Isaya 9:1 - MUMA MALER 2015

¹ To ndalo biro ma piny ma yande neno chandruok nobed gi mor. Chon Nyasaye nomiyo piny Zebulun gi piny Naftali obedo pinje michayo, to e ndalo mabiro nomi pinjego duong’. Tiende ni Galili piny ogendini man yo podho chieng’ man aora Jordan, e yo madhi nam Mediterenian.

Motingʼo Loko Manyien

¹ Kata kamano, joma ne nigi chandruok ok nochak obed gikuyo kendo. E ndalo mosekadho Nyasaye nomiyo piny Zebulun gi piny Naftali odoko pinje michayo, to e ndalo mabiro Jehova Nyasaye notingʼ malo Galili mar ogendini man yo nam modak e tiend aora Jordan:

Isaya 9:1 ပူးပေါင်းရင်းမြစ်များ

2 Ruodhi 15:29

E ndalo mag loch Peka ruodh Israel, Tiglath-pileser ruodh Asuria nobiro, mokawo Ijon gi Abel-bethmaaka gi Janoa gi Kedesh gi Hazor gi Gilead kod Galili. Kamano nokawo piny Naftali duto, motero jopinyno nyaka Asuria e tuech.

1 Weche mag Ndalo 5:26

Omiyo Nyasach Israel nomiyo Pul, ma bende iluongo ni Tiglath-peleser ruodh Asuria mondo omonj jo-Reuben gi jo-Gad kod jo-Manasego. Nodarogi moterogi nyaka Hala gi Habor gi Hasa kod Aora Gozan, kuma gidakie nyaka chil kawuono.

2 Weche mag Ndalo 16:4

Benhadad noyie kwayo mar ruoth Asa, mi nooro jotend jolweny mondo omonj miech jo-Israel. Noketho Ijon gi Dan gi Abelmaim kod miech keno duto mag Naftali.

Isaya 8:22

Kata ka giting’o wang’gi malo, kata ka girango piny, to chandruok gi mudho kod chuny malit ema ginine kuonde duto, kendo noriembgi, mi witgi e mudho mandiwa.

Tim jo-Lawi 26:24

an bende napiem kodu, kendo namiu kum nyadibiriyo nikech richou.

Tim jo-Lawi 26:28

to an bende nasik kapiem kodu gi mirimba mager, mi nakumu nyadibiriyo nikech richou.

Luka 24:27

Bang’ mano, Yesu nonyisogi weche mane jonabi duto ondiko.