Isaya 9:13 - MUMA MALER 2015

¹³ To ji ok noduog ir jal ma nobed ka kumogi. Ooyo, ok ginidwar mondo Ruoth Nyasaye Manyalo Gik Moko Duto otelnigi.

Motingʼo Loko Manyien

¹³ Kata obedo ni osekumogi kamano to ji pok odwogo ire bende pok gimanyo wangʼ Jehova Nyasaye Maratego.

Isaya 9:13 ပူးပေါင်းရင်းမြစ်များ

2 Weche mag Ndalo 28:22

To Ahaz achielni nomedo ketho ni Ruoth Nyasaye e ndalo mar chandruokne,

Ayub 36:13

Joma ok dew Nyasaye bedo gi mirima kinde duto, kendo ka okumgi, to ok giywagre mondo okonygi,

Isaya 1:5

Ka pod usiko upiem apiema koda kamano, to ere dendu kama pod anyalo goyo, ka adhonde opong’o wiu, kendo ringreu duto odholore kama?

Isaya 19:15

Jo-Misri ok nodhi nyime maber e gimoro amora ma gitimo, bed ni jatelo ema time, kata ng’ama chal nade ema time.

Isaya 26:11

A Ruoth Nyasaye iselocho, to joricho ok ne mano. We gineye hera matut miherogo jogi, mondo wigi okuodi, kendo mach ma iseiko ni wasiki otiekgi!

Isaya 31:1

Mano kaka utimo gima ofuwo, un joma dhi Misri mondo uyud konyruok! Uketo genou kuom farese, kendo kuom geche mag lweny mang’eny ka kuoyo, kod joidh farese gana gi gana, to ok udew Ruoth Nyasaye ma Ng’ama Ler mar Israel, kata kwaye mondo otelnu.

Isaya 57:17

Kuom kinde moko, ne akecho ka aneno ketho jo-Israel. Ne agoyogi ka mirima oloya, mi apandonigi wang’a, to ne giringo ka joneko, mi gidhi kuma gin ema gihero.

Isaya 7:20

E ndalogo Ruoth Nyasaye nokel ruodh Asuria mondo oyaku mi weu nono, mana ka gima wembe ema olielo dendu duto koda ka tiku bende.

Jeremia 15:7

Ne akeyou e mier duto, mana ka mihudhi ma yamo keyo. Un joga ne atiekou, mi anego nyithindu, nikech ne udagi weyo timbeu maricho.

Jeremia 29:11

An awuon ema ang’eyo gima achanonu. En gima ber to ok gima rach, kendo abiro kelonu gik mabeyo duto mugeno. An Ruoth Nyasaye ema awacho kamano.

Jeremia 5:3

Donge adiera ema Ruoth Nyasaye dwaro? Ne ogoyou piny, to ne ok udewo. Ne osandou malit, to ne utamoru winjo puonjne. Wiu tek ka lwanda, kendo udagi duogo ire,

Ezekiel 22:24

mowachona niya, “Wuod dhano, nyis jo-Israel ni pinygi en piny ma otimo richo, omiyo abiro kume gi mirimba mager.

Ezekiel 24:13

In Jerusalem bende, timbeni mag chode osemiyo ibet modwanyore. Kata obedo ni ne atemo pwodhi kamano, to pod ne isiko asika ka idwanyori. Kuom mano, ok nichak ibed maler kendo, nyaka chop ka akumi gi mirimba duto mager.

Daniel 9:13

Ne wayudo kum duto mondiki e kitap chik Musa. To Ruoth Nyasachwa, kata sani pok watimo gimoro, ma dimi mirimbi kue, kata pok waweyo richowa, kwaluwo wachni maradier.

Hosea 5:15

“Abiro dhi mi adog kar dakna nyaka chop kinde ma giyie ni giseketho, mi giduog ira ka gidwara gi chunygi duto, nikech thagruok malit ma giseyudo.”

Hosea 7:10

Sunga ma jo-Israel nigo nyiso ni gin joricho, to kata kamano, pod gitamore duogo ira, an Ruoth Nyasachgi.

Hosea 7:16

Gisiko ka giweya, kendo gidok ni nyiseche maonge teko. Ok nyal gen-gi, nikech gichalo gi atung’ mobam. Ibiro nego jotendgi e lweny nikech gisungore, mi jo-Misri nonyiergi.”

Amos 4:10

“Ne akelonu yamo marach mar tho machal gi mano mane akelo ni jo-Misri. Bende namiyo yawuotu mang’eny otho e lweny, kendo amayou fareseu. Ne amiyo mifuond jomotho e kambeu othing’ou. To kata kamano ne ok uduogo ira.

Amos 4:6

Ruoth Nyasaye owacho niya, “An ema nakelo kech e miechu duto, mi ubedo ma onge gi chiemo. To kata kamano ne ok uduogo ira.

Zefania 1:6

kaachiel gi joma oselokona ng’egi, kendo ok manya kata kwaya mondo akony.”

Rapar mar Chik 4:29

To kudwaro Ruoth Nyasaye ma Nyasachu gi chunyu duto gi adiera kuonde moterouego, to unuyude.