Isaya 66:8 - MUMA MALER 2015

⁸ Ooyo! Gima kamano pok owinji kata pok one. Ka kamano, to bende dichue piny moro godiechieng’ achiel? Koso oganda bende dinywol dichiel? Sayun to ne onywolo yawuote mana e sa mowinjoe muoch!

Motingʼo Loko Manyien

⁸ En ngʼa mosewinjo wach machal kamano? En ngʼa moseneno gik machalo kamano? Bende piny dichwe godiechiengʼ achiel koso ogendini dichok dichiel? To mana e seche mane muoch ochako kayo Sayun ema nonywoloe nyithinde.

Isaya 66:8 ပူးပေါင်းရင်းမြစ်များ

Isaya 64:4

It pok owinjo kata wang’ pok oneno nyasaye moro ma rito joge mogeno kuome, to mak mana in.

Jeremia 18:13

“Kuom mano an Ruoth Nyasaye awacho kama: Penjieuru ogendini duto ka gima kama osetimore nyaka nene. Jo-Israel osetimo gima rach miwuoro!

Tich Joote 2:41

Kamano, joma ne oyie gi wachne ne obatisi, mi chieng’no ji alufu adek nomedre e kanyakla margi.

Tich Joote 21:20

Bang’ winjo wechego, ne gimiyo Nyasaye duong’ eka ne giwacho ni Paulo ni, “Owadwa, ineno kaka jo-Yahudi gana gi gana oseyie kuom Yesu, kendo giduto giketo chunygi matek kuom rito Chik Musa.

Tich Joote 4:4

To joma thoth kuom ji mane owinjo wach Petro gi Johana noyie, kendo kar romb joma chwo duto moyie koro ne dirom alufu abich.

1 Jo-Korintho 2:9

To riekono koro osefwenyore, mana kaka Muma wacho niya, “Gik ma wang’ pok oneno, kendo ma it pok owinjo, bende mapok odonjo e chuny dhano, e gik ma Nyasaye oiko ni joma ohere.”