Isaya 9:12 - MUMA MALER 2015

¹² Jo-Aram biro kedo kodgi gi yo wuok chieng’, to jo-Filistia biro monjogi gi yo podho chieng’, kendo gibiro mwonyo jo-Israel mana dichiel. To kata kamano, mirimb Ruoth Nyasaye ok norum, kendo pod nosik kokumogi akuma.

Motingʼo Loko Manyien

¹² Jo-Aram mane oa yo wuok chiengʼ kod jo-Filistia mane oa yo podho chiengʼ; osetieko jo-Israel pep. Kata ka magi duto osetimore, to mirimbe pod ok orumo kuomgi kendo pod odhi nyime mana gikumogi.

Isaya 9:12 ပူးပေါင်းရင်းမြစ်များ

2 Ruodhi 16:6

(Kindego bende ema ruodh Edom noriemboe jo-Juda Elath, modwoko ni jo-Edom, mi jo-Edom nodhi Elath, kuma gidakie nyaka chil kawuono.)

2 Weche mag Ndalo 28:18

Jo-Filistia bende nosemonjo miech Juda manie piny pap kod manie thim. Ne gikawo Beth-shemesh gi Aijalon gi Gederoth kod Soko gi Timna gi Gimzo kod mier mokiewo kodgi, mi gidakie.

Zaburi 79:7

Gisenegowa wan nyikwa Jakobo kendo giseketho pinywa.

Isaya 10:4

mondo kik gikirni e nyim jotuech, kata kik gipodhi e lwet janek? To kata kamano mirimb Ruoth Nyasaye ok norum, kendo pod nosik kokumou akuma.

Isaya 11:14

Ginimonj jo-Filistia yo podho chieng’, kendo giniriwre kaachiel, mi giyak jo yo wuok chieng, kamano ginikaw piny Edom gi piny Moab, kendo jo-Amon bende nobed e bwogi.

Isaya 31:1

Mano kaka utimo gima ofuwo, un joma dhi Misri mondo uyud konyruok! Uketo genou kuom farese, kendo kuom geche mag lweny mang’eny ka kuoyo, kod joidh farese gana gi gana, to ok udew Ruoth Nyasaye ma Ng’ama Ler mar Israel, kata kwaye mondo otelnu.

Isaya 5:25

Kuom mano Ruoth Nyasaye okecho gi joge, kendo oserieyo bade kuomgi mogoyogi, mi gode otetni, kendo ringre jogo obimbore e wang’yore ka yugi. To kata kamano mirimbe pok okue, kendo pod okumogi akuma.

Isaya 9:17

Mano, emomiyo Ruoth Nyasaye ok nokech yawuotgi, bende ok nobed mamuol gi nyithi kiye kata gi mond liete, nikech giduto gin joricho, kendo gikia Nyasaye, bende ng’ato ka ng’ato kuomgi wacho mana weche mofuwo. Kata kamano, mirimb Ruoth Nyasaye ok norum, kendo pod nosik kokumogi akuma.

Isaya 9:21

To kata kamano mirimb Ruoth Nyasaye ok norum kendo pod nosik kokumogi akuma.

Jeremia 10:25

Ol mirimbi kuom ogendini ma ok oyie kuomi. Ee, kech kod jogo ma ok lami! Gisenegowa, wan nyikwa Jakobo, mi gitiekowa duto, kendo giketho pinywa.”

Jeremia 15:7

Ne akeyou e mier duto, mana ka mihudhi ma yamo keyo. Un joga ne atiekou, mi anego nyithindu, nikech ne udagi weyo timbeu maricho.

Jeremia 35:11

To kane Nebukadnezar ruodh Babulon omonjo pinywani, ne waneno ni ber mondo wabi Jerusalem, dipo ka jolweny mag Babulon gi mag Aram omakowa. Mano emomiyo wadak Jerusalem.”

Jeremia 4:8

Kuom mano, rwakreuru gi piende gugru, kendo uywagi ka ugoyo nduru, nikech mirima mager ma Ruoth Nyasaye nigo gi jo-Juda pok orumo.”

Ezekiel 16:27

“Koro aserieyo bada mondo akumi, kendo amayi gueth mane aguedhigo. Asechiwi e lwet jo-Filistia ma mon kodi, kendo mojok gi timbeni mag dwanyruok.

Ezekiel 6:14

Adier, anarie bada kuomgi mi aketh pinygi ka aloke thim, chakre piny motwo ma yo milambo, nyaka dala mar Ribla man yo nyandwat, ma ok aweyo kamoro ma jo-Israel odakie mak aketho. Bang’e ji duto nong’e ni kara an e Ruoth Nyasaye.”

Hosea 7:10

Sunga ma jo-Israel nigo nyiso ni gin joricho, to kata kamano, pod gitamore duogo ira, an Ruoth Nyasachgi.

Amos 4:10

“Ne akelonu yamo marach mar tho machal gi mano mane akelo ni jo-Misri. Bende namiyo yawuotu mang’eny otho e lweny, kendo amayou fareseu. Ne amiyo mifuond jomotho e kambeu othing’ou. To kata kamano ne ok uduogo ira.

Amos 4:11

“Ne atieko jomoko kuomu kaka ne atieko Sodom gi Gomora, kendo ne uchalo gi luth moyudh e mach. Kata kamano ne ok uduogo ira.

Amos 4:6

Ruoth Nyasaye owacho niya, “An ema nakelo kech e miechu duto, mi ubedo ma onge gi chiemo. To kata kamano ne ok uduogo ira.

Amos 4:8

Ji ne a e mier moko, kendo wuotho kool kadhi e dala moro dwaro pi, to ne ok giyud moromogi. To kata kamano, ne ok uduogo ira.

Amos 4:9

“Naoro dera morocho chambu ewi dongo. Bonyo nochamo chambu gi yiendu mag mzabibu gi ng’owo kod zeituni. Kata kamano ne ok uduogo ira.

Zefania 1:6

kaachiel gi joma oselokona ng’egi, kendo ok manya kata kwaya mondo akony.”

Zefania 3:2

Ne ok onyal yie kwer mane ikwerego, kendo ne odagi winjo puonj. Bende ne ok oyie kuom Ruoth Nyasaye, kata mana sudo machiegni kode ne ok osudo.

Rapar mar Chik 31:17

Kuom mano, mirimba mager noliel kuomgi ka mach mi notiekgi. Anawegi, kendo ok nakwan-gi ka joga, mi ginithagre malit, kendo ginine masiche madongo. Eka bang’e giniwach niya, ‘Thagruokgi osebironwa mana nikech Nyasachwa koro ok ni kodwa.’