Jakobo 3:17 - MUMA MALER 2015

¹⁷ To rieko moa e polo malo, opogore gi mano. Mokwongo oler, kendo okelo kue. Omuol, bende oikore winjo wach. Opong’ gi ng’wono, kendo onyago timbe mabeyo. Ok odew wang’ ji to bende ok ogang wach.

Motingʼo Loko Manyien

¹⁷ To rieko moa e polo ok chal kamano. Mokwongo oler, kendo ohero kwe, odembore, owinjo wach, opongʼ gi kech kod olembe mabeyo, ok odew wangʼ, kendo oonge miganga.

Jakobo 3:17 ပူးပေါင်းရင်းမြစ်များ

1 Ruodhi 3:12

koro atimoni kaka isekwayo. Amiyi chuny mar rieko kod mar ng’eyo. Pok onywolie ng’at machal kodi, bende ok nonywol moro bang’i.

1 Ruodhi 3:28

Jo-Israel duto nowinjo bura mane ruoth ong’ado, mi ne giluore, nikech ne gineno ni rieko Nyasaye ni kuome, ka konye ng’ado bura makare.

1 Ruodhi 3:9

Emomiyo yie imiya chuny mariek, manyalo yango gima ber gi gima rach, mondo ang’adgo ni jogi bura, nikech ere ng’ama dinyal ng’ado bura ni jogi mang’enygi?”

1 Weche mag Ndalo 22:12

Ruoth Nyasaye ma Nyasachi mondo omiyi rieko duto mondo irit chikne koseketi ruodh Israel.

1 Weche mag Ndalo 22:9

To ininywol wuowi ma lochne nobed gi kue. Anamiye kue, kamiyogi yueyo e ndalone.

Ayub 28:12

Koro rieko to iyudo kanye? Koso ere kuma ng’eyo wuokie?

Ayub 28:23

Nyasaye kende ema ong’eyo yo madhi e rieko. Ee, mana en ema ong’eyo kuma iyudee,

Ayub 28:28

Bang’e nowacho ni dhano niya, ‘Ka idwaro bedo gi rieko, to nyaka iluor Ruoth Nyasaye, kendo ka idwaro bedo gi ng’eyo, to nyaka iwe richo.’

Wuok 36:2

Musa noluongo Bezalel gi Oholiab kod joma olony e tijegi, mane Ruoth Nyasaye osemiyo rieko, kendo mane oyie konyo tich, mi nonyisogi mondo gichak tich.

Ngeche 2:6

nimar Ruoth Nyasaye ema chiwo rieko, kendo en ema opuonjo ng’eyo.

Isaya 2:4

Enong’ad bura ka othego ogendini mopogore opogore kendo enoyal pinje mang’eny. Ng’ato ka ng’ato nothedh liganglane mondo obed kwer. Tongegi to ginithedh rabetni. Onge oganda moro ma noked gi oganda machielo, kendo ji ok nochak opuonjre lweny.”

Isaya 32:6

nimar ng’at ma achach nobed kawuoyo ka ng’ama achach adier, kendo chunye ka paro mana timo timbe manono. Gik motimo duto nobed gik maricho, kendo ka owuoyo to owacho miriambo koda ka kuom Ruoth Nyasaye. Omono joma odenyo chamo gik ma onego gicham, bende otamo joma riyo oloyo modho.

Isaya 40:11

Ochalo jakwath ma sembo jambe, koting’o nyirombe e bade, kendo oriwogi e kore, kotelo ni mago man gi nyithindo, kotero modho.

Daniel 1:17

Nyasaye ne omiyo yawuowi ang’wen-go rieko mar kitabu kod rieko moro amora. To bende nomiyo Daniel rieko mar loko tiend fweny kod lek duto.

Malaki 2:9

Mano emomiyo an bende asemiyo jo-Israel jarou kendo chayou, nikech ok uluw chikena, to bende ka upuonjo ji wachna, to ok utimnigi machalre giduto.”

