Isaya 8:19 - MUMA MALER 2015

¹⁹ Kamoro dipo ka ji biro wachonu ni mondo udhi upenj wach kuom ajuok nyakalondo kod ajuoke mamoko majajni kendo madhum. To bende ber ka joma ngima penjo joma otho wach adier? Nyasachgi donge ema onego gipenj wach? Ee, ber mondo giwinj mana chik Nyasaye gi wachne!

Motingʼo Loko Manyien

¹⁹ Ka ji wachonu ni manyuru rieko kuom ajuoke gi jo-nyakalondo madhum kendo jajni, to donge dhano onego penj wach kuom Nyasaye? Angʼo momiyo upenjo joma otho wach mar joma ngima?

Isaya 8:19 ပူးပေါင်းရင်းမြစ်များ

Chakruok 41:24

Mi wi ngano modherogo nomwonyo wi ngano abiriyo mochiek machwe kande. Asenyiso ajuoke lekgo duto, to onge ng’ama nyalo lokona tiendgi.”

2 Ruodhi 1:3

To malaika mar Ruoth Nyasaye nowacho ni Elija ja-Tishbe niya, “Dhi irom gi joote mag ruodh Samaria, kendo ipenjgi nia, ‘Nyasaye onge e Israel ka koso, momiyo udhi mana ir Baalzebub mondo upenje wach?

2 Ruodhi 21:6

Nowang’o wuode bende, kotimogo misango. Noyie gi jokor wach gi jo nyakalondo kod ajuoke. Timbene maricho ne ng’eny e nyim Ruoth Nyasaye, omiyo mirima nomako Ruoth Nyasaye.

2 Ruodhi 23:24

Bende Josia nogolo jonyakalondo, gi ajuoke, gi kido mag nyiseche manono miluongo ni Terafim, gi nyiseche mamoko molos gi lwet dhano, kaachiel gitimbe makuero duto mane onwang’ e piny Juda, kendo e Jerusalem. Kamano noluwo weche mag chik mane ondik e kitabu mane Hilkia jadolo oyudo e Od Ruoth Nyasaye.

1 Weche mag Ndalo 10:13

Kamano Saulo notho nikech noweyo Ruoth Nyasaye. Ne ok orito chik Ruoth Nyasaye, kendo kar penjo Ruoth Nyasaye wach, to nodhi mana ir jonyakalondo mondo onyise wach.

2 Weche mag Ndalo 33:6

Nowang’o yawuote bende ka liswa e holo mar wuod Hinom. Noyie gi jokor wach gi jonyakalondo kod ajuoke. Timbene maricho ne ng’eny e nyim Ruoth Nyasaye, omiyo Ruoth Nyasaye nokecho kode.

Zaburi 106:28

Bang’e jo-Nyasaye ne oriwore e lamo Baal ka gin Peor, kendo ne gichamo misengni motim ni nyiseche maonge ngima.

Isaya 19:3

Chuny jo-Misri nonyosre, kendo anaketh rieko ma ging’ado, mi ginipenj nyiseche manono mondo onyisgi wach, bende ginidhi ir ajuoke mopogore opogore.

Isaya 26:14

Joma otho ok nochak obed mangima. Adier, joma osenindo e liel ok nochak ochier. Mano emomiyo isekumo ruodhigo mi itieko, kendo imiyo wich owil kodgi.

Isaya 29:4

Nadwoki piny, mi iwuo mana gie lowo, kendo wecheni nowuog mana e buru. Duondi nochal gi dwond ng’at ma jajuogi, ma dwonde pilore ka wuok piny.

Isaya 30:2

Urikni kudhi Misri mondo uyud resruok kuom Farao, kendo ugeng’oru e tipo mar Misri, to ok upenja.

Isaya 45:11

An Ruoth Nyasaye ma Ng’ama Ler kendo ma Jachuech Israel awacho kama: “Bende duhedhru penja gimoro kuom nyithinda, kata nyisa gima onego atim?

