Isaya 9:17 - MUMA MALER 2015

¹⁷ Mano, emomiyo Ruoth Nyasaye ok nokech yawuotgi, bende ok nobed mamuol gi nyithi kiye kata gi mond liete, nikech giduto gin joricho, kendo gikia Nyasaye, bende ng’ato ka ng’ato kuomgi wacho mana weche mofuwo. Kata kamano, mirimb Ruoth Nyasaye ok norum, kendo pod nosik kokumogi akuma.

Motingʼo Loko Manyien

¹⁷ Kuom mano Ruoth Nyasaye ok nobed mamor gi jomatindo bende ok nokech nyithi kiye kod mon ma chwogi otho, nikech ji duto opongʼ gi richo kendo timo timbe mamono bende dhogi opongʼ gi weche mochido. To Kata ka magi duto osetimore to mirimbe ok orumo kuomgi kendo pod odhi nyime mana gikumogi.

Isaya 9:17 ပူးပေါင်းရင်းမြစ်များ

Ayub 15:34

Ji ma ok dew Nyasaye ok nobed gi nyithindo, to bende udi moger gi gik moyud kuom asoya, mach nowang’ mi tiek pep.

Zaburi 109:12

Onego kik ng’ato bedne mang’won, kata kik rit nyithinde modong’ kiye.

Zaburi 147:10

Teko mar farese kata teko mar jolweny, ok ema mi Nyasaye mor,

Isaya 1:4

A yaye oganda ma joricho ma opong’ gi timbe mamono, kendo ma joge joketho ma acheje! Useweyo Ruoth Nyasaye, Ng’ama Ler mar Israel kuchaye kendo ulokone ng’eu.

Isaya 10:2

Utamo joma odhier e adiera, kendo umayo joga ma jochan gik monego giyudi, bende uyako mond liete kod nyithi kiye.

Isaya 10:4

mondo kik gikirni e nyim jotuech, kata kik gipodhi e lwet janek? To kata kamano mirimb Ruoth Nyasaye ok norum, kendo pod nosik kokumou akuma.

Isaya 10:6

En ema aore mondo odhi oked gi oganda moweyo Nyasaye Adier, achike mondo omonj joma miya mirimago. Mi oketh mwandu, kendo oyakgi kaka en ema odwaro, konyonogi piny, mana ka chuodho minyono e wang’ yore.

Isaya 13:18

Jo-Media biro nego yawuotgi gi asere, gin joma ok kech kata mana nyithindo.

Isaya 14:20

Ringri mosenyon pinyno ok bi yiki kaka oseyik ruodhi mamokogo, nikech iseketho pinyi, mi inego jogi iwuon. Nyithindi bende ok nobed ruodhi bang’i.”

Isaya 24:5

Ji modak e piny osedwanyo piny, nikech gidagi rito chike, mi giketho muma mochwere.

Isaya 27:11

Bende mon mamoto nojak bede yien motwo, ochwakgo mach. Mano notimre nikech ogandano onge gi rieko. Omiyo, Jachuechgi ok nokechgi. Adier, Ng’ama nochueyogi ok nong’wonnigi.

Isaya 3:8

Jerusalem nokethre kendo Juda nopodhi nikech gisewuoyo marach kuom Ruoth Nyasaye, bende gisetimone timbe maricho, ka gipiem gi duong’ne mang’ongo.

Isaya 31:2

To Ruoth Nyasaye riek, kendo onyalo kelo masira, bende ok olok parone. Obiro kumo oganda mar joricho, kaachiel gi joma konyogi.

Isaya 31:3

Jo-Misri gin mana ji, to ok gin Nyasaye, bende faresegi gin mana ring’o to ok gin roho. Omiyo ka Ruoth Nyasaye orieyo bade mondo okumgi, to joma ikonyo kaachiel gi joma konyogi, nopodh piny, mi gilal nono giduto.

Isaya 33:11

Gik ma uchano timo gin gik manono, kendo yamo maliet ka mach biro tiekou pep.

