Jakobo 4:14 - MUMA MALER 2015

¹⁴ Ukia gima kiny notimre kiny! Uparo ni ngimau en ang’o? Donge un mana ong’ueng’o mineno kuom kinde matin, to bang’e lal nono?

Motingʼo Loko Manyien

¹⁴ Ere kaka uwuoyo kamano to ukia gima kiny notimre. Uparo ni ngimau en angʼo? Ngimau chalo mana ka ongʼwengʼo mineno sa matin kende to bangʼe lal nono.

Jakobo 4:14 ပူးပေါင်းရင်းမြစ်များ

2 Samuel 19:34

To Barzilai nodwoke ni, “Ruoth, an ng’at moseti. Ere kaka dadhi kodi Jerusalem?

Zaburi 102:3

Ngimana lal nono mana ka iro, kendo denda wang’ ka mach.

Zaburi 144:4

En mana gima nono ka yamo makudho, kendo ndalone ringo piyo ka tipo makadho.

Zaburi 39:5

Mano kaka isemiya ngima machiek manadi! Hika tin e nyimi miwuoro! Adier, dhano en mana gima nono ka yamo makudho.

Zaburi 78:39

Ne ong’eyo ni ne gin mana ji matho, machalo yamo makudho kendo kadho.

Zaburi 89:47

Parie kaka ngima dhano chiek, kendo kaka ji duto nichueyo ni nyaka tho.

Ngeche 27:1

Kik isungri ni gima pok ineno, nikech ok ing’eyo gima biro timore.

Isaya 2:22

Kik iket genoni kuom dhano, nimar onge gima dhano nyalo. En gima nono mana ka muya mawuok e ume!

Isaya 38:12

Osepudh oda, mi owit kucha, mana kaka ipudho kiru mar jakwath. A Ruoth Nyasaye, iseng’ado ngimana machiek mana kaka jatueng’o dolo usi, kendo ng’ado. Isanda, chakre okinyi nyaka odhiambo,

Jakobo 1:10

To owadwa ma jamoko bende mondo obed mamor ka Nyasaye odwoke piny, nikech jamoko biro lal nono mana ka maua mae thim.

1 Petro 1:24

En mana kaka Muma wacho ni, “Dhano duto chalo gi lum, kendo duong’ duto ma en-go chalo gi thiepe lum. Lum ner, kendo thiepe two.

1 Petro 4:7

Giko mar gik moko duto chiegni. Emomiyo, beduru mariek, kuritoru mondo uikru ni lemo.

1 Johana 2:17

Piny kadho kaachiel gi gombone, to ng’ama timo gima Nyasaye dwaro to osiko nyaka chieng’.