Jakobo 1:14 - MUMA MALER 2015

¹⁴ To ng’ato ka ng’ato gombone owuon ema temo kendo yondho.

Motingʼo Loko Manyien

¹⁴ makmana ngʼato ka ngʼato itemo mana ka gombone owuon maricho oywaye kendo tere e richo.

Jakobo 1:14 ပူးပေါင်းရင်းမြစ်များ

Chakruok 3:6

Dhako noneno ni olemb yadhno ber chamo, kendo lombo wang’, mi noparo kaka onyalo miyo ng’ato doko mariek. Kuom mano, nopono olembe moko mochamo. Chwore bende nomiyo moko, mochamo.

Chakruok 6:5

Kane Ruoth Nyasaye oneno ni dhano osetimo richo mang’eny e piny, kendo chunye gombo mana timo richo pile,

Chakruok 8:21

Kane Ruoth Nyasaye owinjo suya mamit, nowacho e chunye niya, “Timbe dhano ok nomi akuong’ piny kendo, nikech aneno ni paro mag dhano richo, chakre nywolne. Bende ok nachak atiek gik mangima kaka asetimoni.”

2 Samuel 11:4

Eka Daudi nooro joote mondo oome, to ka nobiro noterore kode. Bang’e nodok e ode.

Ayub 31:27

Adier, paro mar timo kamano pok odonjo e chunya.

Ayub 31:9

Ka dipo ni asegombo chi wadwa moro, mi apondo e dhoode gi oko ka arite,

Ngeche 4:23

Chunyi e kama ngimani ochakoree, emomiyo rite ka mwanduni migenoe moloyo.

Isaya 44:20

Ng’at ma kamano chamo mana buch kendo! Parone mofuwo osewuonde, mowite. Omiyo oonge gi rieko monyalo parogo ni gima oting’o e lweteno ok en gima adier.

Hosea 13:9

“Un jo-Israel abiro tiekou, to koro ere ng’ama dikonyu?

Mathayo 15:18

To gik mawuok e dho dhano a mana e chunye, kendo mago ema miyo odoko jaketho,

Mathayo 15:20

Mago e gik mamiyo dhano doko jaketho. To ka ng’ato ochiemo ka ok ologo e yo ma chik dwaro, to mano ok mi odok jaketho.”

Mathayo 4:1

Bang’ mano, Roho notero Yesu nyaka e thim, mondo Satan oteme.

Mathayo 5:28

An to awachonu ni, ka ng’ato orango dhako, mi ogombo, to oseterore kode e chunye.

Jo-Rumi 7:11

nikech richo noyudo thuolo ma Chik okelo, mi owuonda, kendo onega.

Jo-Rumi 7:13

Kara dwawachi ni gima ber ema nomiyo atho koso? Ngang’! Richo notiyo gi gima ber, mi onega, mondo richo ong’ere malong’o ni en ang’o. Kamano chik nyiso ni richo en gima rach moloyo.

Jo-Efeso 4:22

Omiyo nyaka uwe kit ngimau machon, kendo ulony dhano machon mochomo tho nikech gombo ma ok ni kare.

Jo-Hibrania 3:13

To moloyo, jiwreuru ng’ato gi ng’ato kapod iluongo ndalo ni ‘Kawuono’, mondo kik richo gal ng’ato kuomu, mi bed gi chuny matek,

Jakobo 1:13

To ng’at ma itemo kik wach ni Nyasaye teme, nikech onge richo manyalo temo Nyasaye, kendo en owuon ok otem ng’ato.

Jakobo 1:15

Eka ka gombo osemako ich, to onywolo richo, to richo kosedongo mogik to kelo tho.