Jakobo 1:19 - MUMA MALER 2015

¹⁹ Owetena mahero, mago duto ung’eyo. To ng’ato ka ng’ato nyaka bed ng’at mawinjo wach piyo, kendo materore mos kuom wuoyo, kendo ma mirima ok mak piyo.

Motingʼo Loko Manyien

¹⁹ Jowetena mageno, winjuru wachni malongʼo ni: Ji duto onego bed mapiyo e winjo wach, kik urikni e wuoyo kendo kik ubed joma igi wangʼ piyo,

Jakobo 1:19 ပူးပေါင်းရင်းမြစ်များ

Nehemia 8:18

Odiechieng kodiechieng’ chakre chieng’ mokwongo nyaka chieng’ mogik, nisomo kitap chik mar Nyasaye. Ne gitimo nyasi kuom ndalo abiriyo, to chieng’ mar aboro ne giloso sawo mogik, kaka chik dwaro.

Nehemia 9:17

Ne gitamore luwo chikni, kendo ne ok giparo honni ma nitimo e nyimgi. Ne gisiko ka tokgi tek, mi giketo ng’ato otelnigi, mondo gidog gibed wasumbni e piny Misri. To ne ok ijwang’ogi, nikech in Nyasaye mang’won, ma weyoni ji richogi, kendo mohero kecho ji. Iyi ok wang’ piyo, to herani osiko.

Nehemia 9:3

Kane gichung’ kamano, kitap chik mar Ruoth Nyasaye ma Nyasachgi nosom kuom seche adek, eka ne gihulo richogi kendo gilamo Ruoth Nyasaye ma Nyasachgi kuom seche adek mamoko.

Ayub 32:16

Gichung’ achung’a kanyo ka onge gima giwachi! Koro pod darit arita, kata obedo ni giling’ kamano?

Ngeche 10:19

Ka iwuoyo mang’eny to ichiegni gi richo. Ng’at mariek to ling’ aling’a.

Ngeche 13:3

Ng’at marito dhoge reso ngimane, to ng’at ma rodho wach arodha tiekore kende owuon.

Ngeche 14:17

Ng’at ma iye jawang’ piyo timo gik mofuwo. Ng’at mariek to hore mos.

Ngeche 14:29

Ng’at ma iye ok wang’ piyo ema nigi rieko mang’eny, to ng’at ma mirimbe liet nyiso mana fupe.

Ngeche 15:18

Ng’at ma iye wang’ piyo ero miero, to ng’at ma hore mos kelo kue.

Ngeche 15:2

Ka ng’at mariek wuoyo to wachne lombo ji. Ng’at mofuwo to rodho weche maonge tich.

Ngeche 16:32

Herruok ber moloyo doko ratego. Ng’at moritore owuon yudo duong’ moloyo ng’ama kawo dala maduong’.

Ngeche 17:14

Chakruok mar miero chalo gi pi mochako chuer, omiyo nyaka geng’e ka pok omwomo.

Ngeche 17:27

Ng’at mariek ok wach weche mang’eny, kendo ng’at man gi paro matut ok yie mondo iye owang’.

Ngeche 18:13

Chik iti kapok idwoko penjo. Ka ok itimo kamano to ibedo mofuwo, kendo ikelo wichkuot.

Ngeche 18:21

Weche ma ng’ato wacho nyalo kelo ngima, to bende ginyalo kelo tho. Kuom mano, rit dhogi maber mondo wecheni okonyi.

Ngeche 19:11

Ng’at mariek, iye ok wang’ piyo. Ka ng’ato otimoni marach, to en gima ber moloyo ka ifwayo.

Ngeche 19:19

Ng’at ma jamrima nyaka ikre owuon ni yudo kum ma mirimbe kelo, nikech ka igole e chandruok makamano dichiel, to ng’e ni ibiro timo kamano pile.

Ngeche 21:23

Ka ok idwar ni iyud chandruok, to rit lewi.

Ngeche 25:28

Ng’at ma ok nyal pieyo mirimbe, chal mana gi dala ma onge gi ohinga, ma monjo yot.

Ngeche 29:20

Konyo ng’at mofuwo yot moloyo konyo ng’at mamwomore gi wach.

Kwan 22:27

Kane kanyna oneno malaika kanyo, nonindo gi Balaam piny, mi mano nomiyo Balaam mirima, mochwade gi ludhe.

Mathayo 5:22

An to awachonu ni ng’at ma okecho gi wadgi noter e bura, kendo ng’at monyanyo wadgi, to noyal e Bura Maduong’, to ng’ato mowacho ni wadgi ni ofuwo, nong’adne buch mach mak tho!

Mariko 12:37

Ka Daudi owuon noluongo Mesia ni ‘Ruoth’, to koro ere kaka Mesia dibed nyakwar Daudi?” Oganda maduong’ mane ni kanyo nowinjo weche Yesu gi mor.

