Isaya 8:18 - MUMA MALER 2015

¹⁸ An kaachiel gi nyithindo ma Ruoth Nyasaye osemiya, wan ranyisi ma Ruoth Nyasaye Manyalo Gik Moko Duto modak e got Sayun oseoro, manyisogi gik mabiro timore.

Motingʼo Loko Manyien

¹⁸ Eri an kaachiel gi nyithindo ma Jehova Nyasaye osemiya. Wan e ranyisi kod honni e piny Israel koa kuom Jehova Nyasaye Maratego modak e got mar Sayun.

Isaya 8:18 ပူးပေါင်းရင်းမြစ်များ

Chakruok 33:5

Kane Esau oting’o wang’e, moneno mond Jakobo gi nyithindgi nopenjo niya, “Magi ng’a gini man kodigi?” Jakobo nodwoke ni, “Jaduong’, gin nyithindo ma Nyasaye osemiya kuom ng’wonone.”

1 Weche mag Ndalo 23:25

Ruoth Nyasaye, nikech Daudi nosewacho niya, “Ruoth Nyasaye ma Nyasach Israel osemiyo joge kue, kendo koro Jerusalem e kar dakne nyaka chieng’.

Zaburi 22:30

Tienge mabiro noti ni Ruoth Nyasaye, kendo nonyis ogendini mabiro wachne.

Zaburi 71:7

Ngimana osebedo ka odhiero ji mang’eny, to in e jaritna maratego.

Zaburi 9:11

Pakuru Ruoth Nyasaye marito piny kodak Sayun. Nyisuru ogendini duto gik madongo ma osetimo.

Zaburi 9:12

Nyasaye paro jogo ma ithiro, bende wiye ok wil gi ywakgi. En e jachul kuor, kendo okumo joma timonigi marach.

Isaya 12:6

Un joma odak Sayun, koguru gi mor, nimar Ng’ama Ler mar Israel odak e dieru gi duong’ne duto.”

Isaya 14:32

Koro ere dwoko ma onego mi joote mag ogandano? Dwokgiuru niya, “Ruoth Nyasaye osemiyo Sayun ogurore motegno, kendo kanyo ema joge ma jochan biro tonyie.”

Isaya 20:3

Bang’e Ruoth Nyasaye nowacho niya, “Kaka Isaya osewuotho duk, kendo gi tiende nono, kuom higni adek, kobedo ranyisi misieomogo Misri kod Ethiopia,

Isaya 24:23

Due norieny matiptip, kendo wang’chieng’ bende noimre, nikech Ruoth Nyasaye Manyalo Gik Moko Duto nogur lochne e got Sayun man Jerusalem, mi duong’ne maler norieny e nyim jodonge.

Isaya 53:10

To kata kamano ne en dwaro mar Ruoth Nyasaye ni mondo ogoye, mi kete e chandruok. Ka ochiwo ngimane mondo opwodhgo richo mag joma moko, to enone ka nyithinde dak aming’a, kendo gik ma Ruoth Nyasaye ochano nodhi maber nikech en.

Isaya 7:16

nikech kata obedo ni koro uluoro ruodh Efraim gi ruodh Aram, to ka pok nyathino ong’eyo pogo gima rach gi gima ber, to pinje ruodhi ariyogo nobed mojwang’

Isaya 7:3

Eka Ruoth Nyasaye nowacho ni Isaya niya, “Dhiyo gi wuodi Shear-jashub ir Ahaz kama fereji mar pi mamalo ogikie but yo mochiko puodho miluongo ni puoth Jalwok Lewni, mondo iwachne kama:

Isaya 8:3

Bange ne ariwowa gi janabi madhako ma chiega, mi omako ich, monywolo nyathi ma wuowi. Eka Ruoth Nyasaye nowachona niya, “Chake ni Maher-shalal-hash-baz,

Jeremia 44:29

An Ruoth Nyasaye namiu ranyisi,

Ezekiel 12:6

We mondo gineni ka iketo misigo e goki, kendo ichakgo wuoth ka piny olil, kiumo wang’i ma ok inyal neno kuma idhiye. Gima itimono biro bedo siem ni jo-Israel.”

Ezekiel 14:8

Anabed mamon kode, mi atime ranyisi ma asetimogo ji, bende anagole kuom oganda joga, mi ung’e ni an e Ruoth Nyasaye.

Ezekiel 4:3

Bende kaw tap nyinyo mondo iket ka ohinga mar nyinyo e kindi gi matafarino. Chom matafarino tir, mondo ochal gi dala ma ogone ageng’a, to in ema ichal gi joma goyone ageng’a. Mano nobed ranyisi ni jo-Israel.

Zekaria 3:8

Koro yaye Joshua jadolo maduong’, in kaachiel gi jowadu mobet e nyima ka, chikuru itu. Un duto un ranyisi maber mar gik mabiro. Abiro kelo jatichna miluongo ni Badyath.

Zekaria 8:3

Koro an Ruoth Nyasaye awacho ni aseduogo Sayun kendo abiro dak Jerusalem. Jerusalem ibiro luongo ni, ‘Dala ma Adiera Nitie’, kendo god Ruoth Nyasaye Manyalo Gik Moko Duto noluong ni, ‘Got Maler’.

Luka 2:18

Ji duto mane ni kanyo nowuoro ahinya, kowinjo weche mane jokwath owachonigi.

Luka 2:34

Simeon noguedhogi, mowacho ni Maria min nyathino niya, “Nyathini oketi mondo ji mang’eny ochung’ e Israel, kendo enobed ranyisi ma ji dagi.

Rapar mar Chik 28:46

Masichego nobednu ranyisi mochwere, kendo ni nyikwau,

Jo-Hibrania 10:33

Jomoko kuomu nodoko ka joma ourore e nyim ji, kiyanyogi kendo isandogi, to moko bende ne ok oringo oweyo joma ne itimonigi kamano.

Jo-Hibrania 12:22

Ooyo, un uchung’ e nyim got Sayun, dala mar Nyasaye mangima, ma en Jerusalem manie polo, kendo uchung’ e nyim malaika gana gi gana. Unie nyim chokruok ma galamoro mar nyithind Nyasaye.