Isaya 7:13 - MUMA MALER 2015

¹³ Bang’e Isaya nowacho niya, “Un joka Daudi, chikuru itu. Olo chuny ji ma uolo pok oromou koso, ma pod udwaroe mana olo Nyasacha bendeni?

Motingʼo Loko Manyien

¹³ Eka Isaya nowacho niya, “To un joka Daudi, koro winjuru! Chand muchandogo ji pok oromou? Koso pod udwaro chando Nyasacha bende?

Isaya 7:13 ပူးပေါင်းရင်းမြစ်များ

Chakruok 30:15

To Lea nopenje niya, “Iparo ni kawo chwora en gima tin koso, mapod kendo idwaroe mana mandrek mag wuoda bende?” To Rahel nodwoke niya, “Kimiya mandrekgo, to ang’ Jakobo nonind e odi kawuono.”

2 Weche mag Ndalo 21:7

To kata kamano Ruoth Nyasaye ne ok otieko dhood Daudi, nikech nosesingorene kaachiel gi nyikwaye ni anywolane nobed e kom duong’ ka taya malielne nyaka chieng’.

Zaburi 45:5

Aserni magi bitho, kendo hobo chuny wasiki. Ogendini podho apodha e tiendi.

Isaya 1:14

Ok ayie kodgi! Giwang’o iya, kendo ok adwar nenogi chuth!

Isaya 1:24

Omiyo Ruoth Nyasaye ma Nyakalaga, ma en Ng’ama Nyalo Gik Moko Duto mar Israel, wacho niya,

Isaya 22:22

Anamiye rayaw mar od Daudi, kendo gima oyawo, onge ng’ama nolor; bende gima oloro, onge ng’ama noyaw.

Isaya 25:1

A Ruoth Nyasaye, in e Nyasacha! Anating’ nyingi malo, kendo anapaki, nikech honni mane ichano chon, isetimo gi adiera.

Isaya 43:24

Ne ok ung’iewona niang’ gi pesau, kata dhila gi boche mag misengniu, ne ok udhila. To ne utura mana gi richou, kendo ne uola mana gi timbeu mamono.

Isaya 63:10

To kata kamano, ne gidagi lochne, mi gimiyo Roho mare maler okuyo, eka ne olokore jasikgi, mi okedo kodgi en owuon.

Isaya 7:12

To Ahaz nodwoko niya, “Ooyo, ok natem Ruoth Nyasaye ka akwaye mondo omiya ranyisi.”

Isaya 7:2

Kane joka Daudi owinjo ni jo-Aram osewinjore gi jo Efraim, ne gitetni kaachiel gi Ahaz ma ruodhgi, mana ka yien manie bungu ma yamo uko.

Jeremia 21:12

Timuru gik makare pile. Konyuru ng’at ma ithiro e lwet joma thire, ka ok kamano, to timbeu maricho biro wang’o iya, ka mach ma ok nyal negi.

Jeremia 44:22

Kata mana sani, pinyu okethore maonge ng’ama odakie. Oselokore gima bwogo ji, kendo giluongo nyinge ka gima okuong’, nikech Ruoth Nyasaye ne ok nyal weyo mak okumou kuom timbeu maricho.

Jeremia 6:11

Kuom mano, Ruoth Nyasaye, mirimbi opong’a, kendo koro ohewa.” Eka Ruoth Nyasaye nowacho ni Jeremia niya, “Ol mirimba kata mana kuom nyithindo matugo e yore, kendo kuom yawuowi mochokore kanyakla. Mon gi chwo ibiro kawo koda ka joma oti mojwajni.

Ezekiel 16:20

“Bang’e ne ikawo yawuowi kod nyiri mane isenywolona, mi ichiwo ka misango ni nyiseche manono. Iparo ni wech mane iweyago ne gima tin,

Ezekiel 16:47

Niluwo yoregi, mitimo timbe makuero mane gitimo, to mano ne ok oromi ngang’. Omiyo bang’ kinde matin kende, ne ibedo kitimo gik maricho moloyogi e yore duto.

Ezekiel 34:18

Uchamo lum mabeyo moloyo, to eka pod unyono lum ma ok ucham piny. Bende umodho pi maliw, to uduwo mago ma ok umodhi!

Ezekiel 6:9

To ginipara kuonde motergie e tuechgo mi ging’e ni ne asekumogi mana ni mondo wigi okuodi, nikech chunygi marach oseweya, mi gihero nyiseche manono moloya. Ginichare kendgi nikech timbe maricho kendo makuodo wich ma gisetimo.

Amos 3:13

Koro chikuru itu mondo usiem nyikwa Jakobo ni Ruoth Nyasaye Manyalo Gik Moko Duto wacho kama:

Malaki 2:17

Wecheu osemiyo Ruoth Nyasaye ool. To kupenjo ni ere kaka usemiyo ool, to odwokou niya, “Umiyo aol kuwacho ni Ruoth Nyasaye kwano joma richo ka joma beyo, kendo oherogi. Bende usemiyo aol kupenjo ni, ‘Ere Nyasachwa ma ng’ado bura kare?’ ”

Kwan 16:13

Iparo ni gol mane igolowago e piny maber kendo momew mondo watho e thim ka, en gima tin koso, ma pod idwaroe mana ni nyaka ibed jatendwa?

Kwan 16:9

Donge en gima ber ka Ruoth Nyasaye osepogou kuom dhout Israel mamoko kokelou bute mondo urit tije mag Hema Maler mar Ruoth Nyasaye, kuchung’ e nyim oganda jo Ruoth Nyasaye, kendo kutiyonigi?

Luka 1:69

Osekelonwa Jawar maratego, moa e dhood Daudi jatichne, mana kaka nosingore.

Tich Joote 7:51

“Mano kaka un joma wigi tek, ma chunygi bor gi Nyasaye, kendo modagi winjo wachne! Uchalo mana gi kwereu, nikech ndalo duto usegeng’o tich Roho Maler, mana kaka gin bende ne gitimo!

Jo-Hibrania 3:10

Mano emomiyo nakecho kod tieng’no, mi awacho niya, “Ndalo duto gitamore winjo chikena, kendo ok ging’eyo yorena,”