Isaya 65:20 - MUMA MALER 2015

²⁰ kendo ok nobedie nyathi matho kapod yom, kata ng’at maduong’ matho kapok ndalone orumo. Bende ka ng’ato otho ka hike mia achiel, to nokwane ka ng’ama otho kapod tin. Joricho mokwong’ kende ema notho ka pok hikgi oromo mia achiel.

Motingʼo Loko Manyien

²⁰ “E polo manyien-no kod piny manyien-no ok nochak oyudie nyathi minywolo bangʼe dak mana kuom ndalo manok; kata ngʼat maduongʼ ma ok nodag matiek hike duto, ngʼat manotho ka hike mia achiel, nokwan mana ni otho ka pod en rawera; kendo ngʼat manotho ka hike pok ochopo higa mia achiel, nokwan mana ka ngʼama okwongʼ.

Isaya 65:20 ပူးပေါင်းရင်းမြစ်များ

Ayub 5:26

kendo inidag aming’a, mi itho ka ndaloni ogik kare, mana ka cham mochiek maber mokel kar dino.

Zaburi 34:12

Donge duher bedo mamor? Koso donge dudwar dak aming’a gi mor?

Isaya 22:14

To Ruoth Nyasaye Manyalo Gik Moko Duto osebirona e fweny, mi awinjo ka okuong’ore ni, richou ok nopwodhi nyaka chop thou. Mano e wach Ruoth Nyasaye Manyalo Gik Moko Duto!

Isaya 3:11

Jaricho to nigi masira, kendo gik moko duto dhine marach, nikech oyudo pok moromo gi timbene maricho.

Zekaria 8:4

Bende an Ruoth Nyasaye Manyalo Gik Moko Duto awacho ni, Jodongo kod mon moti biro chako bet e wang’yore mag Jerusalem kendo, ka moro ka moro sirore gi luth nikech hike oniang’ ahinya.

Rapar mar Chik 4:40

Emomiyo rituru buche kod chike Nyasaye ma amiyou kawuono. Eka un kaachiel gi nyikwau unubed maber, kendo unudag aming’a e piny ma Ruoth Nyasaye ma Nyasachu miyou mondo obed maru nyaka chieng’.”