Isaya 66:13 - MUMA MALER 2015

¹³ Kaka min nyathi hoyo nyathine, e kaka an bende abiro hoyou, mi uyud kue e Jerusalem.

Motingʼo Loko Manyien

¹³ Mana kaka miyo hoyo nyathine, e kaka abiro hoyou; kendo noho chunyu e Jerusalem.”

Isaya 66:13 ပူးပေါင်းရင်းမြစ်များ

Zaburi 137:6

Ee, ka ok apari, kendo ka ok aparo ni in e morna maduong’, to lewa mondo omok e danda!

Zaburi 94:19

Ka an gi parruok kendo kihondko omaka, to ikueyo chunya, kendo imiya bedo mamor.

Isaya 12:1

Chieng’no unuwach niya, “A Ruoth Nyasaye wabiro paki! Kata obedo ni mirima osemaki kodwa, to koro oselendo, mi ikweyo chunywa.

Isaya 40:1

Nyasachu wacho kama: “Houru chuny joga! Hogiuru!

Isaya 40:2

Wuouru gi jo-Jerusalem gi muolo, kuwachonigi ni gisetieko ndalogi mag tuech, kendo ni osekumgi moromo. Ruoth Nyasaye osekumogi nyadiriyo kuom richogi duto.”

Isaya 49:13

Un polo gi piny, koguru gi mor! Weruru wende locho, un gode, nimar Ruoth Nyasaye osekueyo chuny joge machandore, kendo obiro kechogi.

Isaya 51:12

An awuon ema ahoyou. Kuom mano, ere gima omiyo uluoro dhano adhana matho, kendo maonge ndhathe ka lumni?

Isaya 51:3

An Ruoth Nyasaye naho chuny Sayun. Adier, anaguedh kuonde modong’ gundni, mi alok kuonde motimo ongoro bed ka Eden, puoth Nyasaye. Mor gi ilo, kaachiel gi erokamano kod wer mamit nopong’ Sayun.

Isaya 66:10

Un duto muhero Jerusalem, moruru kode. Adier, beduru gi ilo nikech en. Un duto ma yande uywage, koro beduru mamor kode gi ilo.

2 Jo-Korintho 1:3

Duong’ obed ni Nyasaye ma wuon Ruodhwa Yesu Kristo. En e wuon ng’wono kendo makonyowa e yore duto.

2 Jo-Korintho 1:4

Okonyowa e masichewa duto mondo wan bende wakony joma nigi masira moro amora, ka wanyisogi kaka Nyasaye osekonyowa.

1 Jo-Thesalonika 2:7

Chutho kata obedo ni ne wanyalo miyou ting’ mapek nikech wan joote Kristo, to ne wabet mamuol e dieru kane wan kodu mana kaka min nyathi rito nyathine.