Isaya 7:17 - MUMA MALER 2015

¹⁷ To in Ahaz, Ruoth Nyasaye biro keloni kaachiel gi jogi kod joodi masira ma pok oneye nyaka ne jo-Israel pogre kuom jo-Juda. Ruodh Asuria ema nokel masirano.

Motingʼo Loko Manyien

¹⁷ Kokalo kuom ruodh Asuria, Jehova Nyasaye biro kelo kuomi gi kuom jogi kod od wuonu masira mane pok oneye nyaka ne Efraim pogre gi Juda.”

Isaya 7:17 ပူးပေါင်းရင်းမြစ်များ

2 Weche mag Ndalo 33:11

Emomiyo Ruoth Nyasaye nomiyo jotend jolweny mag ruodh Asuria odhi kedo kodgi. Ne gimako Manase gi olowu, kendo ne gitueye gi ratege mag mula, mi gitere Babulon.

Nehemia 9:32

“A Nyasachwa man gi teko, in e Nyasaye maduong’ kendo malich, ma rito singruokne gi adiera. Omiyo koro kik ikaw masiche mwanenogi mayot, nikech ruodhiwa gi jodongwa gi jodolowa gi jonabiwa gi kwerewa kod jogi duto osethagore, chakre ndalo loch ruodhi mag Asuria nyaka chil kawuono.

Jeremia 33:24

“Donge isewinjo ka ji wacho ni aseweyo jo-Israel gi jo-Juda, ma gin dhoudi ariyo mane ayiero? Kuom mano koro gicharo joga, kendo ok gikwan-gi ka joma nigi pinygi.