Jakobo 5:14 - MUMA MALER 2015

¹⁴ Bende ka nitie ng’ato matuo, to onego oluong jodong kanyakla mar jo-Kristo mondo olemne, kendo owire gi mo e nying Ruoth.

Motingʼo Loko Manyien

¹⁴ Ka ngʼato kuomu tuo, to onego oluong jodong kanisa mondo olamne kendo owire gi mo e nying Ruoth.

Jakobo 5:14 ပူးပေါင်းရင်းမြစ်များ

1 Ruodhi 17:21

Eka noriere kuom nyathi didek, koywak ni Ruoth Nyasaye niya, “Ruoth Nyasaye ma Nyasacha, akwayi, yie chuny nyathini oduogi.”

2 Ruodhi 4:33

Omiyo nodonjo, moloro dhoot mondo obed kende gi nyathi, kendo nolamo Ruoth Nyasaye.

2 Ruodhi 5:11

To Naaman nokecho, modok kowacho niya, “Nende aparo ni dowuog obi ira, kendo dochung’ koluongo nying Nyasaye ma Nyasache, kendo dorie lwete kuom adhondena mondo othiedhna dhoho.

Mariko 16:18

bende ka gimako thuonde, kata kapo ni gimadho kwiri moro marach, to ok ginihinyre ngang’! Giniket lwetgi kuom joma tuo, mi changi.”

Mariko 6:13

Ne gigolo jochiende mang’eny, kendo ne giwiro ji matuo mathoth gi mo, mi gichangogi.

Tich Joote 11:30

Ne gitimo kamano, mi gimiyo Barnaba gi Saulo pesa, otero ni jodong kanyakla mar jo-Kristo.

Tich Joote 14:23

Ne giketo jodongo ni kanyakla duto mag jo-Kristo, kendo kane giselemo, kendo gitueyo chiemo, ne giketogi e lwet Ruoth mane koro giseyie kuome.

Tich Joote 15:4

Kane gichopo Jerusalem, jo-Kristo duto man kuno, gi joote kod jodongo norwakogi. Eka ne ginyisogi gik moko duto mane Nyasaye osemiyo gitimo.

Tich Joote 28:8

To noyudo tuo midhusu kod ndira ogoyo wuon mare, omiyo Paulo nodhi e ot kama onindoe, mi olemone, kendo oketo lwete kuome, mochange.

Tich Joote 9:40

To Petro nogologi oko giduto, mi ogoyo chonge piny, olemo. Eka nowichore mochomo nyako mothono, mi owacho niya, “Tabitha, a malo!” Tabitha noyawo wang’e, kendo kane oneno Petro, nobet piny.

Tito 1:5

Ne aweyo idong’ e chula mar Krete mondo ilos gik mane pod orem, kendo iyier jodong kanyakla mag jo-Kristo e mier duto, kaka ne achiki.