Jakobo 1:15 - MUMA MALER 2015

¹⁵ Eka ka gombo osemako ich, to onywolo richo, to richo kosedongo mogik to kelo tho.

Motingʼo Loko Manyien

¹⁵ Bangʼe ka gombo maricho osemako ich to onywolo richo; to richo kosedoko motegno to onywolo tho.

Jakobo 1:15 ပူးပေါင်းရင်းမြစ်များ

Chakruok 2:17

mak mana olemo manyiso ber gi rach ema kik icham, nikech chieng’ michame to initho.”

Chakruok 3:6

Dhako noneno ni olemb yadhno ber chamo, kendo lombo wang’, mi noparo kaka onyalo miyo ng’ato doko mariek. Kuom mano, nopono olembe moko mochamo. Chwore bende nomiyo moko, mochamo.

2 Samuel 11:4

Eka Daudi nooro joote mondo oome, to ka nobiro noterore kode. Bang’e nodok e ode.

Ayub 15:35

Mago e joma kelo chandruok, kendo timo timbe maricho. Chunygi opong’ gi miriambo kinde duto.”

Zaburi 7:14

Neye kaka muoch mar richo kayo joricho! Oyach mana gi timbe mamono, kendo miriasia ema onywolo.

Zaburi 9:17

Piny joma otho ema joricho duto ochomo, kendo e kar jogo duto modagi Nyasaye.

Ngeche 11:19

Ng’at ma oketo chunye kuom tim makare nobed mangima, to ng’at mosiko ka timo richo notho.

Isaya 33:11

Gik ma uchano timo gin gik manono, kendo yamo maliet ka mach biro tiekou pep.

Isaya 59:4

Onge ng’ama donjo ni wadgi e yo makare, kata ma yalo bura gi adiera, to ji duto ogeno kuom weche manono kod miriambo. Gichano weche maricho e chunygi, ma bang’e nywolo mana chandruok.

Mathayo 26:14

Bang’e, ng’at achiel kuom jopuonjre Yesu apar gariyo, ma nyinge Judas Iskariot, nodhi ir jodolo madongo,

Mathayo 5:28

An to awachonu ni, ka ng’ato orango dhako, mi ogombo, to oseterore kode e chunye.

Jakobo 1:14

To ng’ato ka ng’ato gombone owuon ema temo kendo yondho.

Jakobo 1:18

Kuom dwarone owuon ne ochweyowa manyien kuom wach mar adiera, mondo wabed kaka olemo mokwongo nyak kuom chuechne duto.