Isaya 65:5 - MUMA MALER 2015

⁵ Giwacho ni ji mamoko niya, ‘Kik usud machiegni kodwa, bende kik umulwa, nimar waler moloyou.’ Joma kamago gin mach maliel aliela ma ok tho, ma iche thing’a odiechieng’ duto.

Motingʼo Loko Manyien

⁵ giwacho ni ji mamoko niya, ‘Bed mabor koda; kik isud buta, nimar aler moloyi!’ Joma kamago gin mana iro mawuok e uma kendo ka mach maliel ma ok tho odiechiengʼ duto.

Isaya 65:5 ပူးပေါင်းရင်းမြစ်များ

Ngeche 10:26

Kik iwe jasamwoyo timni gimoro, nikech obiro chaloni ka kedhno marewo dhok, kendo ka iro malungo wang’.

Ngeche 16:5

Ruoth Nyasaye mon gi ng’ato ang’ata ma jasunga. Ng’at makamano to ok notony ngang’ mak oyudo kum.

Ngeche 30:12

Nitie ji moko ma paro ni ler, to adier pok opwodhgi.

Mathayo 9:11

Jo-Farisai moko noneno kamano, mi openjo jopuonjrene ni, “Ere gimomiyo japuonju chiemo gi josol osuru kod joricho?”

Luka 15:2

Eka jo-Farisai kod jopuonj Chik ne jochako ng’ur ni, “Jali rwako joricho, kendo ochiemo achiema kodgi.”

Luka 5:30

Jo-Farisai kod jopunjgi mag Chik nong’ur ni jopuonjre Yesu, kapenjo niya, “Ere gima omiyo uchiemo kendo umetho gi jasol osuru kod jorichogi?”

Luka 7:39

To kane ja-Farisai mane oluongo Yesu e odeno oneno kamano, nowacho e chunye niya, “Ka da ng’atni en janabi adier, to da ong’eyo ni dhako ma muleni en ng’a! Bende dong’eyo ni en jaricho.”

Rapar mar Chik 29:20

Ruoth Nyasaye ok nowe ni ng’atno richone, kendo mirimbe mager noliel kuome, mi kuong’ duto mondiki e kitabuni nomake kendo Ruoth Nyasaye noruch nyinge oko.

Jakobo 4:6

To ng’wono ma Nyasaye ochiwo ni dhano duong’ moloyo nyiego. En mana kaka Muma owacho niya, “Nyasaye miyo joma muol ng’wono, to odagi josunga.”

1 Petro 5:5

Kamano bende un joma tindo, nyaka uwinj jodongu, kendo un duto nyaka urwak muolo ka law, kukonyoru e kindu uwegi, nimar Muma wacho niya, “Nyasaye dagi josunga, to joma muol ema omiyo ng’wono.”

Juda 1:19

Mago e joma kelo pogruok. Gin joma gombo mag ringruok ema chiko, kendo gionge gi Roho.