Isaya 8:22 - MUMA MALER 2015

²² Kata ka giting’o wang’gi malo, kata ka girango piny, to chandruok gi mudho kod chuny malit ema ginine kuonde duto, kendo noriembgi, mi witgi e mudho mandiwa.

Motingʼo Loko Manyien

²² Eka ginikulre ka gingʼiyo piny, to chandruok gi mudho kod chuny malit ema ginine kendo noriembgi mawitgi e mudho mandiwa.

Isaya 8:22 ပူးပေါင်းရင်းမြစ်များ

Ayub 18:18

Ibiro riembe e piny ma ji odakieni, mi oa e ler, odhi e mudho.

Wuok 10:21

Bang’ mano Ruoth Nyasaye nowacho ni Musa niya, “Rie badi kochomo polo mondo mudho mandiwa, ma ji muloe mana gi lwetgi, oim piny Misri.”

Wuok 10:22

Musa norieyo bade kochomo polo, mi mudho mandiwa noimo piny Misri duto kuom ndalo adek.

Ngeche 14:32

Timbe mamono mag joricho ema miyo orumo. Ng’at makare to yudo resruok kuom timne malong’o.

Isaya 30:6

Wach mane Nyasaye onyiso e fweny kuom ondiegi manie piny milambo ema: “Jooteugo kadho e piny ma masira gi parruok malit opong’o, kama sibuoche mamon nitie, kendo sibuoche machwo rutoe, bende kama thuonde mager mahuyo odakie. Kenje gi ngamia oting’o mwandugi, ka gitero ni oganda ma ok nyal konyou.

Isaya 5:30

Ginikog kuom jo-Israel chieng’no, mana ka nam matwaro, kendo ka ng’ato orango piny to mudho gi chandruok ema none, bende wang’chieng’ noimre e boche polo.

Isaya 50:11

Winjuru, un duto joma kudho mach, kendo moko meny, mi liel. Wuothuru awuotha e ligek mach musekudho kendo e meny ma usemokono! Gima ubiro yudo e lweta e ma; Ubiro rieru piny gi rem malit kutho.

Isaya 50:3

Aloko polo doko marateng’ ti, mana ka gima aume gi pien.”

Isaya 59:9

Mano ema omiyo adiera bor kodwa, kendo tim makare ok chop kuomwa. Wagombo mondo wane ler, to mudho lilo ema waneno. Adier, wadwaro mondo piny oru, to mudho mandiwa ema wawuothoe.

Isaya 60:2

Kata obedo ni mudho biro umo piny, mi ogendini bed e mudho mandiwa, to Ruoth Nyasaye norieny kuomi, mi duong’ne maler nonenre kuomi.

Isaya 8:20

Adier, ji nyalo wachonu weche makamago, to kata kamano gima giwacho onge tich.

Isaya 9:1

To ndalo biro ma piny ma yande neno chandruok nobed gi mor. Chon Nyasaye nomiyo piny Zebulun gi piny Naftali obedo pinje michayo, to e ndalo mabiro nomi pinjego duong’. Tiende ni Galili piny ogendini man yo podho chieng’ man aora Jordan, e yo madhi nam Mediterenian.

Isaya 9:20

Ng’at achiel biro mecho konchiel, to pod nodeny adenya, kendo ng’at machielo biro mwonyo gik moko komachielo, to ok noyieng’ ngang’. Moro ka moro biro chamo ringre nyithinde, bende onge ma nowe owadgi mak ochamo.

Jeremia 13:16

Miuru Ruoth Nyasaye ma Nyasachu duong’, ka pok okelo mudho, mi uchwanyoru e gode gotieno, kendo kapok oloko ler mugenono mudho mandiwa.

Jeremia 23:12

Yore ma giluwo biro bedo mapothpoth kendo motimo mudho. Abiro miyo gichwanyre kendo gipodhi, nikech abiro kelo masira kuomgi chieng’ makumogie. An Ruoth Nyasaye ema awacho kamano.

Mathayo 22:13

Eka ruoth nowacho ni jotichne niya, ‘Tueuru luetene gi tiendene, mondo uwite oko e mudho mandiwa, kuma ywagruok kod muodo lak nitie.’ ”

Mathayo 24:29

“To gikanyono, ma masiche mag ndalogo orumoe, ‘Wang’chieng’ noimre, kendo due ok norieny. Sulue bende nopudhre, mi lwar koa e polo, nikech teko momakogi noyiengni.’

Mathayo 8:12

To joma ne onego bed kuno nowit oko e mudho mandiwa, kama ywagruok gi muodo lak nitie.”

Juda 1:13

Bende ka gitimo timbegi mag wichkuot, to gichalo apaka mager mag nam mathuogo buoyo, kendo gichalo sulue moweyo yorgi, ma mudho mandiwa ema okannigi nyaka chieng’.

Fweny 16:10

Eka malaika mar abich noolo tape e kom duong’ mar Ondiek malichno, mi piny Ondiek notimo mudho! Ji nokayo lewgi nikech rem malit mane gin-go,