod Nyasaye? To an ema Nyasaye ne oyiera, mi oora e piny ka!

Jo-Rumi 1:1

Ma en barua ma an Paulo, jatich Yesu Kristo, ema andikonu un jo-Rumi. Nyasaye noluonga mondo abed jaote, kendo nowala mondo aland Wachne Maber.

Jo-Rumi 8:29

Gin e joma noyiero chon, mi oketo obedo gi kido machal gi kit Wuode, mondo Wuode obed wuowi maduong’ e kind owetene mang’eny.

1 Jo-Korintho 8:3

To ka ng’ato ohero Nyasaye to mano nyiso ni Nyasaye ong’eye.

Jo-Efeso 1:22

Nyasaye noketo gik moko duto e teko Kristo, kendo nomiyo Kristo obedo wi kanisa, ma en kanyakla mar ji duto moyie kuom Kristo.