Isaya 8:8 - MUMA MALER 2015

⁸ Yaye, Emanuel! Obiro mwomo piny Juda mi ochop koni gi koni mana kaka ohula mwomo genge mi im piny duto gi pi matut.”

Motingʼo Loko Manyien

⁸ kendo obiro muomo piny Juda mi ochop koni gi koni kokadho e diere, kendo kopongʼ thich nyaka oulano nokwak pinyu duto, yaye Imanuel!”

Isaya 8:8 ပူးပေါင်းရင်းမြစ်များ

2 Ruodhi 17:3

Shalmaneser ruodh Asuria nokedo gi Hoshea, mi oloyo. Koro Hoshea nobet e bwo lochne, kendo golone osuru.

2 Weche mag Ndalo 12:4

Nokawo miech Juda mochiel gi ohinga nyaka nochopo Jerusalem.

Isaya 10:6

En ema aore mondo odhi oked gi oganda moweyo Nyasaye Adier, achike mondo omonj joma miya mirimago. Mi oketh mwandu, kendo oyakgi kaka en ema odwaro, konyonogi piny, mana ka chuodho minyono e wang’ yore.

Isaya 30:28

Muche bende chalo gi aora mopong’ ma mwomo genge, kendo imo ng’ato nyaka ng’ute. Obiro piedho ogendini gi rapiedhi mar tho, mi omi giba yo ma gidwaro luwo, mana ka faras michiko gi chuma ma otue e dhoge.

Isaya 43:2

Ka ukadho e pige matut, to an kodu. Adier, ka ng’ado aore, to ok giniteru, bende kata ka uwuotho e mach mang’ang’ni to ok unuwang’,

Isaya 7:14

Koro Ruoth Nyasaye owuon biro miyou ranyisi ma chalo kama: Nyako moro osemako ich, kendo obiro nywolo wuowi, ma obiro chako ni Emanuel, (ma tiende ni, Nyasaye ni kodwa.)

Isaya 7:17

To in Ahaz, Ruoth Nyasaye biro keloni kaachiel gi jogi kod joodi masira ma pok oneye nyaka ne jo-Israel pogre kuom jo-Juda. Ruodh Asuria ema nokel masirano.

Isaya 8:10

Kata dabed ni uchano gik ma udwaro timo, to gik ma uchanogo nokethre. Adier, kata dabed ni ugolo chik mondo otimgi, to ok ginitimre, nikech Nyasaye ni kodwa.

Jeremia 47:2

“Neye kaka pi gingore koa yo nyandwat! Obiro bubni ka aora ma mwomo genge, kendo obiro imo piny duto kod gimoro amora mantie, kaka mier kod joma odakie. Ji biro goyo nduru mondo okonygi, kendo ng’ato ka ng’ato manie piny noywag malit.

Jeremia 48:40

“An Ruoth Nyasaye asesingora ni oganda moro biro podho kuom jo-Moab mana kaka achuth podho kuom gima otho, koyaro buombene.

Jeremia 51:42

Nam oseime, mi oume gi apaka mawuo.

Ezekiel 17:3

mondo ging’e gima an Ruoth Nyasaye adwaro wachonigi: “Ne nitie ongo moro maduong’ ahinya mane nigi buombe madongodongo. Dende duto ne yier mabeyo opong’o. Chieng’ moro ne ohuyo modhi e piny Lebanon, mi ojako wi yadh sida.

Ezekiel 26:19

Ruoth Nyasaye wacho kama: “In Turo, abiro loki gunda, mana ka mier mokethore maonge ng’ama odakie, kendo abiro imi gi pi nam matut.

Daniel 11:10

“Bang’e yawuote noikre ni lweny, mi chok jolweny mang’eny. Achiel kuomgi nomwom ka ohula, mi monj kendo kwak kama lach nyaka chopi dala wasigu mochiel motegno.

Mika 1:9

nimar adhonde Samaria ok nyal chango. Kata mana Juda bende osebedo gi adhondego, nikech masira osechopo e dhoranga Jerusalem hie koma jowa odakie.”

Mika 5:5

mi enobed ng’at makelo kue. Ka jo-Asuria omonjo pinywa, mi omwomo miechwa mochiel motegno, to wanaor jotendwa marateke moloyo, mondo oked kodgi,

Mathayo 1:23

“Nyako nomak ich, mi nonywol wuowi, kendo nochake ni Emanuel, tiende ni, Nyasaye ni kodwa.”