Isaya 33:12

Ogendini nokethi chuth, mi lokre pidhe mag choka, kendo ginichal gi kudho mobeti, mi owang’ e mach.

Isaya 40:30

Joma tindo nyalo ol, mi nyosre, kata mana yawuowi mopong’ bende nyalo chwanyore, mi podhi.

Isaya 5:24

Emomiyo kaka ligek mach wang’o yugi, mi tieki, kendo kaka tiang’ wang’ mi rum e mach mager, e kaka un bende unulal nono mana ka buru, nimar usechayo chik Ruoth Nyasaye Manyalo Gik Moko Duto, kendo usedagi wach Ng’ama Ler mar Israel.

Isaya 5:25

Kuom mano Ruoth Nyasaye okecho gi joge, kendo oserieyo bade kuomgi mogoyogi, mi gode otetni, kendo ringre jogo obimbore e wang’yore ka yugi. To kata kamano mirimbe pok okue, kendo pod okumogi akuma.

Isaya 62:5

Kaka wuowi kendo nyako, e kaka Jal mane ogeri biro kendi. Adier, kaka ng’at mokendo, mor gi chiege, e kaka Nyasachi nobed mamor kodi.

Isaya 65:19

Abiro bedo mamor gi Jerusalem, kendo abiro bedo moil nikech joga. “Ywak kod ywagruok ok nochak owinji e Jerusalem,

Isaya 9:12

Jo-Aram biro kedo kodgi gi yo wuok chieng’, to jo-Filistia biro monjogi gi yo podho chieng’, kendo gibiro mwonyo jo-Israel mana dichiel. To kata kamano, mirimb Ruoth Nyasaye ok norum, kendo pod nosik kokumogi akuma.

Isaya 9:21

To kata kamano mirimb Ruoth Nyasaye ok norum kendo pod nosik kokumogi akuma.

Jeremia 18:21

To koro Ruoth Nyasaye, we kech oneg nyithindgi, kendo we githo e lweny. Joma chwo gi nyithindo mondo otho, kendo mon mondo odong’ mond liete, kendo maonge nyithindo. Tuoche mondo oneg jodongo, to yawuowi mondo otho e lweny.

Jeremia 5:1

Un jo-Jerusalem, wuothuru e yore mag dalau kendo e chirniu, mondo une ane ka nitie kata ng’at achiel makare mohero adiera. Kuyudo, to Ruoth Nyasaye nowe ni jodalano richogi.

Ezekiel 20:33

“An Ruoth Nyasaye mangima akuong’ora ni abiro tiyo matek gi tekona duto kod mirimba mager.

Amos 4:10

“Ne akelonu yamo marach mar tho machal gi mano mane akelo ni jo-Misri. Bende namiyo yawuotu mang’eny otho e lweny, kendo amayou fareseu. Ne amiyo mifuond jomotho e kambeu othing’ou. To kata kamano ne ok uduogo ira.

Amos 8:13

Chieng’no nyiri ma jobeyo kod yawuowi bende nopodh piny nikech riyo.

Mika 7:2

Ji moluoro Nyasaye oserumo e piny Israel, kendo onge kata ng’at achiel makare modong’. Ji duto kichore ni chuero remo, kendo ng’ato ka ng’ato chiko mana ni wadgi obadho.

Zekaria 9:17

Mano kaka gin gi mwandu mogundho kod mor maduong’! Cham gi divai biro miyo yawuotgi gi nyigi bed gi del mabeyo.

Mathayo 12:34

Un nyithi thuondegi! Ere kaka weche muwacho dibed mabeyo, to un uwegi un joricho? Chutho gik mopong’o chuny dhano ema wuok e dhoge.

Mathayo 16:3

To gokinyi ka polo marmar kendo dudo, to uwacho ni koth biro chue. Ka ulony kuom rango polo kamano, mi ung’e gima biro timore, to ang’o momonou fwenyo tiend ranyisi matimore ndalogi?