Mariko 2:2

Kuom mano ji nobiro mochokore mang’eny nyaka e dhoot, ma onge kata kama bolie luth. Kane oyudo Yesu puonjogi Wach Maber,

Luka 15:1

Chieng’ moro josol osuru mang’eny kod joricho nosudo but Yesu mondo oyud puonjne.

Luka 19:48

To ne ok ginyal yudo yo mar timo kamano, nikech ji duto nosiko kawinjo puonjne, ka ok gidwar ni mondo kata mana wach achiel okadh mak owinjo.

Tich Joote 1:15

Chieng’ moro Petro nochung’ mondo olosi e chokruok mar joma oyie kuom Kristo, ma dirom ji mia achiel gi piero ariyo.

Tich Joote 10:33

Mano omiyo ne aoroni joote mana gi sano, kendo agoyoni erokamano ahinya kuom biro. To koro waduto eri wan ka e nyim Nyasaye, kwarito wach moro amora ma Ruoth osenyisi mondo iwachi.”

Tich Joote 13:48

Kane joma ok jo-Yahudi owinjo wachno, ne gidoko mamor, mi gimiyo Wach Nyasaye duong’, kendo ji duto mane Nyasaye oseyiero mondo oyud ngima ma nyaka chieng’ noyie kuom Yesu.

Tich Joote 17:11

Jo-Yahudi mane odak kuno ne nigi chuny mathuolo moloyo mago mane odak Thesalonika. Ne gichiko itgi mi giwinjo wach gi chuny moyangore chuth, kendo ne gisomo Muma pile mondo gine ane ka weche Paulo gin adier.

Tich Joote 2:42

Jogo noketo chunygi kuom puonj joote, kendo kuom timo gik moko duto kaachiel, kendo kuom chamo Sap Ruoth, kendo kuom lemo.

Jo-Efeso 4:26

Ka mirima omako ng’ato kuomu, to kik owe mirima tere e richo, kendo kik owe chieng’ podhi ka pod en gi mirima.

Jo-Efeso 4:31

Kuom mano, weuru kecho, gi mirima, gi ichwang’, gi dhaw, gi ayany, kod himruok duto.

Jo-Kolosai 3:15

Kue ma Kristo chiwo ema mondo obed jang’ad bura e chunyu, nikech kue nogo ema ne Nyasaye oseluongoue kaachiel e ringruok achiel. Omiyo gouru erokamano mogundho.

Jo-Kolosai 3:8

To koro kaka jo-Kristo, nyaka uwe timbego duto, kaka: ichwang’, gi mirima, gi himruok, gi ayany, kod weche mochido.

1 Jo-Thesalonika 2:13

To bende wagoyo erokamano pile, nikech kane uyudo Wach Nyasaye mane wakelonu, to ne ok urwake mana ka wach dhano, to ne urwake ka Wach Nyasaye adier, matiyo e chunyu un joma oyie.

Jakobo 1:16

Owetena mahero, ng’ato kik wuondu.

Jakobo 1:2

Owetena, ka uyudo tem mayoreyore, to kwanreuru ka johawi,

Jakobo 1:26

Ka ng’ato galo ni en jalemo maber to ok orito lewe, to mano owuondore awuonda, kendo lemo mare onge tich.

Jakobo 2:1

Owetena, kaka un joma oyie kuom Ruodhwa Yesu Kristo ma Ruodh duong’, omiyo kik uluor wang’ ji.

Jakobo 2:5

Owetena mahero, winjuru gima awacho. Donge Nyasaye noyiero joma piny kwano ka jochan mondo obed jomwandu korka yie, kendo obed joma yudo gueth mar Loch Nyasaye, mane osingore ni nomi joma ohero?

Jakobo 3:10

Kamano dhok achielno ema pak kod ayany wuokie. Owetena, mano ok onego obed kamano.

Jakobo 4:11

Owetena, ng’ato ka ng’ato kik wuo marach kuom wadgi. Ng’at mawuoyo marach kuom wadgi, kata mang’adone bura, to wuoyo marach mana kuom Chik, kendo ng’ado ni Chik bura. Ka ing’ado ni Chik bura, to itimori ng’at ma ng’ado bura, kar bedo ng’at ma rito Chik.

Jakobo 5:12

To owetena, gima duong’ie moloyo gik moko duto en ni, ka usingoru e wach moro, to kik ukuong’oru, bed ni ukuong’oru gi polo, kata gi piny, kata gi gimoro amora. Kudwaro wacho ni, “Ee,” to wachuru mana ni, “Ee” kende. Kata kudwaro wacho ni, “Ooyo,” to wachuru mana ni, “Ooyo,” mondo kik buch Nyasaye lou.

Jakobo 5:19

Owetena, ka ng’ato kuomu obayo yo, mi oweyo adiera, to eka ng’at moro odwoke e yo,

1 Johana 2:21

Andikonu, nikech ung’eye, bende ung’eyo ni onge miriambo mawuok kuom adiera kata matin.