Isaya 9:4 - MUMA MALER 2015

⁴ Mano notimre nikech ibiro turo jok ma giting’o, kaachiel gi luth misandogigo, mana kaka nitimo e ndalo mane olo jo-Midian.

Motingʼo Loko Manyien

⁴ Mana kaka e kinde mane olo jo-Midian e lweny, iseturo jok mane turogi, kaachiel gi lodi mane gitingʼo e gokni, ma gin ludh ngʼama sandogi.

Isaya 9:4 ပူးပေါင်းရင်းမြစ်များ

Chakruok 27:40

To liganglani ema nomiyi chiemo, kendo inibed jatich owadu. To kinde nobi ma ining’anyie, kendo nia e bwo lochne.”

Zaburi 125:3

Joricho ok nobed gi loch ngang’ kuom piny joma kare. Ka gibedogo, to joma kare giwegi ditim richo.

Zaburi 81:6

“Ne agolo ting’ mapek e goku, mi ne amiyo ubolo odheche mane utiyogo piny.

Isaya 10:16

Kuom mano, Ruoth Nyasaye Manyalo Gik Moko Duto biro kelo tuo kuom jolwej Asuria marateke, chakre e wigi nyaka lith tiendgi, kendo tuo noliel ka mach ei ringregi.

Isaya 10:5

Ruodh Asuria e luth ma agoyogo ji ka akecho. Ee, en e luth ma akumogo ji ka mirima omaka.

Isaya 14:25

Ananeg jo-Asuria manie piny, kendo nanyon-gi piny gi tienda e godena. Eka nagol jok mane ruodh Asuria oketo kuom joga, kendo nagony ting’ mapek mane omiyogi.

Isaya 16:4

Weuru mondo jo-Moab ma onge mier oyud kar konyruok kuomu, kendo pandgiuru mondo kik joyeko yudgi. Ka thak mithagogo ji oserumo, kendo jokeyo osetieko tijgi, mi jogo duto mathiro ji oa e piny,

Isaya 47:6

Kane mirima omaka gi joga, ne ajwang’ogi ka gima ok gin joga awuon, mi aketogi e tekoni. Ne ok ikechogi, to ne iketo kum mapek koda ka kuom joma oti.

Isaya 49:26

Anachun joma thiri, mondo ocham ringregi giwegi, kendo anami gimer gi rembgi, mana ka joma divai makech omero, mi ji duto nong’e ni an Ruoth Nyasaye ema aresou. An Jawaru, ma Ng’ama Nyalo Gik Moko Duto mar Jakobo.”

Isaya 51:13

Ere gima omiyo wiu osewil gi Ruoth Nyasaye, ma Jachuechu, mane oyaro polo kendo ochueyo piny? Ere gima omiyo kibaji osiko ka goyou ndalo duto? Koso ang’o momiyo uluoro mirimb ng’at masandou kadwaro tiekou? Uparo ni mirimb ng’at ma sandouno to gima nade!

Isaya 52:2

In dala Jerusalem, machalo misumba moriere piny e lowo, a malo iteng’ri mondo buru oa kuomi. Adier, in dala Sayun, machalo nyako ma misumba, gony tonde motuego ng’uti.

Isaya 54:14

Enogeri e mise mar tim makare, kendo inibed mabor gi kuonde mithiroe ji, omiyo ok nibed maluor, bende nibed mabor gi masiche, mi ok ginisud machiegni kodi.

Isaya 9:5

Gik moko duto ma jolweny omanorego kod lewni duto ma omienore gi remo, nowang’ mana ka yien michwakogo mach,

Jeremia 30:8

Ruoth Nyasaye Manyalo Gik Moko Duto wacho niya, “Chieng’no anang’ad jok manie ng’utgi, kendo anatur ratege motuegigo, mi ok ginichak gibed wasumb jopinje mamoko

Jeremia 48:17

Un joma odak machiegni kode, kendo un ji duto mong’eyo humbe, ywageuru kuwacho niya, ‘Lochne maratego osekethi, kendo humbe gi duong’ne oserumo.’

Tim jo-Lawi 26:13

An e Ruoth Nyasaye ma Nyasachu ma nogolou e piny Misri mondo uwe bedo wasumb jo-Misri. Aseturo lodi ma ne otuenu, mi omiyo koro uwuotho tir.

Nahum 1:13

Koro abiro chodo nyororo motueugo, mi agolu e tich misumba.