Isaya 47:12

Dhi adhiya nyime gi yiendi gogogo, misebedo kitiyogo nyaka ne ia e nyathi, mondo waneye ane ka digikonyi, kata di gibwog ji.

Isaya 47:13

Isechandori gi jogi mang’adoni rieko kuom ndalo mang’eny, to koro we jokor wach ma rango polo gi sulue, kendo manyisi gik mabiro timore due ka duego, otim ane chir mondo oresi, ka ginyalo!

Jeremia 10:10

To Ruoth Nyasaye e Nyasaye maradier. En e Nyasaye mangima, kendo ruoth mochwere. Ka okecho to piny yiengni, kendo ogendini ok nyal siro mirimbe.

Jeremia 27:9

Kik uchik itu kuom jonabi kata kuom ng’ato ang’ata mawacho ni nyalo koro gik ma biro timore e yor lek kata e yor luongo chuny joma osetho, kata e yor mbofwa. Jogo duto koronu wach ni ok unubed e bwo loch ruodh Babulon,

Tim jo-Lawi 19:31

“Kik udhi ir jonyakalondo kata kuom ajuoke ma moko, nikech kutimo kamano to udoko mogak. An e Ruoth Nyasaye ma Nyasachu.

Tim jo-Lawi 20:6

“Ka ng’ato oweya, modwanyore gi jonyakalondo kod ajuoke ma moko kaka dhako weyo chwore kendo dwanyore gi chwo mamoko, to nabed jasik ng’atno, kendo nang’ad kare oko kuom ogandagi.

Mika 5:12

Abiro ketho timbe ajuoke duto, kendo ok nuchak ubed gi jokor wach kata achiel.

Tich Joote 16:16

Chieng’ moro kane oyudo wadhi kar lemo, ne waromo gi nyako moro ma misumba, mane nigi jachien mamiyo okoro wach. Ne okeloni ruodhi mage ohala mang’eny kuom hulo ni ji gik mabiro timorenigi.

Rapar mar Chik 18:10

Kik uyie ni ng’ato kuomu wang’ wuode kata nyare ka gir misango. Bende kik bedie jakor kata jambofwa kata jadil kata jandagla

Rapar mar Chik 18:11

kata ajuok nyakalondo kata japenj jochiende wach.

1 Jo-Thesalonika 1:9

nikech jogo duto wacho giwegi kaka ne urwakowa kane walimou, kendo kaka ne ulokoru uweyo nyiseche manono mondo uti ni Nyasaye maradier kendo mangima.

2 Petro 2:1

To jonabi mag miriambo bende nowuok kuom oganda Nyasaye e ndalo mokadho. Kamano bende e kaka jopuonj mag miriambo biro wuok kuomu. Ginikel ling’ling’ puonj mag miriambo maketho ji, kendo ginikwed kata mana Ruoth mane owarogi, mi gimi tiekgi piyopiyo nono.

1 Samuel 28:11

Eka dhakono nopenje niya, “Agolni ng’a?” Mi nodwoke ni, “Golna Samuel.”

1 Samuel 28:16

Samuel nowachone niya, “Marang’o ipenja, kobedo ni Ruoth Nyasaye oseweyi, modoko jasiki?

1 Samuel 28:7

Bang’e Saulo nowacho ni jotichne niya, “Dwarnauru dhako ma ja nyakalondo, mondo adhi ire, apenj wach.” Jotichne nodwoke ni, “Nitie dhako moro ma janyakalondo modak Endor.”

1 Samuel 28:8

Saulo no wako lewni mopogore gi mane ojarwako, mondo orweny ji. Eka nokawo ji ariyo, modhigo ir dhakono gotieno. Nowacho ni dhakono niya, “Korna wach gi nyakalondo, kendo igolna ng’at mabiro wachoni, kuom joma otho.”