Jeremia 1:14 - MUMA MALER 2015

¹⁴ Ruoth Nyasaye nowachona niya, “Masira biro yienyo koa yo nyandwat, mi chop kuom ji duto modak e pinyni.

Motingʼo Loko Manyien

¹⁴ Jehova Nyasaye nowachona, “Koa yo nyandwat masira ibiro ol kuom jogo duto modak e piny.

Jeremia 1:14 ပူးပေါင်းရင်းမြစ်များ

Isaya 14:31

Un miech Filistia, ywaguru! Un jo-Filistia duto, laluru nono, nimar oganda lweny maduong’ biro, koa yo nyandwat, kochanore maber, kendo ma onge kata ng’at achiel ma digni.

Isaya 41:25

An to aseluongo ng’ato yo nyandwat ma yo wuok chieng’ mondo obi. En ng’at mabiro lama. Enonyon ruodhi mana ka lowo mimwonogo ot, kendo nonywasgi mana kaka jachuech nywaso lop agulu.

Jeremia 10:22

Winjuru! Wach osebiro! Koko maduong’ timore e piny moro yo nyandwat. Gin jolweny mabiro ketho miech Juda, mi lokre thim ma ondiegi ema dakie.

Jeremia 11:17

“An Ruoth Nyasaye Manyalo gik Moko Duto ema napidho jo-Israel gi jo-Juda kaka ng’ato pidho yath, to koro abiro bwogogi gi masira nikech richo ma gisetimo. Gisekelo gima kama kuomgi giwegi, nikech gimiya mirima kuom timo misengni ni Baal.”

Jeremia 25:9

‘Abiro kelo ogendini duto moa yo nyandwat, kendo abiro kelo jatichna Nebukadnezar ruodh Babulon. Ogendinigo biro kedo gi pinyni kod joma odakie kendo gibiro kedo gi ogendini duto modak machiegni. Abiro tiekogi chuth, mi piny biro dong’ nono malich, mabwogo ji, kendo ma ji chayo. An Ruoth Nyasaye ema awacho kamano.

Jeremia 31:8

Abiro kelogi kagologi yo nyandwat, kendo abiro chokogi kagologi e tung’ piny koni gi koni, kaachiel gi muofni gi rang’onde mi mon mayach kendo ma muoch kayo, mi giniduogi, ka gin oganda maduong’.

Jeremia 4:6

Nyisuru ji yo madhi Sayun. Ringuru mondo utony, kik udeki, nikech Ruoth Nyasaye kelo masira kaa nyandwat mabiro ketho piny malich.

Jeremia 46:20

Piny Misri chal gi roya buong’, ma kich moa yo nyandwat okayo.

Jeremia 47:2

“Neye kaka pi gingore koa yo nyandwat! Obiro bubni ka aora ma mwomo genge, kendo obiro imo piny duto kod gimoro amora mantie, kaka mier kod joma odakie. Ji biro goyo nduru mondo okonygi, kendo ng’ato ka ng’ato manie piny noywag malit.

Jeremia 50:41

Oganda moro biro moa e piny man yo nyandwat. Ee, oganda marang’ongo man kuma bor ikore ni lweny.

Jeremia 50:9

Adhi jiwo ogendini moko marateke modak yo nyandwat mondo obi omonj Babulon. Gibiro riedo ni lweny mondo giked gi dalano mi gikaw. Giniba asere ka jodwar ma josaba ma gima gibayo ok leng’.

Jeremia 6:1

Un jo-Benjamin, ringuru mondo utony! Ringuru ua Jerusalem! Gouru tung’ e Tekoa, kendo mokuru mach ewi Beth-hakerem mondo onyis ji ni lweny biro, nimar chandruok kod masira maduong’ chiegni biro koa nyandwat.

Jeremia 6:22

An Ruoth Nyasaye awacho niya, “Oganda moro biro, moa e piny man yo nyandwat. Ee, oganda marang’ongo man kuma bor ikore ni lweny.

Ezekiel 1:4

An Ezekiel, ne ating’o wang’a, mi aneno yamb ahiti ka kudho koa yo nyandwat. Bende ne aneno bor polo maduong’ kod mach mamil aruya gi ler mokwake koni gi koni, to e dier majno ne nitie gimori marieny ka mula.

Ezekiel 24:3

Nyis joga ma jopiem ni an Ruoth Nyasaye agoyonigi ngero kama: Keturu agulu e mach, kendo olieuru pi.

Joel 2:20

Abiro riembo wasiku mane oa nyandwat, mi ater e thim motwo. Moko motelo nariemb, mi tho e Nam Kado, to man chien notho e Nam Mediterenia. Gibiro tow, mi githing’ ji. Abiro timo kamano nikech gik madongo ma gisetimo.

Zekaria 6:6

Gari man gi farese maratengeno dhiyo e piny ma yo nyandwat, to mano man gi farese marachere dhiyo e piny ma yo imbo man iye mogik, kendo mano man gi farese marang’eye dhiyo e piny Babulon man yo milambo. To kane farese marang’eye wuok,