Malaki 3:3

Enobi mondo ong’ad bura mana ka ng’at malenyo fedha obed maler. Enopwodh jodolo maler mana kaka ipwodho fedha gi dhahabu. Bang’e ginitim ni Ruoth Nyasaye misengni makare.

Mathayo 23:28

Kamano e kaka un bende unenoru gi oko ni un joma kare, to chunyu opong’ gi gango wach kod timbe maricho.

Mathayo 5:8

“Joma onge gi richo e chunygi gin johawi, nikech ginine Nyasaye.

Mathayo 5:9

“Jothek gin johawi, nikech noluonggi ni nyithind Nyasaye.

Luka 21:15

nikech an ema namiu weche kod rieko ma onge wasiku kata achiel ma nosir kata nokwer.

Luka 6:36

Omiyo beduru mang’won mana kaka Wuonu ng’won.

Johana 1:14

Wach nodoko dhano, mi odak kodwa, kende ne waneno duong’ne maler. En duong’ machalo gi duong’ mar Wuowi ma miderma, mopong’ gi ng’wono kod adiera.

Johana 1:47

Kane Yesu oneno Nathaniel kabiro ire, nowacho ni, “Neuru! Ja-Israel hie e cha biro. En ng’ama kare, ma onge miganga.”

Tich Joote 11:24

Barnaba ne ng’at maber man gi yie motegno, kendo mopong’ gi Roho Maler. Ji mang’eny nolokore, moyie kuom Ruoth.

Tich Joote 9:36

Bende ne nitie japuonjre moro manyako Jopa, ma nyinge Tabitha. (Dho Grik to luongo nyingeno ni Dorka, tiende ni Nyakech.) Ne osiko kotimo timbe mabeyo, kendo okonyo joma odhier.

Jo-Rumi 12:18

Temuru mondo kanyalore, to udag gi ji duto gi kue.

Jo-Rumi 12:9

Herau mondo obed maonge miganga. Beduru mosin gi gik maricho, to sikuru kuom gik mabeyo.

Jo-Rumi 15:14

Owetena, an awuon ang’eyo chutho ni un joma beyo kendo mariek ahinya, bende ng’ato ka ng’ato kuomu nyalo ng’ado ni wadgi rieko.

1 Jo-Korintho 12:8

Ng’at moro omi rieko mar wuoyo, kuom teko mar Roho. Machielo omi teko mar puonjo weche matut, kuom teko mar Roho nogono.

2 Jo-Korintho 10:1

An Paulo koro akwayou kuom muolo kod ng’wono mar Kristo mondo uwinja. An ma uwacho ni amuol ka an kodu, to ager ka an mabor kodu,

2 Jo-Korintho 6:6

Wanyisore kuom timbewa makare, kendo kuom rieko, gi timo kinda, gi ng’wono, gi Roho Maler, gi hera maradier,

2 Jo-Korintho 7:11

Neyeuru gik ma kuyo e yo ma Nyasaye dwaro osetimonu. Mano kaka osemiyo ubedo joma paro matut, kuketo chunyu kuom nyiso ni ne ok uketho, bende osemiyo ubedo gi mirima kod luor, kendo ugombo nena. Unyiso ni utimo kinda, kendo udwaro ng’ado bura kare. Adier, usenyiso e yore duto ni uonge gi ketho e wachno.

2 Jo-Korintho 9:10

Jal mamiyo jachwoyo kodhi, kendo chiwo chiemo michamo, biro miyou kodhi michwoyo, bende nomi gidongi, kendo nomed nyak mar timu mang’won.

Jo-Efeso 5:9

nimar ler ema kelo ber gi timbe makare kod adiera duto.

Jo-Filipi 1:11

ka ngimau ogundho gi timbe mabeyo duto ma Yesu Kristo kende ema nyalo chiwo mondo Nyasaye oyud duong’ gi pak.

