Isaya 66:5 - MUMA MALER 2015

⁵ Winjuru wach Ruoth Nyasaye, un mutetni kowuoyo. Owacho kama: “Joweteu mosin kodu, kendo modagu nikech uhero nyinga, wacho niya, ‘Ruoth Nyasaye mondo onyis duong’ne maler, mondo waneye ane mor ma un go!’ To kata kamano gin ema ginine wichkuot.”

Motingʼo Loko Manyien

⁵ Winjuru wach Jehova Nyasaye, un jogo matetni kuwinjo dwonde: “Oweteni mochai kendo ok kwani ka gimoro nikech ihero nyinga osewacho niya, ‘Mad Jehova Nyasaye mi duongʼ, mondo omi wane morni!’ Kata kamano gin giwegi ema ginine wichkuot.

Isaya 66:5 ပူးပေါင်းရင်းမြစ်များ

1 Ruodhi 21:29

“Bende ineno kaka Ahab odembore e nyima? Ok abi kelo masira e ndalone, nikech osebedo modembore e nyima kamano, to abiro kelo masira e ode mana e ndalo wuode.”

2 Ruodhi 22:10

Eka nomedo wacho ni ruoth niya, “Hilkia osemiya kitabu moro.” Mi nosome ni ruoth.

2 Weche mag Ndalo 34:27

‘Asewinji nikech kane iwinjo wechena mane awacho kuom pinyni kod joma odakie, chunyi ne yom kendo odembore, miyiecho lepi, kendo iywak e nyima.

Ezra 9:4

Jogo duto mane oluoro wach Nyasach Israel nobiro ira, nikech gima rach mane joma oduogo koa e tuech Babulon otimo. Nabet kanyo ka dhoga omoko nyaka sa mitimoe misango mar odhiambo.

Zaburi 119:120

Luoro ma aluorigo miyo denda tetni. Buche ming’ado bende miyo kihondko maka.

Zaburi 38:20

Joma chulo rach kar ber mon koda nikech atimo gik makare.

Ngeche 13:13

Kitamori winjo puonj, to idwaro mana chandruok, to kiwinjo gima iwachoni, to iyudo pok maber.

Wer Mamit 1:6

Kik uchaya kuom bet dichol, nikech chieng’ ema oseloko kita kamano. Owetena ne mon koda, omiyo ne gimiya tich rito puoth mzabibu. Kuom mano, ne ok ayudo thuolo mar loso denda.

Isaya 26:11

A Ruoth Nyasaye iselocho, to joricho ok ne mano. We gineye hera matut miherogo jogi, mondo wigi okuodi, kendo mach ma iseiko ni wasiki otiekgi!

Isaya 5:19

Uwacho niya, “Ruoth Nyasaye mondo oreti, otim tichne piyopiyo wane! Adier, gima Ng’ama Ler mar Israel ochano timo, mondo ochop piyopiyo waneye!”

Isaya 60:15

Isebedo dala mojwang’ kendo ma ji ochayo, maonge ng’ama lim, to koro abiro miyo ibedo dala man gi duong’ mosiko, ma kelo ni ji mor ma ok rum.

Isaya 65:13

Kuom mano, an Ruoth Nyasaye, awacho niya: Jotichna nochiem, to un unudeny, kendo ginimodhi, to un riyo nohewu. Bende ginibed mail, un to unuyud wichkuot.

Isaya 66:2

Gigi duto an ema achueyo, kendo an e wuon-gi. An Ruoth Nyasaye ema awacho kamano. Ng’at ma abiro konyo en ng’at mamuol, ma chunye otur, kendo ma tetni kowinjo wachna.

Jeremia 36:16

kendo kane osetieko some duto, jotelogo nowuoyo e kindgi giwegi ka wuoro. Eka ne giwacho ni Baruk niya, “Nyaka wanyis ruoth wachni.”

Hosea 11:10

Abiro ruto ni wasik jo-Israel ka sibuor, mi joga biro biro ira. Gibiro ringo ira ka gia yo podho chieng’.

Mathayo 10:22

Ji duto nobed mamon kodu nikech an, to ng’ama otimo kinda nyaka giko ema nokwo.

Luka 13:17

Dwokone nokwodo wi wasike duto, to ji mamoko nodoko mamor kuom gik malich duto mane otimo.

Johana 16:2

Ji biro riembou e ut lemo. Adier, ndalo biro ma ka ng’ato onegou, to nopar mana ni otimo gima Nyasaye morgo.

Johana 9:34

To ne giwachone ni, “In nonywoli e chuny richo, to koro ere kaka dipuonjwa?” Eka ne giriembe oko e od lemo.

2 Jo-Thesalonika 1:12

Walemo ni mondo nying Ruodhwa Yesu oyud duong’ kuomu, kendo ni mondo un bende uyud duong’ nikech un joge. Nyasachwa kod Ruodhwa Yesu Kristo mondo omi gima kamano otimre kuom ng’wonone.

Tito 2:13

kendo warito gueth ma wageno yudo, ma en fwenyruok mar duong’ maler mar Kristo Yesu, Nyasachwa maduong’ kendo Jawar.

Jo-Hibrania 9:28

Mano e kaka Kristo bende ne ochiw ka misango dichiel kende, mondo oting’ richo mag ji mang’eny, to obiro fwenyore kendo mar ariyo, to ok ni mondo ogol richo, to mana ni mondo okel warruok ni jogo morite.

1 Johana 3:13

Owetena, kik ubwogi ka uneno ka piny mon kodu.