Isaya 7:3 - MUMA MALER 2015

³ Eka Ruoth Nyasaye nowacho ni Isaya niya, “Dhiyo gi wuodi Shear-jashub ir Ahaz kama fereji mar pi mamalo ogikie but yo mochiko puodho miluongo ni puoth Jalwok Lewni, mondo iwachne kama:

Motingʼo Loko Manyien

³ Eka Jehova Nyasaye nowachone Isaya niya, “Wuogi in kaachiel gi wuodi miluongo ni Shear-Jashub udhi mondo urad gi Ahaz kama oula madonjo e yawo mamalo ogikie mantie but yo miluongo ni Puoth Jaluok lewni.

Isaya 7:3 ပူးပေါင်းရင်းမြစ်များ

2 Ruodhi 16:1

E higa mar apar gabiriyo mar loch Peka wuod Remalia ema Ahaz wuod Jotham nodokoe ruodh Juda.

2 Ruodhi 18:17

Ruodh Asuria nooro Tartan gi Rabsaris kod Rabshake, ma jodonge, kaachiel gi oganda lweny maduong’, ir Hezekia, mi ne giwuok Lakish ka gidhi Jerusalem. Kane gichopo kuno, ne gichung’ but fereji mane golo pi e Yawo Mamalo, e yo maduong’ madhi e puodho miluongo ni Puoth Jalwok Lewni.

2 Ruodhi 20:20

Weche moko mag Hezekia, gi tekone duto, kendo kaka noloso yawo gi fereji maduong’ mane kelo pi Jerusalem, ondik e Kitap Weche mag Ndalo mag Juda.

Nehemia 3:16

Nehemia wuod Azbuk, jatend dir gweng’ Bethzur, nogedo e dir Shalum, mochopo nyaka kar liend Daudi, kendo nyaka yawo mokuny, kod od jolweny.

Wuok 7:15

Dhiyo ire gokinyi, kodhi e aora Nael, mi irite e dho aora, kiting’o luth mane olokore thuolcha.

Isaya 10:21

Adier, joma nok modong’ ma nyikwa Jakobo noduog ir Nyasaye Maratego.

Isaya 22:10

kendo unukwan ut Jerusalem, mi unumuk moko mondo ulosgo ohinga obed motegno,

Isaya 22:11

bende unukuny yawo e kind ohinga ma oko kod ohinga maiye mondo pi Soko Machon odonjie. To kata kamano ok nupar Jachuech gik moko duto, kata dewo Jal mane oseloso gigo duto chon, ok nudew.

Isaya 36:2

Ne ooro Rabshake kod oganda lweny mang’ongo ka en Lakish mondo odhi Jerusalem ir ruoth Hezekia. Kane Rabshake ochopo kuno, ne ochung’ but fereji magolo pi e yawo mamalo man yo mochiko puodho miluongo ni Puoth Jalwok Lewni.

Isaya 55:7

Joma timbegi mono mondo owe timbegi maricho kod paro mochido. Onego giduog ir Ruoth Nyasaye mondo okechgi. Adier, onego giduogi ir Nyasachwa, nimar nong’wonnigi richogi duto.

Isaya 6:13

Kata ka achiel kuom apar mar ji odong’ kanyo, to gin bende notiekgi pep, mana ka yien motong’, mi osiki kende ema odong’. Kamano jo-Nyasaye ma biro dong’ nochal gi osikino.”

Jeremia 22:1

Ruoth Nyasaye nowacho niya, “Dhiyo e od ruodh Juda ma nyakwar Daudi,

Jo-Rumi 9:27

Isaya bende nowuoyo kuom jo-Israel kama: “Kata ka jo-Israel ng’eny mana ka kuoyo manie dhonam, to ji manok kuomgi kende ema nokwo,