Jeremia 1:18 - MUMA MALER 2015

¹⁸ Ji duto manie pinyni, kaka ruodhi mag Juda, gi jodongo gi jodolo kod ji mamoko duto, biro bedo mamon kodi. To kawuono amiyi teko mondo isirgi. Ibiro chalo gi dala mochiel motegno, kendo gi siro mar chuma, kendo gi ohinga mar mula.

Motingʼo Loko Manyien

¹⁸ Kawuono aseketi dala maduongʼ mochiel motegno, kendo gi siro mar chuma kod ohinga mar mula mondo ogengʼne piny ngima, ma gin ruodhi mag Juda, jotende, jodolo mage kod ji duto mag pinyno.

Jeremia 1:18 ပူးပေါင်းရင်းမြစ်များ

Isaya 50:7

To Ruoth Nyasaye biro konya, omiyo onge ayany moro ma nyalo hinya. Kuom mano aseguro wiya matek ka lwanda, ka ang’eyo ni ok nayud wichkuot,

Jeremia 1:17

Emomiyo tim atima chir Jeremia, kendo dhi iwachnigi gik moko duto ma asenyisi. Kik iwe gimiyi luoro, nono to abiro miyo ibed maluor moloyo e nyimgi.

Jeremia 1:19

Ok giniloyi, nikech abiro bet kodi kendo riti. An Ruoth Nyasaye ema awacho kamano.”

Jeremia 15:10

Jeremia noywagore niya, “Yaye! Hapa rach! Ere gima omiyo ne mama onywola, nimar ji duto osiko ka dhaw adhawa koda? Pok aholo ng’ato pesana, bende pok aholo pesa kuom ng’ato, to kata kamano, ji duto kuong’a.

Jeremia 15:20

Abiro loki motegno ka ohinga mar chuma, mondo eka isir jogo. Gibiro kedo kodi, to ok giniloyi, nikech abiro bet kodi mondo ariti.

Jeremia 20:11

To in Ruoth Nyasaye, in koda, itek, kendo iduong’, omiyo joma sanda biro chwanyore, kendo ok ginyal gimoro. Wigi biro kuot malich, nikech ok gibi loyo. Wichkuotgino nosik nyaka chieng’, kendo wich ok nowilgo.

Jeremia 21:4

ni mondo onyis Zedekia ni Ruoth Nyasaye ma Nyasach Israel owacho niya, “Jolweny ma konyo Zedekia kedo gi ruodh Babulon gi joge mag lweny molworo ohinga mar Jerusalem abiro dwoko ei dala, kendo abiro dhuro gikgi mag lweny pidhe pidhe e chuny dala.

Jeremia 26:24

Jeremia to notony, mi ok ochiw e lwet ji mondo onege, mana nikech Ahikam wuod Shafan nokonye.

Jeremia 34:3

In ok nitony, to ibiro maki mi teri ire. Ubiro nenoru kode wang’ gi wang’, mi uwuo kode dhok gi dhok. Bang’e inidhi Babulon.

Jeremia 37:7

“Ruodh Juda osekwayi mondo ipenjne wach kuoma. Nyise ni jolweny mag Farao ma osebiro mondo okonye biro dok thurgi Misri.

Jeremia 38:18

To ka ok ichiwori e lwetgi, to gibiro kawo dalani, mi giwang’ kendo in ok nitony e lwetgi.”

Jeremia 38:2

ni Ruoth Nyasaye nosewacho niya, “Ng’ato ang’ata ma odong’ Jerusalem, lweny kata kech kata tuoche biro nego. To ng’ato ang’ata modhi ochiwore e lwet jo-Babulon ok nonegi. Enotony to ngimane kende ema noresi.”

Jeremia 42:22

Kuom mano nyaka ung’e ni lweny kata kech kata tuoche biro negou e piny ma udwaro dhi dakieno!”

Jeremia 6:27

“In Jeremia, aseketi japim joga. Pimgi, eka mondo ifweny timbegi.

Johana 1:42

Eka nokelo Simon ir Yesu. Yesu nong’iyo Simon, mowachone ni, “In Simon wuod Johana, to chieng’ moro noluongi ni Kefa.” (Kefa en Petro gi dho Grik, tiende ni Lwanda.)

Fweny 3:12

To ng’at molocho anami bed siro e Hekalu mar Nyasacha, mi ok nochak owuog kanyo kendo nyaka chieng’. Anandik nying Nyasacha kuome, kod nying dala mar Nyasacha, ma en Jerusalem manyien, mabiro lor kaa e polo kuom Nyasacha. Nyinga maler bende nandik kuome.