Jakobo 5:16 - MUMA MALER 2015

¹⁶ Emomiyo, ng’ato ka ng’ato mondo ohul richone ni wadgi, kendo ng’ato ka ng’ato olem ni wadgi mondo obed mangima. Lemo mar ng’at makare nigi teko kendo timo gik madongo.

Motingʼo Loko Manyien

¹⁶ Emomiyo ngʼato ka ngʼato mondo ohul richone kendo olam ni nyawadgi, mondo eka uyud chang. Lamo mar ngʼat makare nigi teko kendo timo tich.

Jakobo 5:16 ပူးပေါင်းရင်းမြစ်များ

Chakruok 19:29

To Ruoth Nyasaye noseparo Ibrahim ka noketho miego, mi nogolo Lut mondo kik tho e masira ma notieko mier ma odakie.

Chakruok 20:17

To noyudo ka Ruoth Nyasaye osetamo mon duto mane ni e dala Abimelek nywol nikech gima nosetimore ni Sara chi Ibrahim. To kane Ibrahim olamo Nyasaye, Abimelek gi chiege kod mon ma wasumbe nochango, mi ne gichako nywolo nyithindo kendo.

Chakruok 20:7

Koro dwok dhakono ni chwore. Chworeno en janabi, omiyo obiro lemoni mondo kik itho. To ka ok idwoke, to ibiro tho gi joodi duto!”

Chakruok 32:28

Eka ng’atno nowachone niya, “Chakre kawuono nyingi ok nobed Jakobo, to ibiro luongi ni Israel, nikech isei gi Nyasaye, kendo gi ji, miloyo.”

2 Samuel 19:19

kowacho niya, “Ruoth, kik ikwana ka jaketho, kata paro tim achach ma natimo chieng’ ma niwuok Jerusalem cha. Kik ikan wachno e chunyi,

1 Ruodhi 13:6

Eka ruoth nowacho ni ng’at Nyasaye niya, “Kwana Ruoth Nyasaye ma Nyasachi mondo bada ochangi.” Eka ng’at Nyasaye notimo kamano, mi bade notugore.

2 Weche mag Ndalo 30:20

Mi Ruoth Nyasaye nowinjo kwayo Hezekia moweyo ni ji kethogi.

Ayub 42:8

Omiyo koro kaw ruedhi abiriyo gi imbe abiriyo, iter ni Ayub mondo utim go misango, upwodhrugo. Ayub biro lemonu, mi nawinj lemone, kendo ok nakuod wiu moromo gi fupu.”

Zaburi 34:15

Ruoth Nyasaye rango joma kare gi ng’wono, kendo pile oyie winjo ywakgi.

Wuok 17:11

E kinde duto mane Musa oting’o bedene malo, jo-Israel ne loyo, to kane odwoko bedene piny, to jo-Amalek ema ne loyo.

Wuok 9:33

Musa noa ir Farao, mowuok e dala. Eka noting’o bedene malo kolamo Ruoth Nyasaye, mi mor polo gi pe norumo, kendo koth bende nochok.

Ngeche 15:29

Ka joma kare lemo, to Ruoth Nyasaye winjo. Joricho to ok dew.

Ngeche 15:8

Ruoth Nyasaye mor ka joma ber lame, to omon gi misengni ma joricho chiwone.

Ngeche 28:9

Ka ng’ato ok orito chik, to kata mana lemone Nyasaye mon-go.

Jeremia 15:1

Ruoth Nyasaye nowachona niya, “Kata da bed ni Musa gi Samuel ema jochung’ e nyima ka, to ok anyal weyo ni jogi richogi. Wachnigi mondo gia e wang’a.

Jeremia 33:3

In Jeremia awachoni niya, ‘Luonga, to abiro dwoki, kendo ananyisi gik madongo kendo malich ma ok ing’eyo.’

Jeremia 42:2

mowachone niya, “Kiyie to timnwa gima wakwayi. Yie ilamnwa Ruoth Nyasachwa, wan ji duto modong’. Chon ne wan ji mathoth, to koro neye kaka wadong’ mana manok kende.

Kwan 11:2

Eka jo-Israel noywak ni Musa, mi Musa nokwayonigi Ruoth Nyasaye mi mach otho.

Mathayo 21:22

Ka un gi yie, to unuyud gimoro amora mukwayo kulemo.”

Mathayo 3:6

Ne gihulo richogi, kendo nobatisogi e aora Jordan.

Mariko 1:5

Ji duto modak e piny Judea kod dala mar Jerusalem nodhi ire. Ne gihulo richogi, kendo ne obatisogi e aora Jordan.