Jo-Filipi 4:8

To wach mogik, owetena, paruru weche duto mabeyo kendo mowinjore yud pak, kaka: weche madiera, weche makelo pak, weche makare, weche maler, weche malong’o, kod weche mang’won.

Jo-Kolosai 1:10

Kamano unudag e ngima mamiyo Ruoth duong’, kendo unutim gik malong’one e yore duto, kunyago olemo mag timbe mabeyo duto, kendo kumedo ng’eyo Nyasaye.

1 Jo-Thesalonika 2:7

Chutho kata obedo ni ne wanyalo miyou ting’ mapek nikech wan joote Kristo, to ne wabet mamuol e dieru kane wan kodu mana kaka min nyathi rito nyathine.

1 Timotheo 5:21

Amiyi chik matek e nyim Nyasaye kendo e nyim Kristo Yesu kod malaika maler ni, nyaka irit chikego. Kiyalo wach moro amora to kik ing’ad bura kapok iwinjo weche duto koni gi koni, kata kik idog ni ng’ato kayiem.

2 Timotheo 2:24

Jatich Ruoth ok owinjore bed makwiny, to onego obed ng’ama ng’won gi ji duto, kendo obed japuonj molony, mahore mos,

Tito 1:15

Gik moko duto ler ni joma ler, to onge gimoro kata achiel maler ni joma okethore, kendo ma ok oyie. Parogi kod chunygi okethore.

Tito 3:2

Nyisgi ni kik giwuo marach kuom ng’ato, kata kik gibed joma ohero dhaw, to gibed joma dwaro kelo winjruok, ka ginyiso ji duto muolo ma gin go.

Jo-Hibrania 12:11

E sa mikumoe ng’ato, to kum ok nenre ka gima ber, to onenore mana malit. Achien to, joma osepuonji e yor kum nyago olemo mokue, tiende ni ngima maler.

Jo-Hibrania 12:14

Temuru mondo ubed gi kue kod ji duto, kendo beduru gi ngima maler, nikech ka ng’ato ok ler, to ok none Ruoth.

Jakobo 1:17

Mich mabeyo duto, kod chiwo malong’o duto, a e polo malo. Gia kuom Nyasaye Wuoro mane ochueyo ler mag polo. En ok olokre, bende ok owichre owewa e mudho.

Jakobo 1:5

To ka ng’ato kuomu riekone orem, to ber mondo okwa Nyasaye, kendo Nyasaye nomedne rieko, nikech ochiwo gi ng’wono mak ochayo ng’ato.

Jakobo 2:13

Jang’ad bura ok nokech ng’at ma ok kech ji. Ng’at ma kecho ji to onge gima oluoro kuom jang’ad bura.

Jakobo 2:4

to koro donge upogoru kendu, kendo udoko jong’ad bura ma pachgi richo?

Jakobo 3:15

Rieko ma kamano ok oa e polo malo, to en rieko mar piny gi mar dhano kod mar jochiende,

Jakobo 4:8

Nyasaye to kusudo ire to nosud iru. Un joricho, lwokuru luetu, kendo un johubagabaga, puodhuru chunyu.

1 Petro 1:22

Koro kaka usepwodho chunyu kuom winjo wach mar adiera, kendo uheroru maonge miganga kaka owete, omiyo herreuru chuth gi chunyu duto,

1 Petro 2:1

Kuom mano, weuru richo duto, kaka ich lit, gi wuond, gi gango wach gi nyiego kod ayany.

1 Petro 2:18

Un wasumbni, nyaka uwinj ruodhiu kumiyogi luor duto, bed ni gin jomamuol kendo mabeyo, kata gin joma kwiny.

1 Johana 3:18

Nyithinda, kik waher ji mana gi dhok kende, to nyaka waher ji gi tim, kendo gi adiera.

1 Johana 3:3

Ng’ato ka ng’ato man gi genoni kuom Kristo pwodhore owuon mondo obed maler, mana kaka Kristo bende ler.