Jakobo 2:25 - MUMA MALER 2015

²⁵ Paruru bende Rahab, dhako ma jachode. Donge Nyasaye nomiyo obet e winjruok kode nikech gik mane otimo kane orwako joote, mi bang’e nomiyo gitony e yo machielo?

Motingʼo Loko Manyien

²⁵ Kamano bende Rahab dhako mane jachode nokwan kaka ngʼama kare kuom gima notimo kane orwako jombetre kendo okonyogi tony gi yo machielo.

Jakobo 2:25 ပူးပေါင်းရင်းမြစ်များ

Mathayo 1:5

to Salmon nonywolo Boaz gi chiege ma Rahab. Boaz nonywolo Obed gi chiege ma Ruth, to Obed nonywolo Jesse.

Mathayo 21:31

To koro apenjou ni, kuom yawuowi ariyogo, ere ng’ama notimo gima ne wuon mare dwaro?” Ne gidwoke ni, “Wuowi matin.” Eka Yesu nowachonigi niya, “Adier awachonu ni josol osuru gi jochode kwongonu donjo e Piny Ruodh Nyasaye.

Tich Joote 17:7

to Jason ema oketogi e ode. Giduto giketho chik Kaisar, ka giwacho ni nitie Ruoth machielo ma nyinge Yesu.”

Jo-Hibrania 11:31

Yie ema ne omiyo Rahab, dhako mane jachode, ok onegi kane inego joma ne otamore winjo wach Nyasaye. Ne ok onege nikech ne oserwako jombetre gi ng’wono.

Jakobo 2:18

To ng’ato nyalo wacho niya, “Ng’at moro nigi yie, to ng’ama chielo nigi tim.” Ng’at ma kamano to adwoko ni, “Nyisae kaka ng’ato nyalo bedo gi yie, to onge gi tim. An to gik ma atimo ema nyiso ni angi yie.”

Jakobo 2:22

Donge inyalo neno ni yie mare gi timne notiyo kaachiel, omiyo yiene nodoko malong’o nikech gima ne otimo?.

Jakobo 2:24

Kamano uneno ni gik ma ng’ato timo ema miyo obet e winjruok gi Nyasaye, to ok yie kende.

Joshua 2:1

Kane pod gin Shitim, Joshua wuod Nun nooro jombetre ariyo ling’ling’ mondo odhi ocheng piny. Jombetrego nodhi Jeriko modonjo e od dhako moro ma ohodho ma nyinge Rahab, kendo ne ginindo kanyo.

Joshua 2:15

Rahab nodak e ot mochuog e kor ohinga mar dala Jeriko, omiyo nogologi gie dirisa, molorogi piny gi tol,

Joshua 2:16

kowachonigi niya, “Dhiuru e got, nikech dipo ka joma lawou oyudou, ponduru kuno kuom ndalo adek, to bang’e ka jogo oseduogo, eka uchak wuoth.”

Joshua 2:4

To noyudo dhakono osepandogi, omiyo nodwoko ruoth niya, “Adier, jomoko nende obiro e oda, to ne ok ang’eyo kuma giaye.

Joshua 2:6

To chutho, noseterogi ewi tado, moumogi gi tworo mane osechano kanyo.

Joshua 6:17

To joma odakie kaachiel gi gik moko duto manie iye noketh chuth, kendo dhano ok nomulgi, to ginibed gik mochiw ni Ruoth Nyasaye. Rahab gi ji duto manie ode kende ema nowe ka ngima, nikech en ema nopando jombetre mane waoro.