Isaya 9:14 - MUMA MALER 2015

¹⁴ Emomiyo Ruoth Nyasaye nogol wich gi yip kod odundu gi yiend othith e odiechieng’ achiel.

Motingʼo Loko Manyien

¹⁴ Omiyo Jehova Nyasaye biro ngʼado joma ogen kod ji ajia mag Israel, othith kod odundu e odiechiengʼ achiel;

Isaya 9:14 ပူးပေါင်းရင်းမြစ်များ

Isaya 10:17

Ler mar Israel nolokre mach. Adier, Ng’ama Ler nolokre mach mang’ang’ni, ma chieng’ moro nomuochi, mi wang’gi pep odiechieng’ achiel mana ka kudho.

Isaya 19:15

Jo-Misri ok nodhi nyime maber e gimoro amora ma gitimo, bed ni jatelo ema time, kata ng’ama chal nade ema time.

Isaya 30:13

omiyo richouno biro chalonu okak manie ohinga mabor, ma miyo ohinga barore tiarara, kendo podho ka diemo wang’,

Jeremia 6:21

Kuom mano, Ruoth Nyasaye owacho kama: “Anami jogi chwanyre, mi podhi. Wuone gi yawuowi biro tho, kaachiel gi osiepegi kod joma odak machiegni kodgi.”

Jeremia 8:12

Bende uparo ni wigi okuot nikech timbe makuero mane gitimogo koso? Ooyo, wigi ok okuot kata matin, bende gionge gi wichkuot. Kuom mano, gibiro podho kaka ji mamoko osepodho, kendo ka akumogi to ginirum. An Ruoth Nyasaye ema awacho kamano.

Ywagruok 4:16

Ruoth Nyasaye owuon ema nokeyogi, mi ok ochako oparogi kendo. Bende ne ok ong’wono ni jodolo, kata kecho jodongo ne ok okecho.

Hosea 1:4

Eka Ruoth Nyasaye nowacho ni Hosea niya, “Chak nyathino ni Jezreel, nimar achiegni kumo ruodh Israel kuom remo mane Jehu wuon mare ochwero Jezreel. Abiro tieko loch nyikwa Jehu e Israel,

Hosea 1:6

Gomer nochako omako ich, monywolo nyako. Ruoth Nyasaye nowacho ni Hosea niya, “Chake ni Lo-ruhama, tiende ni, ma ok oher, nikech ok nachak aher jo-Israel, kata mana ng’wononigi ok nang’wonnigi,

Hosea 1:9

Eka Ruoth Nyasaye nowacho niya, “Chake ni Lo-ami, tiende ni joma ok joga, bende ok ayie bedo Nyasachu,”

Hosea 10:15

Mano e gima notimrenu, un jo Bethel, nikech richo madongo ma usetimo. E sa ma lweny ochakoree, ruodh Israel biro tho.”

Hosea 13:3

Kuom mano ji biro leny nono, mana ka ong’ueng’o, kata ka tho maduono ka nyango tegno. Ginichal mana gi mihudhi ma yamo keyo kar dino, kendo ka iro mawuok e kendo, mi lal nono.

Hosea 4:5

Utimo gik manono odiechieng’ gotieno, kendo jonabi bende timo mana kamano. Kuom mano abiro tieko Israel meru.

Hosea 8:8

Jo-Israel duto ibiro mwonyo, mi tieki pep. To kata mana sani ogendini mamoko okawogi ka joma nono.

Amos 3:12

Ruoth Nyasaye owacho niya, “Kaka jakwath reso lemo ariyo kata it rombo ma ondiek osechamo, e kaka Nyasaye nores mana jo-Israel manok modak Samaria.

Amos 6:11

Ruoth Nyasaye biro golo chik, mi udi madongo nomuki, mi lokre pidhe, to matindo noteng’ matindo tindo.

Amos 7:17

To Ruoth Nyasaye wachoni kama: ‘Chiegi biro doko jachode e dala Samaria, kendo yawuoti gi nyigi noneg e lweny. Lopi nopog gipimo gi rapim, to in iwuon initho e piny moro nono, kendo jo-Israel nodar, mi ter e tuech.’ ”

Fweny 18:10

Ginichung’ gi kuma bor, ka kihondko omakogi nikech sandruok moyudo, kendo giniwach niya, “Yaye! Mano kaka dala maduong’ neno malit! Yaye! In Babulon, dala man gi teko, osetieki mana e sa achiel kende!”

Fweny 18:17

Yaye! Mano kaka oseketh mwandune duto mana kuom sa achiel kende!” To ji duto ma weg yiedhi gi jokwang’ gi jonam kod ji duto maloko ohala e nam ne ochung’ gi kuma bor.

Fweny 18:8

Mano omiyo masichene chieng’ moro nopoye chieng’ achiel. Masichego gin tho gi ywagruok kod kech, kendo nowang’e pep gi mach, nimar Ruoth Nyasaye moseng’adone bura nigi teko maduong’!”