Isaya 66:10 - MUMA MALER 2015

¹⁰ Un duto muhero Jerusalem, moruru kode. Adier, beduru gi ilo nikech en. Un duto ma yande uywage, koro beduru mamor kode gi ilo.

Motingʼo Loko Manyien

¹⁰ “Moruru gi Jerusalem kendo bed mamor kode, un duto muhere; beduru gi ilo maduongʼ, un duto man-gi kuyo nikech en.

Isaya 66:10 ပူးပေါင်းရင်းမြစ်များ

Zaburi 122:6

Lemuru mondo Jerusalem obed gi kue, kuwacho niya, “Joma oheri, A Jerusalem, mondo odhi nyime maber.

Zaburi 137:6

Ee, ka ok apari, kendo ka ok aparo ni in e morna maduong’, to lewa mondo omok e danda!

Isaya 25:9

Chieng’no ji nowach niya, “Ma e Nyasachwa, ma waserito mondo oreswa. Adier, ma e Ruoth Nyasachwa ma wageno kuome, omiyo wabeduru mamor kendo moil, nikech osewarowa,

Isaya 35:2

Ee, ginithiew mang’eny, kendo piny nopong’ gi wende mor. Kuonde ma yande otwo nobed mang’ich mana ka gode mag Lebanon, kata ka lege mabeyo mag Sharon kod mag got Karmel, kendo jo-Israel none duong’ maler mar Ruoth Nyasachgi.

Isaya 44:23

Koguru gi mor un polo, nimar Ruoth Nyasaye ema osetimo kamano. Un kuonde matut moloyo mag piny, gouru mahu gi mor, kendo un gode kaachiel gi bunge kod yien, weruru wende locho, nikech Ruoth Nyasaye osewaro jo-Israel ma nyikwa Jakobo, komiyogo nyinge duong’.

Isaya 51:3

An Ruoth Nyasaye naho chuny Sayun. Adier, anaguedh kuonde modong’ gundni, mi alok kuonde motimo ongoro bed ka Eden, puoth Nyasaye. Mor gi ilo, kaachiel gi erokamano kod wer mamit nopong’ Sayun.

Isaya 65:18

Emomiyo beduru mamor kendo moil nyaka chieng’ gi gik ma achueyo, nimar achueyo Jerusalem obed dala makelo mor, kendo achueyo joma odakie mondo obed joma oil.

Isaya 9:3

Yaye Nyasaye, inimi oganda Israel nya, kendo inimi gimed bedo mamor. Ginibed mamor e nyimi kaka ji mor e ndalo keyo, kendo mana kaka ji mor ka pogo gik moyaki.

Ezekiel 9:4

mowachone niya, “Dhiyo, iwuothi e Jerusalem duto, iket kido e lela wang’ ng’ato ka ng’ato ma chunye lit kendo maywagore nikech gik moko duto makuero matimore e dalani.”

Rapar mar Chik 32:43

“Un polo, moruru kaachiel gi Ruoth Nyasaye. Un nyiseche duto, kulreneuru. Moruru un ogendini kaachiel gi joge, kendo malaika duto mag Nyasaye mondo opak tekone, nikech enochul kuor kuom remb jotichne, kokumo wasike kod joma ochaye. Enopwodh piny kaachiel gi joge.”