Jakobo 3:16 - MUMA MALER 2015

¹⁶ nikech kama nyiego gi piem nitie e kama koko gi timbe maricho duto nitie.

Motingʼo Loko Manyien

¹⁶ Nikech kama nyiego gi piem nitie e kama koko gi timbe maricho duto nitie.

Jakobo 3:16 ပူးပေါင်းရင်းမြစ်များ

Chakruok 11:9

Mano emomiyo iluongo dalano ni Babel, nikech kanyo ema Ruoth Nyasaye nopogoe dho ogendini, kendo okeyogi e piny duto.

Chakruok 38:9

To Onan nong’eyo ni nyithindogo ok dibed mage, omiyo e kinde duto mane oriwore gi chi owadgino, ne oolo kothe piny, mondo kik onywol ni owadgi.

Mariko 3:25

Kata ka jodhoot moro opogore, to dhoodno ok nyal gurore.

Tich Joote 19:29

Kokono nolandore e dala duto, kendo ne gimako Gayo gi Aristarko ma jo-Makedonia mane jowuodh Paulo, mi gimuomorego giduto kar tugo.

Jo-Rumi 2:8

To joma dwaro mana gigi giwegi, kendo ok dwar gima kare, to dwaro mana luwo gima ok kare noyud kum gi mirima mager.

1 Jo-Korintho 14:33

nimar Nyasaye ok en Nyasach koko, to en Nyasach kue.

1 Jo-Korintho 3:3

nimar pod uchalo joma onge gi Roho, nikech kapod nitie nyiego e chunyu, kendo udhaw e kindu uwegi, to adier mano nyiso ni pod uchalo gi joma onge gi Roho, kendo utimo mana timbe mag dhano.

2 Jo-Korintho 12:20

Aluor ni ka abiro to dipo ka anwang’o ka ok uchal kaka adwaro, kendo un bende dipo ka unwang’o ni ok achal kaka udwaro! Aluor ni dhaw gi nyiego gi mirima gi ichlit gi ajara gi kuoth gi sunga kod koko nyalo betie.

Jo-Galatia 5:20

lamo nyiseche manono, jwok, sigu, dhaw, nyiego, mirima, ichlit, miero, pogruok e kanyakla,

Jakobo 3:14

To ka chunyu opong’ gi nyiego marach kod piem to kik upakru, kendo kik uriambi ka uumo adiera.

1 Johana 3:12

Kik wachal gi Kain, mane odoko nyathi Ng’ama Rach, mi onego owadgi. To ere gimomiyo Kain nonego owadgi? Donge nonege nikech timbene ne richo en owuon, to timbe owadgi ne kare?