Jakobo 4:11 - MUMA MALER 2015

¹¹ Owetena, ng’ato ka ng’ato kik wuo marach kuom wadgi. Ng’at mawuoyo marach kuom wadgi, kata mang’adone bura, to wuoyo marach mana kuom Chik, kendo ng’ado ni Chik bura. Ka ing’ado ni Chik bura, to itimori ng’at ma ng’ado bura, kar bedo ng’at ma rito Chik.

Motingʼo Loko Manyien

¹¹ Owetena, kik uketh nying joweteu. Ngʼato angʼata ma wuoyo marach kuom nyawadgi kata mangʼado ni nyawadgi bura nyaka ngʼe ni Chik ema owuoyo kuome marach kendo ongʼadone bura. To ngʼat mangʼado ni Chik bura ok orito Chik nikech osedoko ngʼama ngʼadone bura.

Jakobo 4:11 ပူးပေါင်းရင်းမြစ်များ

Zaburi 140:11

Onego joma hango jowetegi kayiem nono kik lochi, kendo masira mondo omak jomahundu, mi tieki.

Luka 6:37

“Kik ung’ad ni ji bura, eka ok nong’adnu bura! Kik udonj ni ji, eka un bende ok nodonjnu. Weuru ni ji richogi, eka un bende nowenu richou.

Jo-Rumi 2:1

Kuom mano, ka ing’ado ni wadu bura, to ng’e ni bura oseloyi, bed ni in ng’at manadi, nikech ka ing’ado ni jomoko bura, to ing’ado bura mana ni in iwuon, nimar in bende itimo mana gik ma jogo timo.

Jo-Rumi 2:13

Ng’ato nyalo winjo Chik, to ka ok omako, to ok onyal bet e winjruok gi Nyasaye.

Jo-Rumi 7:7

Koro ere gima dwawachi? Dwawach ni Chik en richo koso? Ngang! Ayie ni ka da Chik onge, to ok dang’eyo ni richo en ang’o. Ka da ni Chik ok owacho ni ‘Kik igombi,’ to da ok ang’eyo ni gombo en ang’o.

1 Jo-Korintho 4:5

Omiyo kik ung’ad ni ng’ato bura ka kinde moketi pok ochopo, to rituru biro mar Ruoth, nikech en ema nogol e lela weche mopandi e mudho, kendo noel paro mag chuny dhano. Eka Nyasaye nomi ng’ato ka ng’ato pak mowinjorego.

2 Jo-Korintho 12:20

Aluor ni ka abiro to dipo ka anwang’o ka ok uchal kaka adwaro, kendo un bende dipo ka unwang’o ni ok achal kaka udwaro! Aluor ni dhaw gi nyiego gi mirima gi ichlit gi ajara gi kuoth gi sunga kod koko nyalo betie.

Jo-Efeso 4:31

Kuom mano, weuru kecho, gi mirima, gi ichwang’, gi dhaw, gi ayany, kod himruok duto.

1 Timotheo 3:11

Kamano mondgi bende nyaka bed gi tim makare, to kik gibed mon ma jokuoth, to gibed mon moritore, kendo ma jo adiera e weche duto.

2 Timotheo 3:3

Ginibed joma ok ohero jowetegi, kendo mamako sadha. Bende ginibed joma jokuoth kendo joma oowore, kendo jomahundu, kendo joma ok ohero gik mabeyo.

Tito 2:3

Kamano bende nyaka inyis mon madongo mondo obed joma oluoro Nyasaye e ngimagi, to kik gibed jokuoth, kata joma ohero kong’o, to gibed ranyisi mabeyo,

Jakobo 1:16

Owetena mahero, ng’ato kik wuondu.

Jakobo 1:19

Owetena mahero, mago duto ung’eyo. To ng’ato ka ng’ato nyaka bed ng’at mawinjo wach piyo, kendo materore mos kuom wuoyo, kendo ma mirima ok mak piyo.

Jakobo 1:25

To ng’at mang’iyo chik makare mamiyo wabedo thuolo, kendo mosiko ka timo kamano, bende ma ok winj wach mi wiye wilgo to tiyo gi wachno, e ng’at ma oguedhi e gimoro amora motimo.

Jakobo 2:8

Ka umako chik Ruoth ma ondiki e Muma ni, “Her wadu kaka iherori iwuon,” to utimo gima kare.

Jakobo 5:10

Owetena, ka udwaro neno kaka onego uhoru mos e sand, to paruru jonabi mane owuoyo e nyim Ruoth,

Jakobo 5:7

Emomiyo owetewa, horeuru mos nyaka Ruoth bi. Neyeuru kaka japur hore mos ka rito puothe mondo onyagne cham mabeyo. Ohore mos nyaka oyud kodh chuoyo kod koth machiego cham.

Jakobo 5:9

Owetena, kik ng’ato ng’ur gi wadgi, mondo chieng’ moro Nyasaye kik ng’adnu bura. Jang’ad bura ni ka kendo ochung’ mana e dhoot.

1 Petro 2:1

Kuom mano, weuru richo duto, kaka ich lit, gi wuond, gi gango wach gi nyiego kod ayany.