Luka 9:6

Kamano joote nowuok mowuotho e mier duto, ka lando Wach Maber, kendo chango ji kuonde duto.

Johana 9:31

Wang’eyo ni Nyasaye ok winj wach joricho, to ng’at moluore, kendo matimo gik ma odwaro, ema owinjo.

Tich Joote 10:38

Ung’eyo kaka Nyasaye noyiero Yesu ja-Nazareth, komiye Roho Maler, kendo omiye teko. Ne odhi kuonde duto, kotimo timbe mabeyo, kendo ochango ji duto mane Satan sando, nikech Nyasaye ne ni kode.

Tich Joote 19:18

Ji mang’eny kuom joma oyie nobiro, mi ohulo ratiro kendo onyiso timbe mag ajuoke mane osebedo ka gitimo.

Tich Joote 8:24

Simon nodwoko Petro gi Johana ni, “Yieuru ulamna Ruoth, mondo gik musewachogo kik timrena.”

Jo-Rumi 3:10

mana kaka Muma wacho niya, “Onge ng’ama kare. Ooyo, onge kata mana ng’at achiel.

Jo-Rumi 5:19

Bende kaka ji duto nodoko joketho nikech ng’at achiel notamore winjo wach, e kaka ji duto nobed e winjruok gi Nyasaye nikech ng’at achiel nowinjo wach.

Jo-Kolosai 1:9

Mano emomiyo, chakre chieng’ mane onyisowae kamano, pok waweyo mak walemonu, kwakwayo ni mondo ung’e dwaro mar Nyasaye chutho, ka un gi rieko kod ng’eyo duto ma Roho chiwo.

1 Jo-Thesalonika 5:17

Lemuru ma ok uwe,

1 Jo-Thesalonika 5:23

Nyasaye owuon ma wuon kue mondo omi ubed maler chutho, kendo orit chunyu gi ngimau kod ringreu, mondo ka Ruodhwa Yesu Kristo obiro, to ubed joma onge bura chuth.

1 Jo-Thesalonika 5:25

Owetewa, wan bende lemnwauru.

Jo-Hibrania 11:4

Yie ema nomiyo Habil otimo ni Nyasaye misango malong’o, moloyo misango mane Kain otimo. Kuom yie mare Nyasaye noyie kode ni en ng’at makare, nikech Nyasaye noyie gi gik mane ochiwo, kendo kuom yieneno pod owuoyo, kata obedo ni osetho.

Jo-Hibrania 11:7

Yie ema nomiyo Nowa owinjo siem mane Nyasaye osiemego kuom gik mabiro. Ne omako wach, omiyo nohondho yie mi oresogo joode. Kamano noketo ni piny bura, kendo en owuon yieneno nomiyo obedo e winjruok gi Nyasaye.

Jo-Hibrania 12:13

Losuru yore muluwo ochikre tir, eka tiendeu malit ok nowil, to nochangi.

Jo-Hibrania 13:18

Lemnwauru alema, nikech wang’eyo ni waonge gi wach ma chunywa ketonwae bura, nimar wadwaro mana timo maber e yore duto.

Joshua 10:12

Chieng’ mane Ruoth Nyasaye ochiwoe jo-Amor e lwet jo-Israel, Joshua nowuoyo gi Ruoth Nyasaye, kowacho e nyim jo-Israel duto kama: “A wang’chieng,’ chung’ achung’a ewi Gibeon. To in due, mondo ichung’ ewi holo Aijalon.”

1 Petro 2:24

En owuon ne oting’o richowa e ringre e msalaba, mondo watho ni richo, eka wabed mangima ni tim makare, kendo osechangu mana nikech chwat mane ochwadego.

1 Johana 3:22

mondo wayud gik moko duto ma wakwayo kuome, nikech wamako chikene, kendo watimo gik malong’o e nyim Nyasaye.

1 Samuel 1:12

Kane Hana pod lemo e nyim Ruoth Nyasaye kamano Eli to ne ng’iyo dhoge.

1 Samuel 12:17

Donge en ndalo kwayo Ruoth Nyasaye mondo omi polo omor, kendo koth ochue, mi ubiro neno kendo ng’eyo kaka nuketho ahinya kuom kwayo mondo ubed gi ruoth maritou.”

1 Samuel 12:18

Kamano Samuel nokwayo Ruoth Nyasaye, mi Ruoth Nyasaye nomiyo polo omor, kendo koth ochue, chieng’no. Omiyo ji duto noluoro Ruoth Nyasaye ahinya, kod Samuel bende.