Isaya 7:15 - MUMA MALER 2015

¹⁵ E kinde ma nyathino nong’ee pogo gima rach gi gima ber, to enobed ka ochamo mor dhiang’ gi mor kich,

Motingʼo Loko Manyien

¹⁵ Obiro chamo mana mor dhiangʼ kod mor kich nyaka chop orom pogo rach gi ber.

Isaya 7:15 ပူးပေါင်းရင်းမြစ်များ

Chakruok 18:8

Eka Ibrahim nokawo adila gi chiewo kod ring’o ma nolosono, moketo e nyim jogo. Kane gichiemo, nochung’ e tiend yath koritogi.

Zaburi 51:5

Asebedo katimo richo chakre ndalo mane onywolae. Adier, nyaka chieng’ mane mama omakoe ichna, asebedo jaricho.

Isaya 7:22

to enocham mo nikech chak mathoth moyudo kuom jamnigo. Adier, joma odong’ e piny Juda nocham mor dhiang’ gi mor kich.

Amos 5:15

Beduru mamon gi gik maricho, to heruru gik mabeyo, kendo gururu bura makare e ut bura, nikech dipo ka Ruoth Nyasaye Manyalo Gik Moko Duto otimo ng’wono ni joka Josef modong’.

Mathayo 3:4

Johana ne rwako law yie ngamia, kendo ne otweyo okanda mar del e nungone. Chiembe ne mana bonyo kod mor kich mae thim.

Luka 1:35

Eka malaika nodwoke ni, “Roho Maler biro lor kuomi, kendo teko mar Nyasaye Maduong’ Moloyo biro umi. Kuom mano, nyathi maler mibiro nywolono noluong ni, ‘Wuod Nyasaye’.

Luka 2:40

Nyathino nodongo, modoko motegno. Ne en gi rieko mathoth, kendo hap Nyasaye ne ni kode.

Luka 2:52

Yesu nodongo, kendo riekone nomedore ahinya, ka Nyasaye gi ji medo bedo mamor kode.

Jo-Rumi 12:9

Herau mondo obed maonge miganga. Beduru mosin gi gik maricho, to sikuru kuom gik mabeyo.

Rapar mar Chik 1:39

Nyithindu ma pod tindo mane uparo ni nobed joma nomak e lweny, kendo mapok ong’eyo pogo ber gi rach ema nodonj e pinyno. Gin ema namigi pinyno, kendo ginidagie.