Jakobo 2:23 - MUMA MALER 2015

²³ Kamano wach manie Muma nochopo kare, mawacho niya, “Ibrahim noyie kuom Nyasaye, mi yieneno ema nomiyo Nyasaye okwane ka ng’ama kare.” Mano nomiyo Nyasaye oluonge ni osiepne.

Motingʼo Loko Manyien

²³ Omiyo Ndiko nochopo kare, mawacho niya, “Ibrahim noyie kuom Nyasaye, kendo mano nomiyo Nyasaye okwane kaka ngʼama kare.” Kuom mano, Ibrahim ne iluongo ni osiep Nyasaye.

Jakobo 2:23 ပူးပေါင်းရင်းမြစ်များ

Chakruok 15:6

Abram noyie kuom Ruoth Nyasaye, omiyo Ruoth Nyasaye nokwano yieneno ka tim makare,

1 Ruodhi 4:5

Azaria wuod Nathan ne jatend jodong piny; Zebud wuod Nathan ne jadolo kendo osiep ruoth;

2 Weche mag Ndalo 20:7

A Nyasachwa, donge in ema nichiwo pinyni ni nyikwa Ibrahim ma osiepni, kiriembo joma nodakie mondo owe thuolo ni jogi Israel, odagie nyaka chieng’?

Ayub 16:21

Bende adwaro ni ng’ato okwana Nyasaye, ka ng’ama kwayo ni osiepne.

Wuok 33:11

Kamano Ruoth Nyasaye ne wuoyo gi Musa wang’ gi wang’ mana kaka ng’ato wuoyo gi wadgi. Bang’e Musa ne duogo e kambi. To Joshua wuod Nun, wuowi mane konye, ne dong’ mana e hema.

Isaya 41:8

To un jo-Israel jotichna, aseyierou, mi agolou e giko piny kuonde mane untie. Adier, un nyikwa Jakobo ma aseyiero, kendo ma koth Ibrahim osiepna,

Mariko 12:10

Nyaka bed ni usesomo e Muma ni, ‘Kidi mane jogedo odagi, ema koro osedoko kidi motegno moriwo kor ot.

Mariko 15:27

Jomecho ariyo bende ne giguro kode, achiel e bathe korachwich, to machielo e bathe koracham. [

Luka 4:21

Nowachonigi niya, “Tinendeni, wach musewinjo kisomonuno ochopo kare.”

Tich Joote 1:16

Nowacho niya, “Owetena, wach mondiki e Muma nyaka ne timre. En wach mane Roho Maler omiyo Daudi okoro kuom Judas mane otelo ni joma ne omako Yesu.

Jo-Rumi 11:2

Nyasaye ok osewito joge mane ong’eyo chon! Koso ukia gima Muma wacho kuom Elija? Donge owacho ni Elija noywagore ni Nyasaye kuom gima jo-Israel timo, kowacho niya,

Jo-Rumi 9:17

Nyasaye wacho ni Farao e Muma niya, “Ne aketi ruoth mana ni mondo gima atimoni omi ji ong’e kaka tekona duong’, kendo mondo humba olandre e piny ngima.”

Jo-Galatia 3:22

To Muma osewacho ni piny duto nie bwo loch mar richo, mondo singruok motenore kuom yie kuom Kristo omi mana joma oyie.

Jo-Galatia 3:6

Muma wacho niya, “Ibrahim noyie kuom Nyasaye, mi yieneno ema ne omiyo Nyasaye okwane ni en ng’ama kare.”

2 Timotheo 3:16

Weche duto manie Muma wuok kuom much Nyasaye, kendo konyo kuom puonjo ji, kendo kuom kwero gik maricho, kendo kuom rieyo ji, kendo kuom tiego ji mondo obed joma kare,

Jakobo 2:24

Kamano uneno ni gik ma ng’ato timo ema miyo obet e winjruok gi Nyasaye, to ok yie kende.

1 Petro 2:6

kaka Muma wacho niya, “Neuru, aketo kidi moyier e Sayun. En kidi motegno man gi duong’ moriwo kor ot. Ng’at moyie kuome to ok none wichkuot.”