Jakobo 3:8 - MUMA MALER 2015

⁸ To onge ng’at ma nyalo boyo lep. En gima rach ma ok ling, kendo mopong’ gi kwich tho.

Motingʼo Loko Manyien

⁸ to onge ngʼama nyalo boyo lep. En gima rach ma ok ywe mopongʼ gi kwiri marach.

Jakobo 3:8 ပူးပေါင်းရင်းမြစ်များ

Zaburi 140:3

Gipiago lewgi mabith mana ka lak thuol. Adier, wechegi chalo gi kwich thuond rai.

Zaburi 55:21

En jambola, to chunye opong’ gi sigu. Adier, wechene yom ka mo, to kara gibitho mana ka ligangla mowuodhi e olalo!

Zaburi 57:4

Anindo e kind sibuoche ma dwaro chamo ji. Lekegi to chalo gi ligangla ma dhoge bith.

Zaburi 58:4

Gitimo kwiri mana ka tond buya,

Zaburi 59:7

Winjie weche manono ma giwachogo! Lewgi bith ka ligangla, to eka pod giwacho niya, “Ere ng’ama biro winjowa?”

Ngeche 17:20

Ng’at ma paro mana richo, donjo e chandruok, kendo ng’at ma wacho miriambo yudo mana masira.

Eklesiastes 10:11

Ka thuol okayi ka pok iboye, to onge ohala ma iyudo kuom ng’eyo boyo thuonde!

Jo-Rumi 3:13

“Dhogi chalo gi bur mong’amo dhoge, kendo giwacho mana miriambo lilo.” “Wechegi chalo gi kwich thuond rai.”

Rapar mar Chik 32:33

Divachgi chalo gi kwich thuol mager.

Jakobo 3:6

Kamano lep bende en mach. En piny mopong’ gi timbe maricho. Kuom fuondewa, lep ema ketho ringrewa duto, kendo omoko mach e ngima dhano duto. En owuon to imoke e mach mak tho.

Jakobo 3:7

Onge le moro amora, kata winyo, kata gik mamol, kata rech, ma dhano ok nyal boyo, kata ma pok oboyo.

Fweny 12:9

Thuol maduong’no ne owit mwalo e piny kaachiel gi malaikane duto. En e thuol mang’ongo machon miluongo ni Jachien kata Satan, mane owuondo piny ngima.