Isaya 65:13 - MUMA MALER 2015

¹³ Kuom mano, an Ruoth Nyasaye, awacho niya: Jotichna nochiem, to un unudeny, kendo ginimodhi, to un riyo nohewu. Bende ginibed mail, un to unuyud wichkuot.

Motingʼo Loko Manyien

¹³ Kuom mano ma e gima Jehova Nyasaye Manyalo Gik Moko Duto wacho: “Jotichna nochiem, to unudeny; jotichna nomethi, to unuwinj riyo; jotichna nobed gimor, to unune wichkuot.

Isaya 65:13 ပူးပေါင်းရင်းမြစ်များ

Zaburi 34:10

Kata mana sibuoche bende chando gik ma gicham, mi kech hew, to joma oluoro Ruoth Nyasaye ok chand gimoro amora maber.

Ngeche 13:25

Joma kare nigi chiemo moromogi. Joricho to denyo ndalo duto.

Isaya 1:19

Ka uyie kuoma, mumako chikna gi chunyu duto, to unucham gik mabeyo duto manie piny.

Isaya 41:17

Joma odhier kod joma chandore manyo pi, to ok ginwang’, omiyo dwondgi otwo nikech riyo, to an Ruoth Nyasaye abiro dwoko kwayogi. Adier, an Nyasach Israel ok najwang’gi.

Isaya 41:18

Abiro miyo aore wuogi kuonde motwo motimo kwoyo, kendo sokni tuchi e holni. Bende abiro miyo yewni bedi e piny motimo ongoro, mi pi bubni e piny motwo.

Isaya 42:17

To joma ogeno mana kuom gik mopa, ma luongo gik maket ka nyisechegi, noyud wichkuot, kendo nodwok chien.

Isaya 44:11

nikech joma ogeno kuomgigo biro yudo wichkuot. Bende joma olosogi gin mana ji, ma ok Nyasaye. Koro weuru gichokre giduto mondo gichoma tir ane, mak kihondko bi makogi, mi giyud wichkuot maduong’.

Isaya 44:9

Joma loso nyiseche manono gin joma nono oloyo, kendo gik ma giherogo ok kony gimoro. Joma lamogi olokore muofni, kendo ok ging’eyo gimoro, omiyo wigi nokuodi.

Isaya 49:10

Kech ok nokagi, kendo riyo ok nologi, bende chieng’ marieny makech ok nomigi olo, nimar Jal ma oherogi ema notelnigi, ka terogi modho e soko ma pi bubnie.

Isaya 5:13

Kuom mano, noter joga e tuech e piny mabor kapok gifwenyo ni ginie masira. Kech gi riyo biro nego joma ogen kaachiel gi ji mamoko duto.

Isaya 50:11

Winjuru, un duto joma kudho mach, kendo moko meny, mi liel. Wuothuru awuotha e ligek mach musekudho kendo e meny ma usemokono! Gima ubiro yudo e lweta e ma; Ubiro rieru piny gi rem malit kutho.

Isaya 61:7

Kar bedo gi wichkuot, to unuyud pok nyadiriyo, kendo kar yudo achaya, to unubed mamor gi poku. Kamano unuyud pok nyadiriyo e pinyu, mi ubed gi mor mochwere,

Isaya 62:9

To jogo mosekeyo ema nocham cham ma gisekayo, kendo ginipak Ruoth Nyasaye. Bende jogo mosepono olemb mzabibu nomadh divai e laru mar Hekalu mara.”

Isaya 66:14

Ubiro neno kamano, mi chunyu bed mamor. Dendu nobed maber, mana ka lumb chwiri. An Ruoth Nyasaye ema nami jotichna ong’e tekona; Wasika to nanyis mirimba.”

Isaya 66:5

Winjuru wach Ruoth Nyasaye, un mutetni kowuoyo. Owacho kama: “Joweteu mosin kodu, kendo modagu nikech uhero nyinga, wacho niya, ‘Ruoth Nyasaye mondo onyis duong’ne maler, mondo waneye ane mor ma un go!’ To kata kamano gin ema ginine wichkuot.”

Isaya 8:21

Ginikadhi e piny ka githagore kendo ka gidenyo. Kamano igi nowang’, mi giyany ruodhgi kendo Nyasachgi.

Jeremia 22:22

Jotendu, yamo ema biro tero. Joma uriworugo ibiro kawo mi ter e tuech. Bang’e unuyud wichkuot kendo nog’eng’u nikech timbeu maricho.

Daniel 12:2

Ji mang’eny kuom joma osetho biro chier. Moko kuomgi nochier mi yud ngima mochwere, to moko noyud wichkuot kod achaye mosiko.

Hosea 4:10

Ka gichiemo, to ok giniyieng’. Gilamo nyasach nyodo, to kata kamano ok ginywol nyithindo, nikech giseweya, kendo gilamo nyiseche mamoko.

Malaki 3:18

Bang’ mano unune pogruok manie kind joma richo, kendo e kind joma tiyona gi joma ok tina.”