Isaya 7:1 - MUMA MALER 2015

¹ E kinde mane Ahaz wuod Jotham ma nyakwar Uzia obet ruodh Juda, Rezin ruodh Aram kod Peka wuod Remalia ma ruodh Israel ne jodhi monjo Jerusalem, to kawe notamogi.

Motingʼo Loko Manyien

¹ E kinde mane Ahaz wuod Jotham ma wuod Uzia, ne ruodh Juda, ruoth Rezin mar Aram to gi Peka wuod Remalia ruodh Israel nomonjo Jerusalem gi lweny, to ne ok ginyal loye.

Isaya 7:1 ပူးပေါင်းရင်းမြစ်များ

2 Ruodhi 15:25

To Peka wuod Ramalia, mane jaduong’ne mar lweny, kaachiel gi jo-Gilead piero abich, nojame, monege Samaria e od ruoth. Kane Peka osenege kamano, nokawo lochne.

2 Ruodhi 15:27

E higa mar piero abich gariyo, mar loch Uzia ruodh Juda, ema Peka wuod Remalia nodokoe ruodh Israel, morito piny kuom higni piero ariyo, kodak Samaria.

2 Ruodhi 15:37

E ndalogo Ruoth Nyasaye nochako ooro Rezin ruodh Aram kod Peka wuod Remalia mondo omonj jo-Juda.

2 Ruodhi 16:1

E higa mar apar gabiriyo mar loch Peka wuod Remalia ema Ahaz wuod Jotham nodokoe ruodh Juda.

2 Ruodhi 16:5

E ndalogo, Rezin, ruodh Aram, gi Peka wuod Remalia ruodh Israel nodhi monjo Jerusalem. Ne gilworo Ahaz gi joge, to ne ok ginyal loye.

Isaya 1:1

Ma e fweny ma wuoyo kuom Juda gi Jerusalem, mane Isaya wuod Amoz oneno e kinde mag loch Uzia gi Jotham, kod Hezekia, mane ruodhi Juda:

Isaya 8:6

“Ogandani osedagi wechena mamuol machalo pi Shiloa mamol mos gi kue,

Isaya 9:11

Ruoth Nyasaye biro kelo wasigu mondo oked kodgi. Adier, obiro thuwo wasikgi kodgi mondo otiekgi.

Ezekiel 27:16

Jo-Aram bende ne ng’iewo gigi mag ohala kaachiel gi gik mamoko mang’eny mane iloso. Ne gimiyi kite ma nengogi tek miluongo ni emerald gi koral kod rubi, gi law maralik gi nanga mayom mogorie kido mabeyo, kuom gigi.

Hosea 1:1

Kitabuni ondikie weche mane Ruoth Nyasaye onyiso Hosea wuod Beeri e ndalo loch ruodhi Juda ma Uzia gi Jotham gi Ahaz kod Hezekia, kendo e ndalo loch Jeroboam wuod Jehoash ruodh Israel.

Mika 1:1

Kitabuni ondikie weche mane Ruoth Nyasaye omiyo Mika ja-Moresheth e fweny kuom Samaria gi Jerusalem e kinde loch Jotham gi Ahaz gi Hezekia, ruodhi mag Juda.