Jakobo 3:5 - MUMA MALER 2015

⁵ Lep bende chalo kamano. En fuoni matinie moloyo, to onyalo wuorore ngang! Parieuru bende kaka pilni mach matin nono nyalo moko mach mawang’ bungu maduong’.

Motingʼo Loko Manyien

⁵ Mano bende kaka lep en fuoni matin nono e dend dhano, to onyalo sungore miwuoro. Parie kaka pilni mach matin nono nyalo moko mach mi wangʼ bungu maduongʼ!

Jakobo 3:5 ပူးပေါင်းရင်းမြစ်များ

Ayub 22:17

Gin e joma ne odagi Nyasaye, kendo mane paro ni ok onyal kumogi.

Zaburi 10:3

Jaricho pakore kuom gombone maricho. Odagi Ruoth Nyasaye kendo okwedo ka wuoro omake.

Zaburi 17:10

Gionge gi miwafu kendo giwuoyo gi sunga.

Zaburi 39:1

Ne awacho niya, “Abiro ritora kuom gik ma atimo, mondo kik awach gimoro marach. Ok anawuo ka joricho ni machiegni.”

Wuok 15:9

Jasikwa nowacho niya, ‘Analawgi, mi ajukgi! Anape mwandugi, kendo anayak gimoro amora ma adwaro. Anawuodh ligangla, kendo anatiekgi gi tekona.’

Wuok 5:2

To Farao nodwokogi niya, “Ruoth Nyasaye to en ng’a, ma dawinj wachne, mi awe jo-Israel dhi? Akia Ruoth Nyasaye, bende ok nawe jo-Israel odhi!”

Ngeche 12:18

Weche mimwomruokgo chuoyo chuny mana ka ligangla. Weche mawuok e dho ng’ama kare to kelo ngima.

Ngeche 15:2

Ka ng’at mariek wuoyo to wachne lombo ji. Ng’at mofuwo to rodho weche maonge tich.

Ngeche 18:21

Weche ma ng’ato wacho nyalo kelo ngima, to bende ginyalo kelo tho. Kuom mano, rit dhogi maber mondo wecheni okonyi.

Ngeche 26:20

Ka yien onge, to mach tho. Kamano bende, ka jakuoth onge, to miero orumo.

Jeremia 18:18

Bang’ mano ji nowacho niya “Wang’aduru rieko mondo wanyal Jeremia. Pod nobedie abeda jodolo manyalo telonwa, gi joma riek manyalo ng’adonwa rieko, kod jonabi manyalo nyisowa wach Nyasaye. Biuru wahangne wach, kendo wawe dewo gima owacho.”

Ezekiel 28:2

“Wuod dhano, nyis ruodh Turo ni an Ruoth Nyasaye awachone kama: Isungori ni ibet e kom duong’ ni in nyasaye. To kata obedo ni iwuondori ni in nyasaye kamano, to ng’e ni in mana dhano!

Ezekiel 29:3

Nyise ni an Ruoth Nyasaye awachone kama: Iwacho ni aora Nael en mari, kendo ni ne ichueri kendi.

Daniel 3:15

Koro sani ka uwinjo tung’ gi thum nyatiti gi asili kod thumbe mamoko ka ywak, to nyaka ukulru piny kendo ulam kidono. To kudagi timo kamano, to ibiro witu e mach makakni, piyopiyo ma ok odeko. Koso uparo ni nitie Nyasaye moro manyalo resou?”

Daniel 4:30

mowacho niya, “Neye kaka Babulon duong’! Ne agere gi tekona awuon mondo obed dalana maduong’ kendo anyisigo tekona gi duong’na.”

Jakobo 3:4

Parieuru yiedhi bende. Kata obedo ni gidongo ahinya kamano, kendo kata obedo ni yembe matek ema riembogi, to pod jakwang’ chikogi achika kamoro amora modwaro gi ngai matin nono.

2 Petro 2:18

Giwuorore gi weche manono, kendo kuom gombo mag ringruok gihoyo joma dwaro tony kaa kuom joma timbegi nono.

Juda 1:16

Jogi gin joma keko akeka, kendo ng’ur ang’ura. Giluwo mana gombo mag ringregi giwegi, bende gisungore marach, kendo giwuondo ji gi weche mamit mondo giyud gik ma gidwaro.