Isaya 66:24 - MUMA MALER 2015

²⁴ Giniwuogi, mi gine ringre joma otho mosepiem koda. Kudni machamogi ok notho, kata mach mawang’ogi bende ok notho, kendo ginibed gik ma ji duto osin-go.

Motingʼo Loko Manyien

²⁴ “Giniwuogi mi gine ringre joma otho mosepiem koda, kudni machamogi ok notho kata mach mawangʼogi ok notho kendo ginibed gik ma piny ngima ojokgo.”

Isaya 66:24 ပူးပေါင်းရင်းမြစ်များ

Zaburi 110:6

Obiro ng’ado ni ogendini bura, mi omi ringre joma otho pong paw lweny. Adier, obiro loyo ruodhi e piny ngima.

Isaya 1:28

Joricho duto gi joma piem koda to norum chuth, nimar gidagi biro ira.

Isaya 1:31

Ng’at ma rategoe moloyo nochal oswekle, kendo timbeu mamono ema nodok pilni mach, mi un uwang’ kaachiel gi timbeu, ma onge ng’ama nego majno!”

Isaya 14:11

Duong’ ma yande in go, kaachiel gi thumbe ma yande iwinjo, osedhi kodi e Piny Joma Otho. Kudni e godhro minindoe, kendo e baranget miumorigo.

Isaya 24:20

Adier, piny notagre mana ka ng’at momer, kendo noukni mana ka kiru ma yamo yiengo. Nopodhi, to ok nochak ochung’ kendo, nimar richo ji ohinge gi pek.

Isaya 26:11

A Ruoth Nyasaye iselocho, to joricho ok ne mano. We gineye hera matut miherogo jogi, mondo wigi okuodi, kendo mach ma iseiko ni wasiki otiekgi!

Isaya 34:10

mi pinyno lokre lam maliel otieno gi odiechieng’, ma ok nyal negi, bende iro nodumie mochwere. Enodong’ thim kuom higni gi higni, kendo onge ng’ama nochak oluw kuno.

Isaya 34:3

Jogi monegi nowe oko mak oyiki, mi ringregi pong’ piny gi mifuolu, kendo rembgi nobubni e gode.

Isaya 48:22

Ruoth Nyasaye owacho ni, “Joricho onge gi kue.”

Isaya 5:25

Kuom mano Ruoth Nyasaye okecho gi joge, kendo oserieyo bade kuomgi mogoyogi, mi gode otetni, kendo ringre jogo obimbore e wang’yore ka yugi. To kata kamano mirimbe pok okue, kendo pod okumogi akuma.

Isaya 51:8

nikech ibiro tiekgi, mi girum, mana kaka olwenda tieko law. To an, teko ma awarogo ji nosiki nyaka chieng’. Adier, resruok ma akelo ok norum kuom tienge duto.

Isaya 65:15

Ka joga moyier, dwaro kuong’o ng’ato, to giniluong nyingu ka giwacho ni, ‘Ruoth Nyasaye mondo oneg ng’atno, kaka ne onegou.’ Joga to analuong gi nying’ moro nono maber.”

Isaya 66:16

Ruoth Nyasaye noyal buch ji duto gi mach kod ligangla! Kamano joma Ruoth Nyasaye onego nobed mang’eny.

Daniel 12:2

Ji mang’eny kuom joma osetho biro chier. Moko kuomgi nochier mi yud ngima mochwere, to moko noyud wichkuot kod achaye mosiko.

Zekaria 14:12

Ruoth Nyasaye nogo ogendini duto mane okedo gi Jerusalem gi tho marach. Thono nochal kama: Ringregi notow mana ka gichung’ gi tiendgi, kendo wengegi notow mana e wigi, to lewgi bende notow mana e dhogi.

Mathayo 3:12

En gi rapiedhi e lwete, ma obiro piedhogo cham duto maler. Enochok chambe e dero, to mihudhi nowang’ gi mach mak tho!”

Fweny 21:8

To ngoche, gi joma ok oyie, kod jomriambo duto, kargi nobed mana ataro maliel gi ligek mach, ma en tho mar ariyo!”