Jakobo 3:15 - MUMA MALER 2015

¹⁵ Rieko ma kamano ok oa e polo malo, to en rieko mar piny gi mar dhano kod mar jochiende,

Motingʼo Loko Manyien

¹⁵ Rieko machal kamano ok oa e polo, to en mar piny kendo ok okony chuny dhano, en rieko jachien.

Jakobo 3:15 ပူးပေါင်းရင်းမြစ်များ

2 Samuel 13:3

To Amnon ne nigi osiepne moro ma rieke ng’eny ahinya, ma nyinge Jonadab, wuod Shimea owadgi Daudi.

2 Samuel 15:31

Nonyis Daudi ni Ahithofel en achiel kuom joma odok ni Absalom, mi nowacho niya, “A Ruoth Nyasaye, asayi, lok rieko mar Ahithofel mondo obed mana fuwo!”

2 Samuel 16:23

E ndalogo rieko mane Ahithofel ng’ado ne chalo mana gi rieko mane ng’ato yudo kopenjo Nyasaye wach. Daudi kod Absalom bende ne kwano rieko mar Ahithofel kamano.

Jeremia 4:22

Ruoth Nyasaye wacho niya, “Joga ofuwo, kendo ok ging’eya. Gichalo gi nyithindo momemore, kendo maonge rieko. Richo ema ging’eyo timo, to timo gima ber otamogi.”

Luka 16:8

“Jamokono nopako jarit gige ma ok kareno kuom riekone, kendo en adier ni joma ok ong’eyo Nyasaye tiyo gi jowadgi gi rieko moloyo rieko ma joma ong’eyo Nyasaye tiyogo gi jowetegi.”

Johana 3:17

Nyasaye ne ok ooro Wuowi ni obi e piny mondo ong’ad ni piny bura, to noore ni mondo piny onwang’ warruok kuome.

Johana 8:44

Un nyithind wuonu ma en Satan, kendo uhero timo gik ma en ema odwaro. Nyaka a chakruok en osebedo mana janek, kendo ok odwar adiera nikech adiera onge e iye. Ka owacho miriambo, to oluwo mana kite owuon, nikech en jamriambo, kendo en e wuon miriambo duto.

Tich Joote 13:10

mowachone niya, “Yaye, in wuod Satan! In jasik gik moko duto mabeyo! Ipong’ gi timbe duto mag miganga, kendo pile itemo loko adiera mag Nyasaye obed mag miriambo!

Jo-Rumi 1:22

Giwacho ni giriek, to gin mana joma ofuwo.

1 Jo-Korintho 1:27

To Nyasaye noyiero gik ma piny kwano ka gik mofuwo mana kong’eyo, mondo okuodgo wi joma riek, kendo noyiero gik ma piny neno ni nyap mondo okuodgo wi joma rateke.

1 Jo-Korintho 2:14

To ng’at maonge gi Roho ok nyal yie weche ma Roho mar Nyasaye nyise. Adier, ok onyal winjo tiendgi maber, nikech ginenore ka gik mofuwo, nimar inyalo nonogi mana gi teko mar Roho.

1 Jo-Korintho 3:19

nikech rieko mar pinyni en mana fuwo e wang’ Nyasaye. Nitie wach moro e Muma mawuoyo kuom Nyasaye kama: “En ema omako jorieko gi riekogi giwegi.”

1 Jo-Korintho 3:3

nimar pod uchalo joma onge gi Roho, nikech kapod nitie nyiego e chunyu, kendo udhaw e kindu uwegi, to adier mano nyiso ni pod uchalo gi joma onge gi Roho, kendo utimo mana timbe mag dhano.

2 Jo-Korintho 1:12

To gimoro achiel mamiyowa mor en ni: wang’eyo malong’o e chunywa ni adier mar Nyasaye ema osetelonwa e kindwa gi ji, to moloyo to wasebet kamano mana kuom ng’wono mar Nyasaye, to ok kuom rieko mar dhano.

2 Jo-Korintho 11:3

To aluor ni kaka thuol nowuondo Hawa gi riekone parou bende kamoro inyalo wuondo mi uwe hero Kristo kende gi chunyu duto.

Jo-Filipi 3:19

To notiekgi e giko, nimar igi e nyisechegi, kendo gisungore mana ni gik makelonigi wichkuot, bende giparo mana weche mag pinyni.

2 Jo-Thesalonika 2:9

Biro mar Ng’at Mochayo Chikno nobed tich Satan. Notim honni duto gi ranyisi mag miriambo,

1 Timotheo 4:1

Roho wacho malong’o ni e ndalo giko, ji moko nowe yie marwa, ka gichiko itgi ni puonj mag jochiende ma miyo ji lal.

Jakobo 1:17

Mich mabeyo duto, kod chiwo malong’o duto, a e polo malo. Gia kuom Nyasaye Wuoro mane ochueyo ler mag polo. En ok olokre, bende ok owichre owewa e mudho.

Jakobo 1:5

To ka ng’ato kuomu riekone orem, to ber mondo okwa Nyasaye, kendo Nyasaye nomedne rieko, nikech ochiwo gi ng’wono mak ochayo ng’ato.

Jakobo 3:17

To rieko moa e polo malo, opogore gi mano. Mokwongo oler, kendo okelo kue. Omuol, bende oikore winjo wach. Opong’ gi ng’wono, kendo onyago timbe mabeyo. Ok odew wang’ ji to bende ok ogang wach.

Juda 1:19

Mago e joma kelo pogruok. Gin joma gombo mag ringruok ema chiko, kendo gionge gi Roho.

Fweny 12:9

Thuol maduong’no ne owit mwalo e piny kaachiel gi malaikane duto. En e thuol mang’ongo machon miluongo ni Jachien kata Satan, mane owuondo piny ngima.

Fweny 2:24

“ ‘To un ji mamoko duto man Thuatira, ma ok oseluwo puonjno, bende mapok ong’eyo gima jomoko luongo ni, ‘Weche matut mag Satan’, ok amiu ting’ moro mapek.

Fweny 9:11

Ruodhigo to ne malaika mar Bur Matut Maonge Gikone. Nyinge ne iluongo gi dho Hibrania ni Abadon, to gi dho Grik ni Apoluon, tiende ni Jaketh.