Isaya 8:13 - MUMA MALER 2015

¹³ Ruoth Nyasaye Manyalo Gik Moko Duto, ema nyaka ikwan ni ler. En ema nyaka imiye luor, kendo en ema nyaka kibache goyi.

Motingʼo Loko Manyien

¹³ Jehova Nyasaye Maratego ema onego ikwan ka ngʼat maler, en ema onego umiye luor, kendo en ema onego kibaji mare goyi,

Isaya 8:13 ပူးပေါင်းရင်းမြစ်များ

Chakruok 31:53

Nyasach Ibrahim gi Nyasach Nahor nopog kindwa kodi kwatimo kamano.” Bang’e Jakobo nokuong’ore e nying Nyasaye mane Isaka wuon mare lamo.

Zaburi 76:7

To in, A Ruoth, ilich manade! Ere gima dichung’ e nyimi ka ikecho?

Wuok 20:20

Musa nodwokogi niya, “Kik uluor, nimar Nyasaye osebiro mana ni mondo otemu, kendo omi usik kuluore mondo kik utim richo.”

Isaya 29:23

nikech ka nyikwaye oneno gima asetimo ni ogandagi, to ginimi nyinga duong’. Ee, ginidend Ng’ama Ler mar Jakobo. Adier, ginimi Nyasach Israel luor.

Isaya 5:16

Yo ma Ruoth Nyasaye Manyalo Gik Moko Duto ng’adoe bura biro miye duong’, kendo timne makare biro nyiso ni en Ng’ama Ler.

Ezekiel 38:16

Ununur kuom joga Israel, mana ka rumbi maumo piny. Ka kindeno ochopo, anaori mondo imonj pinya, to gima natimni nonyis ogendini ni an Ng’ama Ler, mi ging’eya, yaye Gog!

Tim jo-Lawi 10:3

Bang’ mano Musa nowacho ni Harun niya, “Ma e gima Nyasaye nowuoyoe niya, ‘Joma sudo buta nyaka ng’e ni an Ng’ama Ler, kendo nyaka gimiya duong’ e nyim ji duto.’ ” To Harun noling’ aling’a thi, ka dhoge omoko.

Tim jo-Lawi 22:32

Kik ucha nyinga maler. Jo-Israel nyaka mi nyinga maler duong’. An e Ruoth Nyasaye mapwodhou,

Malaki 2:5

“Kane atimo kodgi singruokna, ne achikogi ngima kod dak maber, mamiyogi mago duto mondo gimiya luor. Kamano ne gimiyo nyinga duong’, kendo giluora.

Kwan 27:14

nikech nutamoru rito chikna kane oganda jo-Israel piem koda e sokni manie thim Zin, kendo ne ok unyiso oganda ni an Ng’ama Ler.” (Mago e sokni mag Meriba man but Kadesh e thim Zin.)

Mathayo 10:28

Kik uluor joma nego mana ringruok kende, to ok nyal nego chuny. To luoruru Jal ma nyalo tieko chuny kaachiel gi ringruok e mach mak rum.

Luka 12:5

To adwaro nyisou ng’at monego uluor; Luoruru Nyasaye nimar en ema en gi teko, ma, ka oseneg ng’ato to onyalo wito e mach mak tho. Adier awachonu ni, luoruru Jalo!

Jo-Rumi 4:20

Ne pod ogeno agena singruok mar Nyasaye ma ok oriwo gi kiawa. Yie mare nopong’ gi teko, mi omiyo Nyasaye duong’,

Rapar mar Chik 14:23

Chamgiuru e nyim Ruoth Nyasaye ma Nyasachu kama obiro yiero mondo nyinge obedie. Kamano ubiro puonjoru luoro Ruoth Nyasaye ma Nyasachu ndalo duto.

Fweny 15:4

A Ruoth, en ng’ano ma ok nyal luori, kata ma ok nyal miyo nyingi duong’? In kendi ema iler! Ogendini duto nobi, mi kulre e nyimi, nikech timbeni makare osenenore ratiro.”

1 Samuel 11:7

Nonego dho pur ariyo, mopogo lemo lemo. Eka nomiyogi joote, moterogi e piny Israel duto, kowacho niya, “Ng’at modagi wuok bang’ Saulo, kendo bang’ Samuel noneg dhoge mana kama.” Luoro moa kuom Ruoth Nyasaye nomako ji, mi ne giwuok giduto gi chuny achiel.