Isaya 8:7 - MUMA MALER 2015

⁷ kendo gitetni e nyim Resin kod wuod Remalia, emomiyo abiro kelo kuomgi ruodh Asuria gi joge mag lweny, mabiro pong’o pinygi chuth, mana kaka aora Yufrate maduong’ kendo matut pong’o wang’e kendo mwomo genge, mi o oko.

Motingʼo Loko Manyien

⁷ Omiyo Ruoth Nyasaye biro kelo kuomgi oula mopongʼ mag Aora, ma en ruodh Asuria gi joge mag lweny. Pi Aora nopongʼ wengene ma nomuom gengene,

Isaya 8:7 ပူးပေါင်းရင်းမြစ်များ

Chakruok 6:17

“Abiro kelo pi e piny mondo oneg gik mangima duto. Gimoro amora manie piny biro tho,

2 Ruodhi 19:32

Kuom mano, Ruoth Nyasaye owuoyo kuom ruodh Asuria kama: “Ok nodonj e dala Jerusalem, kendo ok nobaye gi asere, kata monjogo koting’o kuot ok nomonje. Bende ok noging pith mondo oidhgo ohingane.

Ezra 4:10

kod ji mamoko mane Asnapar ruoth moluor kendo mogen odaro momiyo kar dak e dala mar Samaria, kendo e piny man loka aora Yufrate.”

Zaburi 46:4

Nitie aora makelo mor e dala mar Nyasaye, ma Ng’ama Duong’ Moloyo oseloko kar dakne.

Zaburi 72:8

Pinye nochakre e bath nam man yo wuok chieng’, nyaka bath nam man yo podho chieng’, kendo nochakre aora Yufrate nyaka tung’ piny.

Isaya 10:16

Kuom mano, Ruoth Nyasaye Manyalo Gik Moko Duto biro kelo tuo kuom jolwej Asuria marateke, chakre e wigi nyaka lith tiendgi, kendo tuo noliel ka mach ei ringregi.

Isaya 10:5

Ruodh Asuria e luth ma agoyogo ji ka akecho. Ee, en e luth ma akumogo ji ka mirima omaka.

Isaya 11:15

Ruoth Nyasaye nomi Nam Makwar duon, eka norie lwete e aora Yufrate, mi okel yamo maliet ma opoggo aorano dibiriyo, mondo ji ong’ade ka otwo.

Isaya 28:15

Uwacho niya, “Wasetimo winjruok gi tho. Adier, wasetimo singruok gi Piny Joma Otho. Omiyo ka ohula miwachono biro, to ok obi ywoyowa, nikech waseloso miriambo ka kar konyruokwa, kendo wuondruok e okumba ma wageng’orego.”

Isaya 28:17

Anami adiera bed rapim, kendo anami tim makare bed tol mipimogo ot, kigero. To kodh pe biro ywero miriambo ma ugeng’orugo. Kendo pi ohula biro mwomo kar konyruoku,

Isaya 28:2

Winjuru! Ruoth Nyasaye biro kelo ng’at maratego moseyiero mondo oketh pinyu. Obiro biro mana ka yamb koth makelo pe, maketho piny, kata mana ka pi ohula mabubni kaywoyo gik moko.

Isaya 43:2

Ka ukadho e pige matut, to an kodu. Adier, ka ng’ado aore, to ok giniteru, bende kata ka uwuotho e mach mang’ang’ni to ok unuwang’,

Isaya 59:19

Kamano ji man yo podho chieng’ gi joma ni yo wuok chieng’ noluor nying Ruoth Nyasaye, kod duong’ne maler, nimar enobi ka aora ma mwomore, ma much Ruoth Nyasaye ema tero.

Isaya 7:17

To in Ahaz, Ruoth Nyasaye biro keloni kaachiel gi jogi kod joodi masira ma pok oneye nyaka ne jo-Israel pogre kuom jo-Juda. Ruodh Asuria ema nokel masirano.

Isaya 7:20

E ndalogo Ruoth Nyasaye nokel ruodh Asuria mondo oyaku mi weu nono, mana ka gima wembe ema olielo dendu duto koda ka tiku bende.

Jeremia 47:2

“Neye kaka pi gingore koa yo nyandwat! Obiro bubni ka aora ma mwomo genge, kendo obiro imo piny duto kod gimoro amora mantie, kaka mier kod joma odakie. Ji biro goyo nduru mondo okonygi, kendo ng’ato ka ng’ato manie piny noywag malit.

Jeremia 51:42

Nam oseime, mi oume gi apaka mawuo.

Ezekiel 26:19

Ruoth Nyasaye wacho kama: “In Turo, abiro loki gunda, mana ka mier mokethore maonge ng’ama odakie, kendo abiro imi gi pi nam matut.

Daniel 11:10

“Bang’e yawuote noikre ni lweny, mi chok jolweny mang’eny. Achiel kuomgi nomwom ka ohula, mi monj kendo kwak kama lach nyaka chopi dala wasigu mochiel motegno.

Daniel 11:22

Ogend lweny duto nopiem kode, to enoywegi oko motiekgi pep, koda ka jadolo maduong’ mar Nyasaye.

Daniel 9:26

to e gikone, ng’at ma Nyasaye oseyiero noneg kayiem. Oganda lweny mar jatelo moro nobi, mi keth Jerusalem gi Hekalu. To giko nobi ma mwomore ka ohula, kendo lweny gi masira nobedie mana kaka Nyasaye nochiko.

Amos 8:8

Kuom mano piny biro yiengni, kendo ji duto modakie noywagi! Piny duto biro tetni, bende obiro ting’ore mi opie, mana ka aora Nael manie piny Misri.

Amos 9:5

Ruoth Nyasaye Manyalo Gik Moko Duto mulo piny, mi piny leny, kendo ji duto modakie ywak. Piny duto ting’ore malo, kendo pie, mana ka aora Nael.

Mika 1:9

nimar adhonde Samaria ok nyal chango. Kata mana Juda bende osebedo gi adhondego, nikech masira osechopo e dhoranga Jerusalem hie koma jowa odakie.”

Mika 5:4

To wuowino nobi, mi nobed jatend joge, koritogi gi teko kod duong’ moa kuom Ruoth Nyasaye. Joge nodag maber, nikech ji duto manie piny noyie lochne,

Mika 5:5

mi enobed ng’at makelo kue. Ka jo-Asuria omonjo pinywa, mi omwomo miechwa mochiel motegno, to wanaor jotendwa marateke moloyo, mondo oked kodgi,

Nahum 1:8

kendo oresogi e ohula ma raywoyi. Joma opiem kode to otieko chuth, kendo oriembogi koterogi e mudho.

Luka 6:48

Ochalo gi ng’at ma, kane gero ot, to okunyo bur matut, nyaka ewi lwanda, eka oketo mise. Bang’e ohula nobiro, momwomore kuom odno, to ne ok nyal muke, nikech nogere motegno.

Fweny 17:15

Eka malaikano nowachona niya, “Pige mane ineno kama dhako ma jachodeno obetie, gin mana ji gi ogendini gi dhoudi kod joma wacho dhok mopogore opogore.